Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Ndidem 15;1-38

15  Ke ọyọhọ isua edịp ye itiaba emi Jeroboam akarade nte edidem Israel, Azariah+ eyen Amaziah+ edidem Judah akabade edi edidem.  Enye ekedi isua efịtekiet ke ini ọtọn̄ọde ndikara, enye onyụn̄ akara ke Jerusalem isua aba ye duopeba.+ Eka esie ekekere Jecoliah okonyụn̄ oto Jerusalem.  Ndien enye anam se inende ke enyịn Jehovah, nte ekemde ye kpukpru se Amaziah ete esie akanamde.+  N̄kukụre edi nte ke mme edikon̄ ebiet ẹkesụk ẹdodu.+ Mme owo ke ẹkesụk ẹwa uwa ẹnyụn̄ ẹnam nsụn̄ikan̄ uwa ọwọrọ ọdọk ke mme edikon̄ ebiet.+  Ekem Jehovah amia edidem+ oro ufen, ndien enye edi owo akpamfia+ tutu esịm usen n̄kpa esie, enye onyụn̄ odụn̄ ke ufọk esie inamke utom,+ ke adan̄aemi Jotham,+ eyen edidem esede aban̄a ufọk, onyụn̄ ekpede ikpe+ mbio obio.  Amaedi mme n̄kpọ efen emi ẹban̄ade Azariah ye kpukpru se enye akanamde, nte owo iwetke mmọ isịn ke n̄wed+ n̄kpọntịbe eyo ndidem Judah?  Ekem Azariah osụhọde ana ye mme ete ete esie,+ ndien mmọ ẹbụk enye ye mme ete ete esie ke Obio David; ndien Jotham eyen esie akara ke itie esie.+  Ke ọyọhọ isua edịp ye efịteta emi Azariah+ akarade nte edidem Judah, Zechariah+ eyen Jeroboam akabade edi edidem Israel ke Samaria ke ọfiọn̄ itiokiet.  Ndien enye anam se idiọkde ke enyịn Jehovah, kpa nte mme ete ete esie ẹkenamde.+ Enye ikọwọn̄ọkede ikpọn̄ idiọkn̄kpọ Jeroboam+ eyen Nebat, emi enye ekesịnde Israel ẹnam.+ 10  Ekem Shallum eyen Jabesh odụk odu+ aban̄a enye onyụn̄ ekịm enye owot+ ke Ibleam+ ndien akara ke itie esie. 11  Amaedi mme n̄kpọ efen emi ẹban̄ade Zechariah, sese ẹwet mmọ ẹsịn ke n̄wed+ n̄kpọntịbe eyo ndidem Israel. 12  Oro edi ikọ Jehovah+ emi enye eketịn̄de ọnọ Jehu ete:+ “Nditọiren+ fo ẹyetie ke ebekpo Israel tutu esịm ọyọhọ emana inan̄.” Ntre ke okonyụn̄ edi.+ 13  Ndien Shallum eyen Jabesh akabade edi edidem ke ọyọhọ isua edịp ye efịtenan̄ emi Uzziah+ edidem Judah akarade, enye onyụn̄ akara ke Samaria ke ofụri ọfiọn̄ enyọn̄ kiet.+ 14  Ndien Menahem+ eyen Gadi oto Tirzah+ ọdọk edi Samaria edikịm Shallum+ eyen Jabesh owot ke Samaria; ndien enye ọtọn̄ọ ndikara ke itie esie. 15  Amaedi mme n̄kpọ efen emi ẹban̄ade Shallum ye odu+ emi enye okodụkde, sese ẹwet mmọ ẹsịn ke n̄wed n̄kpọntịbe eyo ndidem Israel. 16  Ini oro ndien ke Menahem okoto Tirzah akasuan Tiphsah ye kpukpru se ikodude ke esịt ye mme obio esie, sia mmọ mîkosioho usụn̄ inọ enye, ndien enye an̄wana ye mmọ. Enye onyụn̄ ekịm kpukpru iban idịbi mmọ idịbi asiak.+ 17  Ke ọyọhọ isua edịp ye efịtenan̄+ emi Azariah akarade nte edidem ke Judah, Menahem eyen Gadi akabade edi edidem Israel ke Samaria ke isua duop. 18  Ndien enye aka iso anam se idiọkde ke enyịn Jehovah.+ Enye ikọwọn̄ọkede ikpọn̄ kpukpru idiọkn̄kpọ Jeroboam+ eyen Nebat, emi enye ekesịnde Israel ẹnam,+ ke ofụri eyo esie. 19  Pul+ edidem Assyria+ edi isọn̄ oro. Ekem Menahem ọnọ+ Pul talent silver tọsịn kiet,+ man enye adian ubọk anam ukara ọsọn̄ọ esịne imọ ke ubọk.+ 20  Ntre Menahem anam Israel ẹnọ silver, owo kiet kiet ke otu n̄kpọsọn̄ iren uko+ ẹnọ shekel silver aba ye duop, man enye ọnọ edidem Assyria. Ndien edidem Assyria afiak edem, enye inyụn̄ ibịghike do ke isọn̄ oro. 21  Amaedi mme n̄kpọ efen emi ẹban̄ade Menahem+ ye kpukpru se enye akanamde, nte owo iwetke mmọ isịn ke n̄wed+ n̄kpọntịbe eyo ndidem Israel? 22  Ekem Menahem osụhọde ana ye mme ete ete esie, ndien Pekahiah+ eyen esie ọtọn̄ọ ndikara ke itie esie. 23  Ke ọyọhọ isua aba ye duop oro Azariah akarade nte edidem Judah, Pekahiah eyen Menahem akabade edi edidem Israel ke Samaria ke isua iba.+ 24  Ndien enye aka iso anam se idiọkde ke enyịn Jehovah.+ Enye ikọwọn̄ọkede ikpọn̄ mme idiọkn̄kpọ Jeroboam+ eyen Nebat, emi enye ekesịnde Israel ẹnam.+ 25  Ndien Pekah+ eyen Remaliah, udiana+ esie, odụk odu+ aban̄a enye onyụn̄ owot enye ke Samaria ke tọwa ufọkidụn̄ edidem,+ owot enye ye Argob ye Arieh, ndien owo aba ye duop ke otu nditọ Gilead ẹdu ye enye. Ntre enye owot enye onyụn̄ ọtọn̄ọ ndikara ke itie esie. 26  Amaedi mme n̄kpọ efen emi ẹban̄ade Pekahiah ye kpukpru se enye akanamde, sese ẹwet mmọ ẹsịn ke n̄wed+ n̄kpọntịbe eyo ndidem Israel. 27  Ke ọyọhọ isua aba ye duopeba emi Azariah akarade nte edidem Judah, Pekah+ eyen Remaliah+ akabade edi edidem Israel ke Samaria ke isua edịp. 28  Ndien enye anam se idiọkde ke enyịn Jehovah.+ Enye ikọwọn̄ọkede ikpọn̄ mme idiọkn̄kpọ Jeroboam,+ eyen Nebat, emi enye ekesịnde Israel ẹnam.+ 29  Ke eyo Pekah edidem Israel, Tiglath-pileser+ edidem Assyria+ edi edida Ijon+ ye Abel-beth-maacah+ ye Janoah ye Kedesh+ ye Hazor+ ye Gilead+ ye Galilee,+ ofụri isọn̄ Naphtali,+ onyụn̄ atan̄ mmọ aka ntan̄mfep ke Assyria.+ 30  Ekem Hoshea+ eyen Elah odụk odu+ aban̄a Pekah eyen Remaliah onyụn̄ ekịm enye+ owot; ndien ọtọn̄ọ ndikara ke itie esie ke ọyọhọ isua edịp emi Jotham+ eyen Uzziah akarade. 31  Amaedi mme n̄kpọ efen emi ẹban̄ade Pekah ye kpukpru se enye akanamde, sese ẹwet mmọ ẹsịn ke n̄wed+ n̄kpọntịbe eyo ndidem Israel. 32  Ke ọyọhọ isua iba emi Pekah eyen Remaliah akarade nte edidem Israel, Jotham+ eyen Uzziah+ edidem Judah akabade edi edidem. 33  Ndien enye ekedi isua edịp ye ition ke ini enye ọtọn̄ọde ndikara, enye onyụn̄ akara isua efịtekiet ke Jerusalem. Eka esie ekekere Jerusha, okonyụn̄ edi eyen Zadok.+ 34  Ndien enye anam se inende ke enyịn Jehovah.+ Enye onyụn̄ anam kpukpru se Uzziah ete esie akanamde.+ 35  N̄kukụre edi nte ke mme edikon̄ ebiet ẹkesụk ẹdodu. Mme owo ke ẹkesụk ẹwa uwa ẹnyụn̄ ẹnam nsụn̄ikan̄ uwa ọwọrọ ọdọk ke mme edikon̄ ebiet.+ Enye okonyụn̄ ọbọp enyọn̄ enyọn̄ inuaotop ufọk Jehovah.+ 36  Amaedi mme n̄kpọ efen emi ẹban̄ade Jotham ye se enye akanamde, nte owo iwetke mmọ isịn ke n̄wed n̄kpọntịbe eyo ndidem Judah?+ 37  Ke ini oro, Jehovah ọtọn̄ọ ndidọn̄+ Rezin+ edidem Syria ye Pekah+ eyen Remaliah nnọ Judah. 38  Ekem Jotham osụhọde ana ye mme ete ete esie ndien ẹbụk enye ye mme ete ete esie ke obio David ete ete esie;+ ndien Ahaz+ eyen esie akara ke itie esie.

Mme Ikọ Idakisọn̄