Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Ndidem 13;1-25

13  Ke ọyọhọ isua edịp ye ita emi Jehoash+ eyen Ahaziah+ edidem Judah akarade, Jehoahaz+ eyen Jehu+ akabade edi edidem Israel ke Samaria ke isua efịteba.  Ndien enye aka iso ndinam se idiọkde ke enyịn Jehovah+ onyụn̄ aka iso anam idiọkn̄kpọ Jeroboam+ eyen Nebat, emi enye ekesịnde Israel ẹnam.+ Enye ikọwọn̄ọkede ikpọn̄ idiọkn̄kpọ emi.  Ndien Jehovah ayat esịt+ etieti ye Israel, onyụn̄ ayak mmọ esịn ke ubọk Hazael+ edidem Syria ye ke ubọk Ben-hadad+ eyen Hazael, ke ofụri eyo mmọ.  Ekem Jehoahaz ekpe Jehovah ubọk,+ ndien Jehovah okop+ uyo esie; koro enye okokụtde ufịk oro ẹfịkde Israel,+ koro edidem Syria ekefịkde mmọ.+  Ekem Jehovah ọnọ Israel andinyan̄a,+ ndien mmọ ẹwọn̄ọ ke ubọk Syria, ndien nditọ Israel ẹka iso ẹdụn̄ ke ufọk mmọ kpa nte ẹkedụn̄de ke akpa.+  (N̄kukụre edi nte ke mmọ ikọwọn̄ọkede ikpọn̄ idiọkn̄kpọ ufọk Jeroboam, emi enye ekesịnde Israel ẹnam.+ Enye akasan̄a+ ke idiọkn̄kpọ emi; ndien eto utuakibuot+ okosụk ododu ke Samaria.)  Koro owo ndomokiet ikosụhọke inọ Jehoahaz ke mîbọhọke mme awat enan̄-mbakara aba ye duop ye chariot duop ye owo tọsịn duop emi ẹsan̄ade ke ukot,+ koro edidem Syria okosobode mmọ,+ man enye anam mmọ ebiet ntọn̄ ke ọtọ udịghi wheat.+  Amaedi mme n̄kpọ efen emi ẹban̄ade Jehoahaz ye kpukpru se enye akanamde ye odudu esie, nte owo iwetke mmọ isịn ke n̄wed+ n̄kpọntịbe eyo ndidem Israel?  Ekem Jehoahaz osụhọde ana ye mme ete ete esie, ẹnyụn̄ ẹbụk enye ke Samaria;+ ndien Jehoash+ eyen esie ọtọn̄ọ ndikara ke itie esie. 10  Ke ọyọhọ isua edịp ye efịteba emi Jehoash edidem Judah akarade, Jehoash+ eyen Jehoahaz akabade edi edidem Israel ke Samaria ke isua efịtekiet. 11  Ndien enye anam se idiọkde ke enyịn Jehovah.+ Enye ikọwọn̄ọkede ikpọn̄ kpukpru idiọkn̄kpọ Jeroboam eyen Nebat, emi enye ekesịnde Israel ẹnam.+ Enye okonyụn̄ asan̄a ke mme idiọkn̄kpọ oro. 12  Amaedi mme n̄kpọ efen emi ẹban̄ade Jehoash ye kpukpru se enye akanamde ye odudu esie ye nte enye akan̄wanade+ ye Amaziah edidem Judah, nte owo iwetke mmọ isịn ke n̄wed+ n̄kpọntịbe eyo ndidem Israel? 13  Ekem Jehoash osụhọde ana ye mme ete ete esie, ndien Jeroboam+ osụhọde etie ke ebekpo esie. Ndien ẹbụk Jehoash ke Samaria ye ndidem Israel.+ 14  Ndien Elisha+ ọdọn̄ọ udọn̄ọ n̄kpa.+ Ntre, Jehoash edidem Israel osụhọde edi ke ọtọ esie editua eyet ke iso esie onyụn̄ ọdọhọ ete: “Ete mi,+ ete mi, chariot ekọn̄ Israel ye mme awat enan̄-mbakara esie!”+ 15  Ndien Elisha ọdọhọ enye ete: “Men utịgha ye idan̄.” Ntre enye emen utịgha ye idan̄. 16  Ndien enye ọdọhọ edidem Israel ete: “Kọk utịgha.” Ntre enye ọkọk utịgha, ndien Elisha odori ubọk esie ke ubọk+ edidem oro. 17  Ndien enye ọdọhọ ete: “Berede window edem usiahautịn.” Ndien edidem eberede. Ekem Elisha ọdọhọ ete: “Top!” Ntre enye otop. Ndien enye ọdọhọ ete: “Idan̄ edinyan̄a Jehovah, ye idan̄ edinyan̄a+ nsio ke ubọk Syria! Afo oyonyụn̄ osobo Syria ke Aphek+ tutu okụre mmọ.” 18  Ndien enye ọdọhọ ete: “Men idan̄.” Ndien enye emen idan̄. Ekem enye ọdọhọ edidem Israel ete: “Da yịbi isọn̄.” Ntre enye ada eyịbi isọn̄ utịm ikata onyụn̄ etre.+ 19  Ndien owo ata Abasi+ oro ayat esịt etieti ye enye; ndien ọdọhọ enye ete: “Akpakana afo eyịbi isọn̄ utịm ikotion m̀mê ikotiokiet! Edieke akpakanamde ntre afo akpasuan Syria tutu mmọ ẹkụre, edi idahaemi utịm ikata ke afo edisuan Syria.”+ 20  Ekem Elisha akpa, ndien ẹbụk enye.+ Ndien ama odu otu mbon n̄wo+ Moab+ emi ẹkesidide idụt emi ke ntọn̄ọ isua. 21  Edikem nte ẹbụkde owo, sese mmọ ẹda ẹkụt otu mbon n̄wo emi. Mmọ ẹsọsọp ẹtop owo oro ẹsịn ke udi Elisha ẹfen̄e. Ke ndondo oro okpo owo emi otụkde mme ọkpọ Elisha, enye eset+ onyụn̄ adaha adada ke ukot esie.+ 22  Ndien Hazael+ edidem Syria, efịk+ Israel ke ofụri eyo Jehoahaz. 23  Edi Jehovah ọfọn mfọn+ ye mmọ onyụn̄ atua mmọ mbọm+ onyụn̄ ọwọn̄ọde ese mmọ ke ntak ediomi+ emi enye okodiomide ye Abraham,+ Isaac+ ye Jacob;+ ndien enye ikoyomke ndisobo+ mmọ, ikonyụn̄ itopke mmọ iduọk ke iso esie tutu esịm emi. 24  Ekem Hazael edidem Syria akpa, ndien Ben-hadad eyen esie ọtọn̄ọ ndikara ke itie esie. 25  Ndien Jehoash eyen Jehoahaz afiak ọbọ Ben-hadad eyen Hazael mme obio emi enye ọkọbọde Jehoahaz ete esie ke ekọn̄. Jehoash akan enye utịm ikata onyụn̄ afiak ọbọ mme obio Israel.+

Mme Ikọ Idakisọn̄