Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 5;1-27

5  Ndien Naaman+ etubom udịmekọn̄ edidem Syria akabade edi akwa owo ke iso ọbọn̄ esie onyụn̄ enyene ukpono, koro Jehovah akadade enye anyan̄a Syria;+ ndien owo emi ekedi ọkpọsọn̄ owo uko, okposụkedi ekedide owo akpamfia.  Ndien mbon Syria ẹwọn̄ọ nte otu mbon n̄wo+ ẹka, ẹnyụn̄ ẹkemụm ekpri eyenan̄wan+ kiet ke isọn̄ Israel, ndien enye edi edisan̄a utom ọnọ n̄wan Naaman.  Ekem enye ọdọhọ+ ekaufọk esie ete: “Ubaha nte ọbọn̄ mi okpodude ke iso prọfet+ emi odude ke Samaria! Enye akpanam akpamfia okụre enye.”+  Ekem, owo editịn̄ ọnọ ọbọn̄ esie ete: “Ntem ye ntem ke eyenan̄wan emi otode isọn̄ Israel ọdọhọ.”+  Ndien edidem Syria ọdọhọ ete: “Daha ka! Yak nnọ leta ẹsọk edidem Israel.” Ntre enye adaha aka onyụn̄ akama+ talent silver duop ye mbak gold+ tọsịn itiokiet ye mbufa ọfọn̄+ duop.  Enye onyụn̄ ada leta+ oro ọsọk edidem Israel, ete: “Ke ukem ini oro afo ọbọde n̄wed emi, mmọdọn̄ Naaman asan̄autom mi edi ebịne fi, man afo anam akpamfia okụre enye.”  Edikem ke ndondo oro edidem Israel okotde leta emi, enye awak+ ọfọn̄idem esie inikiet inikiet onyụn̄ ọdọhọ ete: “Ndi ami ndi Abasi,+ ndiwot m̀mê ndinịm uwem?+ Koro owo emi ọnọ owo ẹsọk mi ete nnam akpamfia okụre enye; mbọk, mbufo ẹkam ẹse, nte enye oyomde mi ikọ.”+  Edikem ke ndondo oro Elisha owo ata Abasi okopde ke edidem Israel ama awak ọfọn̄idem+ esie, enye ọsọsọp ọdọn̄ utom ọnọ edidem, ete: “Nso inam awakde ọfọn̄idem fo? Mbọk, yak enye edi ebịne mi man enye ọkpọfiọk ete ke prọfet odu ke Israel.”+  Ntre Naaman asan̄a ye mme enan̄-mbakara esie ye mme chariot ekọn̄ esie edida ke inuaotop ufọk Elisha. 10  Ndien Elisha ọdọn̄ isụn̄utom ọkọdọhọ enye ete: “Ka keyere mmọn̄+ ke Jordan utịm ikatiaba+ man obụkidem fo afiak ọfọn;+ ndien afo ayasana.” 11  Ntem Naaman ofụt esịt+ adaha onyụn̄ ọdọhọ ete: “Sese, n̄kakam n̄kere nte,+ ‘Enye ayasan̄a ebịne mi edida eseme okot enyịn̄ Jehovah Abasi esie onyụn̄ ofụn̄ ubọk esie aka iso afiak edem ke ọtọ oro ndien anam akpamfia okụre mi.’ 12  Nte Abanah ye Pharpar, mme akpa Damascus+ ifọnke ikan kpukpru mmọn̄+ ke Israel? Nte n̄kpekemeke ndiyere mmọn̄ do nnyụn̄ nsana?”+ Ndien enye ọwọn̄ọde adaha ke ifụtesịt.+ 13  Ndien mme asan̄autom esie ẹsan̄a ẹkpere enye ẹkedọhọ enye ẹte: “Ete mi,+ edieke ekpedide akwa n̄kpọ ke prọfet oro ọdọhọ fi anam, nte ukpunamke? N̄wan̄wadise, ndien, enye ndidọhọ fi, ‘Yere mmọn̄ nyụn̄ sana’?” 14  Ntem enye osụhọde aka ọkọduọ ke mmọn̄ Jordan utịm ikatiaba kpa nte owo ata Abasi ọkọdọhọde;+ ekem obụkidem esie akabade etie nte eke ekpri eyenọwọn̄,+ enye onyụn̄ asana.+ 15  Ndien enye afiak ebịne owo ata Abasi+ oro, enye ye ofụri udịm esie, onyụn̄ edida enye ke iso ọdọhọ ete: “Sese, ke emi, mmọfiọk nte ke baba Abasi kiet idụhe ke ebiet ekededi ke isọn̄ ke mîbọhọke ke Israel.+ Mbọk, ke emi, bọ asan̄autom fo enọ edidiọn̄+ emi.” 16  Edi enye ọdọhọ ete: “Ma uwem Jehovah+ emi ndade ke iso esie, ndibọhọ fi n̄kpọ emi.”+ Ndien enye ekpek enye ete ọbọ, edi enye inyịmeke ndibọ. 17  Ekem Naaman ọdọhọ ete: “Mbọk, edieke mûbọhọ, yak ẹnọ asan̄autom fo ndusụk ntanisọn̄+ emi, se ikemde mbiomo mule iba; koro asan̄autom fo mîdifọpke uwa inọ mme abasi efen ekededi ke mîbọhọke Jehovah.+ 18  Jehovah akpakam efen asan̄autom fo ke n̄kpọ emi: Ke ini ọbọn̄ mi edidụkde ufọk Rimmon+ ndinụhọ do, onyụn̄ eberede+ ke ubọk mi, ndien ami nnụhọ+ ke ufọk Rimmon, ke ini nnụhọde ke ufọk Rimmon, Jehovah akpakam efen asan̄autom fo.”+ 19  Ntem enye ọdọhọ ete: “Nyọn̄ ke emem.”+ Ntem enye adaha ọkpọn̄ enye onyụn̄ aka oyom usụn̄. 20  Ndien Gehazi+ asan̄autom Elisha owo ata Abasi+ ọdọhọ ete: “Sese, eteufọk mi ayak Naaman+ owo Syria emi ọnyọn̄ inyụn̄ ibọhọ enye baba n̄kpọ kiet emi enye akadade edi. Ma uwem Jehovah,+ mmọn̄ mfehe mbịne enye, n̄kọbọ enye n̄kpọ.”+ 21  Ndien Gehazi efehe ebịne Naaman. Ke ini Naaman okụtde nte owo efehede ebịne imọ, enye ọsọsọp osụhọde ke chariot esie okosobo ye enye onyụn̄ obụp enye ete: “Ndi mfịna odu?”+ 22  Ntem enye ọbọrọ ete: “Mfịna idụhe. Eteufọk mi+ ọdọn̄ mi utom+ ete, ‘Sese! N̄kparawa iba ke otu nditọ mme prọfet ẹto ke obot obot ikpehe Ephraim ẹdi ẹbịne mi idahaemi.+ Mbọk, nọ mmọ talent silver kiet ye mbufa ọfọn̄ iba.’”+ 23  Ndien Naaman ọdọhọ enye ete: “Kam bọ talent iba.” Enye osụk ekpek+ ete enye ọbọ, ndien enye ọbọp talent silver iba ke ekpat iba, ye mbufa ọfọn̄ iba, onyụn̄ emen ọnọ asan̄autom esie iba ẹmen ẹbem enye iso. 24  Ke ini enye edide edisịm Ophel, enye ọsọsọp ọbọ mmọ ke ubọk okobon ke ufọk+ ndien osio mmọ unyọn̄. Ndien mmọ ẹnyọn̄ọ. 25  Ekem enye odụk edida ekpere eteufọk esie.+ Ndien Elisha ọdọhọ enye ete: “Gehazi, afo oto m̀mọ̀n̄ edi?” Edi enye ọbọrọ ete: “Asan̄autom fo ikakaha baba ebiet kiet.”+ 26  Ndien enye ọdọhọ enye ete: “Nte esịt mi iketịn̄ke inọ mi ke ini emi owo oro okosụhọrede ke chariot esie edisobo ye afo? Nte ini edi emi ndibọ silver m̀mê ọfọn̄ m̀mê in̄wan̄ olive m̀mê in̄wan̄ vine m̀mê erọn̄ m̀mê enan̄ m̀mê ofụn eren m̀mê ofụn an̄wan?+ 27  Mmọdo akpamfia+ Naaman eyeyịre fi ye nditọ fo ke nsinsi.”+ Ke ndondo oro enye ọkpọn̄de iso esie, enye akabade owo akpamfia onyụn̄ afia nte snow.+

Mme Ikọ Idakisọn̄