Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 3;1-27

3  Ndien Jehoram+ eyen Ahab akabade edi edidem Israel ke Samaria ke ọyọhọ isua efịteta emi Jehoshaphat edidem Judah akarade, enye onyụn̄ akara ke isua duopeba.  Ndien enye anam se idiọkde ke enyịn Jehovah,+ n̄kukụre edi ke enye ikanamke isịm udomo emi ete+ ye eka esie ẹkenamde, edi enye ama osio adaha+ utuakibuot Baal emi ete esie akanamde efep.+  N̄kukụre edi nte ke enye ama ọsọn̄ọ eyịre ke mme idiọkn̄kpọ Jeroboam+ eyen Nebat, emi enye ekesịnde Israel ẹnam.+ Enye ikọwọn̄ọkede ikpọn̄ ndinam mmọ.  Amaedi Mesha+ edidem Moab, enye ekedi ekpemerọn̄, enye onyụn̄ ada nditọerọn̄ tọsịn ikie ye okukịm erọn̄ tọsịn ikie emi owo mîfatke idet, ekpe ọnọ edidem Israel nte utomo.  Edikem ke ndondo oro Ahab akpade,+ edidem Moab ọsọn̄ ibuot+ ye edidem Israel.  Ndien Edidem Jehoram ọwọrọ ke Samaria ke usen oro akatan̄ ofụri Israel obon+ ọtọkiet.  Enye ama anam se ikande oro onyụn̄ ọdọn̄ utom ọnọ Jehoshaphat edidem Judah, ete: “Edidem Moab ọsọn̄ ibuot ye ami. Nte afo eyedi nnyịn ikan̄wana ekọn̄ ye Moab?” Ndien enye ọbọrọ ete: “Nyedi.+ Ami ye afo idi kiet; ikọt mi ẹnyụn̄ ẹdi ikọt fo;+ mme enan̄-mbakara mi ẹnyụn̄ ẹdi mme enan̄-mbakara fo.”  Ndien enye obụp ete: “Usụn̄ ewe ke nnyịn idisan̄a idọk?” Ntre enye ọbọrọ ete: “Idisan̄a usụn̄ wilderness Edom.”+  Ndien edidem Israel ye edidem Judah ye edidem Edom+ ẹdaha ẹka, mmọ ẹnyụn̄ ẹsan̄a ẹkanade ke usen itiaba, ndien mmọn̄ idụhe inọ mbonekọn̄ ye mme ufene oro ẹkesan̄ade ye mmọ. 10  Ekem edidem Israel ọdọhọ ete: “Edi ata n̄kpọ mbọm ke emi Jehovah okotde ndidem ita emi man ayak mmọ esịn Moab ke ubọk!”+ 11  Ntem Jehoshaphat ọdọhọ ete:+ “Nte prọfet Jehovah idụhe mi?+ Mmọdo ẹyak nnyịn ibụp enye uyo Jehovah.”+ Ntre kiet ke otu mme asan̄autom edidem Israel ọbọrọ ete: “Elisha+ eyen Shaphat emi ekesitọhọde Elijah mmọn̄ ke ubọk, mmọmi.”+ 12  Ndien Jehoshaphat ọdọhọ ete: “Ikọ Jehovah odu ye enye.” Ntem edidem Israel ye Jehoshaphat ye edidem Edom ẹsụhọde ẹka ke ọtọ esie. 13  Ndien Elisha ọdọhọ edidem Israel ete: “Nsan̄a nso ye afo?+ Ka bịne mme prọfet+ ete fo ye mme prọfet eka fo.” Edi edidem Israel ọdọhọ enye ete: “Ihih, koro Jehovah okotde ndidem mbita emi man ayak mmọ esịn edidem Moab ke ubọk.”+ 14  Ndien Elisha ọdọhọ ete: “Ma uwem Jehovah+ mme udịm emi ami ndade ke iso esie, mîkpedịghe iso Jehoshaphat edidem Judah ke ami n̄kpono,+ n̄kpesehe fi iso n̄kponyụn̄ n̄kwe fi.+ 15  Ke emi, mbufo ẹda ebre ndido urụk ẹsọk mi.”+ Ndien ke ndondo oro ebre ndido ebrede ndido urụk, ubọk+ Jehovah odoro enye ke idem. 16  Ndien enye ọdọhọ ete: “Ntem ke Jehovah ọdọhọ ete, ‘Mbufo ẹtịbi ukpe ẹyọhọ ke itịghede emi;+ 17  koro ntem ke Jehovah ọdọhọ ete: “Mbufo idikwe ofụm, idinyụn̄ ikwe edịm; edi mmọn̄ ọyọyọhọ itịghede oro,+ mbufo ẹyenyụn̄ ẹda mmọn̄ do ẹn̄wọn̄,+ mbufo ye ufene mbufo.”’ 18  Ndien emi edidi ekpri n̄kpọ ke enyịn Jehovah,+ enye oyonyụn̄ ayak Moab esịn mbufo ke ubọk.+ 19  Mbufo ẹyenyụn̄ ẹwụri kpukpru mme obio ibibene+ ye kpukpru ndiye obio, ẹnyụn̄ ẹkpen̄e+ kpukpru nti+ eto ẹduọn̄ọ, ẹnyụn̄ ẹsịri kpukpru mme idịm mmọn̄, ẹnyụn̄ ẹda itiat ẹbiat kpukpru nti in̄wan̄.” 20  Edikem ke usenubọk,+ ke ini ẹkade ndiwa uwa n̄kpasịp,+ sese! mmọn̄ oto ke n̄kan̄ edem Edom ọwọrọ, isọn̄ oro onyụn̄ ọyọhọ ye mmọn̄. 21  Ndien kpukpru mbon Moab ẹkop ke ndidem oro ẹdi ndin̄wana ye mmimọ. Mmọdo mmọ ẹkot ediwak owo ẹbon ọtọkiet, ọtọn̄ọde ke mbon oro ẹkemede ndibọbọ+ ubọpisịn, ndien mmọ ẹka ẹkeda ke adan̄a. 22  Ke ini mmọ ẹdahade ẹda ke usenubọk, utịn ayama ọtọ enyọn̄ mmọn̄ oro, tutu mmọn̄ oro etie nte iyịp ke enyịn mbon Moab oro ẹdade ke edem n̄kan̄ oko. 23  Ndien mmọ ẹdọhọ ẹte: “Iyịp edi emi! Ẹmewot ndidem, mmọ ẹmenyụn̄ ẹwot kiet eken. Ndien, ke emi, O Moab, ẹtan̄ mbụme!”+ 24  Ke ini mmọ ẹdụkde itienna Israel, nditọ Israel+ ẹdaha ẹda inikiet inikiet ẹnyụn̄ ẹtọn̄ọ ndiwot mbon Moab tutu mmọ ẹfen̄e ke iso mmọ.+ Ntem mmọ ẹbe ẹdụk Moab ẹnyụn̄ ẹwot mbon Moab nte mmọ ẹdụkde ẹka. 25  Ndien mmọ ẹsobo mme obio oro,+ owo kiet kiet onyụn̄ otop-itiat esie tutu itiat ẹyọhọ kpukpru nti in̄wan̄; mmọ ẹnyụn̄ ẹsịri+ kpukpru idịm mmọn̄, ẹnyụn̄ ẹkpen̄e kpukpru nti eto ẹduọn̄ọ,+ ndien n̄kukụre se mmọ ẹkesụhọde ke esịt ẹkedi mme itiat Kir-hareseth;+ mme otop itiat ẹnyụn̄ ẹsan̄a ẹkanade ẹnyụn̄ ẹwụri enye. 26  Ke ini edidem Moab okụtde ke ekọn̄ ọsọn̄ akan imọ, enye adaha iwiwa ada owo ikie itiaba emi ẹkamade akan̄kan̄ adian idem man ekesịm edidem Edom;+ edi mmọ ikemeke. 27  Ke akpatre enye emen akpan esie emi akpakarade ke itie esie awa+ nte edifọp uwa ke ibibene. Ndien ẹyat esịt etieti ye Israel, tutu mmọ in̄wanake aba ye enye edi ẹfiak ẹnyọn̄ọ obio mmọ.

Mme Ikọ Idakisọn̄