Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 12;1-21

12  Ke ọyọhọ isua itiaba emi Jehu+ akarade, Jehoash+ akabade edi edidem, ndien enye akara ke Jerusalem isua aba. Eka esie ekekere Zibiah okonyụn̄ oto Beer-sheba.  Ndien Jehoash anam se inende ke enyịn Jehovah ke ofụri ini emi Jehoiada oku etemede enye.+  N̄kukụre edi nte ke mme edikon̄ ebiet ẹkesụk ẹdodu.+ Mmọ ke ẹkesụk ẹwa uwa ẹnyụn̄ ẹnam nsụn̄ikan̄ uwa ọwọrọ ọdọk ke mme edikon̄ ebiet.  Ndien Jehoash ọdọhọ mme oku+ ete: “Kpukpru okụk ndisana enọ+ oro ẹdade ẹdi ufọk Jehovah,+ okụk emi ẹbierede ẹnọ owo kiet kiet,+ okụk emi ẹbọde kpukpru ukpọn̄ emi ẹkan̄ade akan̄a,+ kpukpru okụk emi owo kiet kiet ebierede ke esịt esie ndida ndi ufọk Jehovah,+  yak oku kiet kiet ọbọ ọdiọn̄ọ esie;+ ndien yak mmọ ẹdiọn̄ mme ebiet oro ẹsiahade ke ufọk oro, kpa ebiet ekededi emi ẹkụtde nte asiahade.”+  Ndien tutu esịm ọyọhọ isua edịp ye ita emi Edidem Jehoash akarade, mme oku ikọdiọn̄ke kan̄a mme ebiet oro ẹsiahade ke ufọk oro.+  Ntre Edidem Jehoash okot Jehoiada+ oku ye mme oku eken onyụn̄ ọdọhọ mmọ ete: “Ntak emi mbufo mîdiọn̄ke mme ebiet oro ẹsiahade ke ufọk oro? Ndien, ke emi, ẹkûbọ aba mme ọdiọn̄ọ mbufo okụk ekededi, edi mbufo ẹnọ enye man ẹda ẹdiọn̄ mme ebiet oro ẹsiahade ke ufọk oro.”+  Ntem mme oku ẹnyịme nditre ndika iso mbọ mme owo okụk inyụn̄ idiọn̄ke mme ebiet oro ẹsiahade ke ufọk oro.  Ndien Jehoiada oku emen ekebe+ onyụn̄ etịbi ndudu ke okukịp esie, enịm enye ekpere itieuwa ke n̄kan̄ nnasia emi ẹsan̄ade ẹdụk ufọk Jehovah, ndien mme oku, mme ekpeme-usụn̄,+ ẹdọn̄ kpukpru okụk+ oro ẹdade ẹdi ufọk Jehovah do. 10  Edikem ke ndondo oro mmọ ẹkụtde ke okụk awak ke ekebe oro, ewetn̄wed+ edidem ye akwa oku ẹdọk ẹdi, ndien mmọ ẹbọp okụk oro ẹkụtde ke ufọk Jehovah ẹka ẹkebat.+ 11  Ndien mmọ ẹyak okụk oro ẹma ẹkebat ẹsịn ke ubọk mbon oro ẹkemekde ẹte ẹnam+ utom ufọk Jehovah. Ekem mmọ ẹsio enye ẹkpe mme anamutom usọ eto ye mme ọbọp n̄kpọ oro ẹnamde utom ke ufọk Jehovah, 12  ye mme ọkọkufọk ye mme ọsọi itiat,+ ẹnyụn̄ ẹsio ẹdep mme eto ye mme itiat emi ẹsọide-sọi ndida ndiọn̄ mme ebiet oro ẹsiahade ke ufọk Jehovah, ẹnyụn̄ ẹsio ẹnọ ke kpukpru se ẹbiatde ndida ndiọn̄ ufọk oro. 13  Edi owo ikadaha okụk oro ẹkedade ẹdi ufọk Jehovah inam mme besịn silver, n̄kpọ unịme ikan̄,+ mme usan,+ mme obukpon̄,+ ye orụk n̄kpọmbana gold ekededi ye n̄kpọmbana silver oro ẹketan̄de ẹdi ufọk Jehovah;+ 14  koro ẹkeyakde enye ẹnọ mbonutom, ndien mmọ ẹda enye ẹdiọn̄ ufọk Jehovah.+ 15  Ndien mmọ ikotke mbon emi ẹkeyakde okụk oro ẹsịn ke ubọk ndida nsọk mme anamutom+ ẹte ẹdinam ibat,+ koro mmọ ẹkenamde akpanikọ+ ke utom mmọ. 16  Ndien owo ikadaha okụk uwa ubiomikpe+ ye okụk uwa idiọkn̄kpọ idi ufọk Jehovah. Enye oro ekenyene mme oku.+ 17  Ndien Hazael+ edidem Syria aka akan̄wana ye Gath+ onyụn̄ akan enye, ekem Hazael ebiere+ ndidọk n̄kan̄wana ye Jerusalem.+ 18  Ntem ke Jehoash edidem Judah ada kpukpru ndisana enọ+ emi Jehoshaphat ye Jehoram ye Ahaziah ete ete esie, kpa ndidem Judah, ẹkenamde ẹsana ọkọrọ ye ndisana enọ esie ye kpukpru gold oro ẹkụtde ke itie ubon n̄kpọuto ufọk Jehovah ye ufọk edidem, ọnọ mmọ ẹsọk+ Hazael edidem Syria. Ntre enye osion̄o idem ọkpọn̄ ndin̄wana ye Jerusalem. 19  Ndien amaedi kpukpru n̄kpọ efen emi ẹban̄ade Jehoash ye kpukpru se enye akanamde, nte owo iwetke mmọ isịn ke n̄wed+ n̄kpọntịbe eyo ndidem Judah? 20  Ndien mme asan̄autom+ esie ẹdaha ẹda ẹdụk odu+ ẹnyụn̄ ẹwot Jehoash ke ufọk+ Edikon̄ Ebiet,+ ke usụn̄ oro ẹsan̄ade ẹka Silla. 21  Ndien Jozacar eyen Shimeath ye Jehozabad+ eyen Shomer, kpa mme asan̄autom esie, ẹkewot enye. Ntem mmọ ẹbụk enye ye mme ete ete esie ke Obio David; ndien Amaziah+ eyen esie akara ke itie esie.

Mme Ikọ Idakisọn̄