Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 2;1-25

2  Edikem ke ini Jehovah oyomde ndida ọkpọsọn̄ oyobio mmen Elijah+ ndọk heaven,+ Elijah ye Elisha+ ẹsan̄a ntre ẹdaha ke Gilgal.+  Ndien Elijah ọdọhọ Elisha ete: “Mbọk, tie mi, koro Jehovah ọdọn̄de mi utom ke Bethel.” Edi Elisha ọbọrọ enye ete: “Ma uwem Jehovah,+ ma ukpọn̄ fo n̄ko,+ ami ndikpọn̄ke fi.”+ Ntre mmọ ẹsụhọde ẹka Bethel.+  Ndien nditọ mme prọfet+ emi ẹdude ke Bethel ẹwọrọ ẹdidọhọ Elisha ẹte: “Nte ọmọfiọk ke Jehovah ọmọn̄ emen eteufọk fo mfịn emi efep, ke enye ididịghe aba etubom fo?”+ Enye ọbọrọ mmọ ete: “Mmetịm mfiọk oro.+ Ẹdop uyo.”  Ekem Elijah ọdọhọ enye ete: “Elisha, mbọk tie mi, koro Jehovah ọdọn̄de mi utom ke Jericho.”+ Edi enye ọbọrọ ete: “Ma uwem Jehovah, ma ukpọn̄ fo n̄ko, ami ndikpọn̄ke fi.” Ntre mmọ ẹsan̄a ẹdisịm Jericho.  Ndien nditọ mme prọfet oro ẹdude ke Jericho ẹdi ẹdidọhọ Elisha ẹte: “Nte ọmọfiọk ke Jehovah ọmọn̄ emen eteufọk fo mfịn emi efep, ke enye ididịghe aba etubom fo?” Ndien enye ọbọrọ mmọ ete: “Mmetịm mfiọk oro. Ẹdop uyo.”+  Ekem Elijah ọdọhọ enye ete: “Mbọk, tie mi, koro Jehovah ọdọn̄de mi utom ke Jordan.”+ Edi enye ọbọrọ ete: “Ma uwem Jehovah, ma ukpọn̄ fo n̄ko, ami ndikpọn̄ke fi.”+ Ndien mmọ mbiba ẹsan̄a ẹka.  Ndien nditọ mme prọfet, owo aba ye duop, ẹka ẹkeda nsannsan ẹse;+ edi mmọ mbiba ẹda ke mben akpa Jordan.  Ndien Elijah akpan̄ ọfọn̄ prọfet+ esie ada amia mmọn̄ oro, ndien mmọn̄ oro abahade ada ke n̄kan̄ emi ye ke n̄kan̄ eken, ndien mmọ mbiba ẹsan̄a ke edisat isọn̄ ẹbe.+  Edikem ke ndondo oro mmọ ẹsan̄ade ẹbe, Elijah ọdọhọ Elisha ete: “Ben̄e se oyomde nnam nnọ fi mbemiso ẹmende mi ẹkpọn̄ fi.”+ Ndien Elisha ọbọrọ ete: “Mbọk, nọ mi udeme spirit+ fo iba.”+ 10  Ndien enye ọdọhọ enye ete: “Afo eben̄e+ ọkpọsọn̄ n̄kpọ. Edieke afo okụtde mi ke ini ẹdimende mi ẹkpọn̄ fi, eyedi ntre; edi edieke mûkwe mi, ididịghe ntre.” 11  Edikem nte mmọ ẹsụk ẹsan̄ade ẹka, ke ẹsan̄a ke ẹneme nneme, sese! ikan̄-ikan̄ chariot ekọn̄+ ye mme ikan̄-ikan̄ enan̄-mbakara ẹdi ẹdibahade mmọ mbiba; ndien Elijah asan̄a ke ọkpọsọn̄ oyobio ọdọk enyọn̄.+ 12  Ke ofụri ini emi Elisha ke okokụt onyụn̄ ofiori ete: “Ete mi, ete mi,+ chariot ekọn̄ Israel ye mme awat enan̄-mbakara esie!”+ Ekem enye ikwe enye aba. Ndien enye omụm ọfọn̄idem esie awak mbak iba.+ 13  Ke oro ebede enye emen ọfọn̄ prọfet+ oro ọkọfọrọrede Elijah ke idem ọduọ afiak edem akada ke mben Jordan. 14  Ekem enye ada ọfọn̄ prọfet oro ọkọfọrọrede Elijah ke idem ọduọ amia mmọn̄+ onyụn̄ ọdọhọ ete: “Enye Jehovah Abasi Elijah?”+ Ke ini enye amiade mmọn̄, mmọn̄ oro abahade ada ke n̄kan̄ emi ye ke n̄kan̄ eken, ntre Elisha asan̄a ke ufọt ebe. 15  Ke ini nditọ mme prọfet oro ẹdude ke Jericho ẹdade ẹkụt enye nsannsan, mmọ ẹdọhọ ẹte: “Spirit+ Elijah omodoro Elisha ke idem.” Ntre mmọ ẹwọrọ ẹdisobo ye enye ẹnyụn̄ ẹnụhọ+ ke isọn̄ ẹnọ enye. 16  Ndien mmọ ẹdọhọ enye ẹte: “Sese, irenowo aba ye duop emi ẹdide mbon uko mmọmi ye mme asan̄autom fo. Mbọk yak mmọ ẹka ẹkeyom eteufọk fo. Koro ekeme ndidi spirit+ Jehovah emen enye okotop odori ke obot kiet mîdịghe esịn enye ke itịghede kiet.” Edi enye ọdọhọ mmọ ete: “Mbufo ẹkûdọhọ mmọ ẹka.” 17  Edi mmọ ẹka iso ẹkpak enye tutu bụt anam enye, ndien enye ọdọhọ ete: “Ẹdọn̄ mmọ ẹka.” Ntre mmọ ẹsio irenowo aba ye duop ẹdọn̄; ndien mmọ ẹka ẹkeyom enye usen ita, edi mmọ ikwe enye. 18  Ke ini mmọ ẹfiakde ẹnyọn̄ ẹtiene enye, enye okodu ke Jericho.+ Ndien enye ọdọhọ mmọ ete: “Ndi n̄kọdọhọke mbufo nte, ‘Ẹkûka’?” 19  Edikem mbio obio oro ẹdọhọ Elisha ẹte: “Sese obio emi ọfọn,+ kpa nte eteufọk mi okụtde; edi mmọn̄+ obio emi ifọnke, isọn̄ onyụn̄ anam idịbi obụn̄ọ iban.”+ 20  Ndien enye ọdọhọ ete: “Da ekpri obufa usan sịn inụn̄ sọk mi.” Ntre mmọ ẹda ẹsọk enye. 21  Ndien enye ọwọrọ aka iso mmọn̄ oro okotop inụn̄ oro esịn do+ onyụn̄ ọdọhọ ete: “Jehovah ọdọhọ ete, ‘Mmanam mmọn̄ emi ọfọn.+ Enye ididịghe aba ntak n̄kpan̄a m̀mê ntak idịbi ndibụn̄ọ iban.’” 22  Ndien mmọn̄ oro akabade ọfọn tutu esịm mfịn emi,+ kpa nte Elisha ọkọdọhọde. 23  Ndien enye adaha do ọdọk aka Bethel.+ Nte enye osụk ọdọkde aka ke usụn̄, n̄kpri nditọiren+ ẹto obio ẹwọn̄ọ ẹdisak enye nsahi+ ẹnyụn̄ ẹdọhọ enye ẹte: “Ibọ+ dọk! Ibọ dọk!” 24  Ekem enye ọwọn̄ọde enyịn ke edem okụt mmọ onyụn̄ ada enyịn̄ Jehovah osụn̄i+ mmọ. Ndien uman bear+ iba ẹwọn̄ọ ke ikọt ẹdiwai mmọ, nditọwọn̄ aba ye iba, mbai mbai.+ 25  Ndien enye oto do ebe aka Obot Carmel,+ onyụn̄ oto do afiak ọnyọn̄ Samaria.

Mme Ikọ Idakisọn̄