Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Ndidem 10;1-36

10  Ndien Ahab ama enyene nditọ ata ye duop+ ke Samaria.+ Ntre Jehu ewet leta ọnọ ẹsọk nditọ mbọn̄+ Jezreel, mbiowo+ ye mme andikpeme Ahab ke Samaria, ete:  “Ke ini emi leta emi edisịmde mbufo, nditọ ọbọn̄ mbufo ẹyedu ye mbufo, ndien mme chariot ekọn̄ ye mme enan̄-mbakara+ ye obio ibibene ye n̄kpọekọn̄ ẹnyụn̄ ẹdu ye mbufo.  Ndien mbufo ẹse enye emi ọfọnde onyụn̄ enende akan ke otu nditọ ọbọn̄ mbufo ẹnyụn̄ ẹdori enye ke ebekpo ete esie.+ Mbufo ẹnyụn̄ ẹn̄wana ẹnọ ufọk ọbọn̄ mbufo.”  Ndien ndịk anam mmọ etieti, mmọ ẹnyụn̄ ẹdọhọ ẹte: “Sese! Ndidem iba+ ikekemeke ndida enye ke iso, nnyịn idikeme didie ndida?”+  Mmọdo andise mban̄a ufọk ye andise mban̄a obio ye mbiowo ye mme andikpeme+ nditọ ọbọn̄ ẹdọn̄ utom ẹnọ Jehu, ẹte: “Nnyịn idi mme asan̄autom fo, ndien nnyịn iyanam kpukpru se afo edidọhọde nnyịn inam. Nnyịn idinịmke baba owo kiet ke edidem. Nam ye nnyịn se ifọnde fi ke enyịn.”  Ndien enye ewet mmọ ọyọhọ leta iba ete: “Edieke mbufo ẹdide okịm,+ edieke mbufo ẹnyụn̄ ẹkopde uyo mi, ẹda ibuot irenowo emi ẹdide nditọ+ ọbọn̄ mbufo ẹdi ẹdisobo ye ami ukem ini emi n̄kpọn̄ ke Jezreel.”+ Ndien nditọ edidem owo ata ye duop ẹkedu ye mme ọwọrọetop owo oro ẹkebọkde mmọ ke obio.  Mmọdo, ke ndondo oro mmọ ẹbọde leta oro, mmọ ẹka ẹkemụm nditọ edidem ẹwot, irenowo ata ye duop,+ ekem mmọ ẹdọn̄ ibuot mmọ ke mme akpasa ẹnọ ẹsọk enye ke Jezreel.  Ekem isụn̄utom+ odụk edidọhọ enye ete: “Mmọ ẹmeda ibuot+ nditọ edidem oro ẹdi.” Ntre enye ọdọhọ ete: “Ẹkịbi mmọ ke ebok iba ke nto-ndụk inuaotop obio tutu esịm usenubọk.”+  Edikem enye adaha ọwọrọ ke usenubọk. Ndien enye atuak ada onyụn̄ ọdọhọ kpukpru mbio oro ete: “Mbufo ẹmenen.+ Sese ami mma ndụk odu+ mban̄a ọbọn̄ mi nnyụn̄ n̄wot enye;+ edi mmanie ẹwot kpukpru mbon emi? 10  Mbufo ẹfiọk, ndien, ẹte ke baba n̄kpọ kiet ke ikọ Jehovah oro Jehovah eketịn̄de aban̄a ufọk Ahab+ ididuọhọ ke isọn̄ itre ndisu;+ Jehovah omonyụn̄ anam se enye akadade Elijah asan̄autom esie etịn̄.”+ 11  Jehu onyụn̄ owot kpukpru mbonufọk Ahab oro ẹkesụhọde ke Jezreel ye kpukpru ikọt esie oro ẹwọrọde etop+ ye mme ọdiọn̄ọ esie ye mme oku esie,+ inyụn̄ isụhọke owo esie baba kiet.+ 12  Ekem enye adaha ke enyọn̄ odụk usụn̄ Samaria. Ndien ufọk emi mme ekpemerọn̄ ẹsifatde erọn̄ idet odu ke usụn̄ oro. 13  Ndien Jehu edisobo ye nditọete+ Ahaziah+ edidem Judah. Ke ini enye obụpde mmọ ete, “Mbufo ẹdi mmanie?” mmọ ẹbọrọ enye ẹte: “Nnyịn idi nditọete Ahaziah, nnyịn inyụn̄ isụhọde ika ndibụp nte n̄kpọ etiede ye nditọ edidem ye nditọ ọbọn̄ an̄wan.” 14  Inikiet inikiet enye ọdọhọ ete: “Mbufo ẹmụm mmọ ye uwem!”+ Ntre mmọ ẹmụm mmọ ye uwem ẹnyụn̄ ẹyọk mmọ ẹwot ke obube udọn̄ mmọn̄ oro ekperede ufọk emi mme ekpemerọn̄ ẹsifatde erọn̄ idet, owo aba ye iba, enye inyụn̄ iyakke owo mmọ baba kiet osụhọ.+ 15  Nte enye osụk akade, enye okụt Jehonadab+ eyen Rechab+ emi edide ndisobo ye enye. Ke ama ọkọkọm enye, enye obụp enye ete: “Nte esịt fo ekem ye esịt mi, kpa nte esịt mi ekemde ye okwo?”+ Ndien Jehonadab ọbọrọ ete: “Ekem.” “Edieke ekemde, nọ mi ubọk fo.” Ntre enye ọnọ enye ubọk. Ndien enye anam enye ọdọk odụk chariot ye enye.+ 16  Ekem enye ọdọhọ ete: “San̄a ye ami nyụn̄ se nte mmenyọhọ ndomoidem+ ye Jehovah.” Ndien mmọ ẹnam enye odoro ke chariot ekọn̄ esie awat ye enye. 17  Ekem enye edisịm Samaria. Ndien enye owot kpukpru mbonufọk Ahab emi ẹkesụhọde ke Samaria, tutu enye osobo mmọ ama,+ nte ekemde ye ikọ Jehovah oro enye eketịn̄de ọnọ Elijah.+ 18  Ekem Jehu obon kpukpru owo ọtọkiet onyụn̄ ọdọhọ mmọ ete: “Ahab akatuak ibuot esisịt ọnọ Baal,+ edi Jehu eyesịn idem atuak ibuot ọnọ enye. 19  Ntre mbufo ẹkot kpukpru mme prọfet+ Baal, kpukpru mme andituak ibuot+ nnọ enye ye kpukpru mme oku+ esie ẹnọ mi. Owo baba kiet okûtre ndidi, koro mmenyene akamba uwa ndiwa nnọ Baal. Owo ekededi eke etrede ndidi ididụhe uwem.” Edi Jehu akanam n̄kari+ man osobo mme andituak ibuot nnọ Baal. 20  Ndien Jehu ọdọhọ ete: “Mbufo ẹkot esop ẹnọ Baal. Ndien mmọ ẹkot esop. 21  Ekem Jehu ọdọn̄ utom ke ofụri Israel+ ete kpukpru mme andituak ibuot nnọ Baal ẹwọrọ ẹdi. Ndien baba owo kiet isụhọke eke mîkọwọrọke idi. Ndien mmọ ẹwọrọ ẹdi ufọk Baal,+ ufọk Baal onyụn̄ ọyọhọ kpak. 22  Ndien enye ọdọhọ owo oro esede aban̄a itie ubon ọfọn̄ ete: “Tan̄ ọfọn̄ sọk kpukpru mme andituak ibuot nnọ Baal.” Ntre enye atan̄ edisịnen̄kpọ ọwọrọ ọsọk mmọ. 23  Ekem Jehu ye Jehonadab+ eyen Rechab ẹbe ẹdụk ufọk Baal. Ndien enye ọdọhọ mme andituak ibuot nnọ Baal ete: “Mbufo ẹtịm ẹdụn̄ọde ẹnyụn̄ ẹkụt ẹte ke baba owo kiet ke otu mme andituak ibuot nnọ Jehovah idụhe mi, ibọhọke mme andituak ibuot nnọ Baal kpọt.”+ 24  Edikem mmọ ẹdụk ẹdi ẹdiwa uwa ẹnyụn̄ ẹfọp edifọp uwa, edi Jehu ama enịm owo anan̄ ke an̄wa onyụn̄ ọdọhọ ete: “Owo ekededi eke owo ọbọhọde enye efehe ke otu mbon emi nyakde nsịn mbufo ke ubọk, ukpọn̄ esie ayaka ke ukpọn̄ owo oro.”+ 25  Edikem ke ndondo oro mmọ ẹkụrede ndiwa edifọp uwa, Jehu ọdọhọ mbonitọk ye mme mbet esie ete: “Mbufo ẹdụk ẹdiwot mmọ! Ẹkûyak baba owo kiet ọwọrọ.”+ Ndien mbonitọk ye mme udiana etubom ekọn̄+ ẹkpen̄e mmọ ke iso akan̄kan̄ ẹwot ẹnyụn̄ ẹsion̄o okpo mmọ ẹduọn̄ọ ke an̄wa, mmọ ẹnyụn̄ ẹdụk tutu ẹkesịm esịt esịt ufọk Baal. 26  Ekem mmọ ẹtan̄ kpukpru mme adaha utuakibuot+ ufọk Baal ẹwọrọ ẹdifọp.+ 27  Ndien mmọ ẹwụri mme adaha utuakibuot Baal+ ẹnyụn̄ ẹwụri ufọk Baal,+ ẹnyụn̄ ẹnịm enye ke ufọk ekwe+ tutu esịm mfịn emi. 28  Ntem ke Jehu ọsọhi Baal efep ke Israel. 29  Edi sụk idiọkn̄kpọ Jeroboam+ eyen Nebat emi enye ekesịnde nditọ Israel ẹnam+ ke Jehu eketiene anam, oro edi, nditọ enan̄ gold+ emi kiet okodude ke Bethel, kiet onyụn̄ odu ke Dan.+ 30  Ekem Jehovah ọdọhọ Jehu ete: “Koro afo etịmde anam se inende mi ke enyịn+ onyụn̄ anamde kpukpru se idude mi ke esịt ye ufọk Ahab,+ nditọiren fo tutu esịm ọyọhọ emana inan̄ ẹyetie ke ebekpo Israel ẹnọ fi.”+ 31  Edi Jehu ikekpemeke ndisan̄a ke ibet Jehovah Abasi Israel ke ofụri esịt+ esie. Enye ikọwọn̄ọkede ikpọn̄ idiọkn̄kpọ Jeroboam emi enye ekesịnde Israel ẹnam.+ 32  Ke eyo oro Jehovah ọtọn̄ọ ndisịbe Israel mbak mbak mfep; ndien Hazael+ akan mmọ ke ofụri n̄kann̄kụk Israel, 33  ọtọn̄ọde ke Jordan tutu esịm n̄kan̄ emi utịn asiahade, kpa ofụri isọn̄ Gilead,+ nditọ Gad+ ye nditọ Reuben+ ye nditọ Manasseh,+ ọtọn̄ọde ke Aroer,+ emi ekperede itịghede mmọn̄ Arnon, ye Gilead ye Bashan.+ 34  Ndien amaedi mme n̄kpọ efen emi ẹban̄ade Jehu ye kpukpru se enye akanamde ye ofụri odudu esie, nte owo iwetke mmọ isịn ke n̄wed+ n̄kpọntịbe eyo ndidem Israel? 35  Ekem Jehu osụhọde ana ye mme ete ete esie,+ ẹnyụn̄ ẹbụk enye ke Samaria; ndien Jehoahaz+ eyen esie ọtọn̄ọ ndikara ke itie esie. 36  Ndien ofụri ini emi Jehu akakarade Israel ke Samaria ekedi isua edịp ye itiaita.

Mme Ikọ Idakisọn̄