Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Ndidem 1;1-18

1  Ekem Moab+ ọsọn̄ ibuot+ ye Israel ke Ahab ama akakpa.+  Ekem Ahaziah oto window ubet enyọn̄+ ufọk esie emi odude ke Samaria odorode ediduọ ke isọn̄+ ndien udọn̄ọ ọtọn̄ọ enye. Ntre enye ọdọn̄ mme isụn̄utom onyụn̄ ọdọhọ mmọ ete: “Ẹka ẹkebụp+ Baal-zebub+ abasi Ekron+ m̀mê ami nyọbọhọ udọn̄ọ emi.”+  Ndien angel+ Jehovah ọdọhọ Elijah owo Tishbeh+ ete: “Daha ke enyọn̄, dọk kosobo ye mme isụn̄utom edidem Samaria nyụn̄ dọhọ mmọ ete, ‘Ndi koro Abasi+ mîdụhe ke ofụri Israel anam mbufo ẹka ẹkebụp Baal-zebub abasi Ekron?  Mmọdo ntem ke Jehovah ọdọhọ ete: “Afo udusụhọkede ke n̄kpana emi afo ọdọkde, koro afo mûdutreke ndikpa.”’”+ Ntem Elijah adaha ọnyọn̄.  Ke ini mme isụn̄utom emi ẹfiakde ẹnyọn̄ ẹbịne enye, enye ọsọsọp obụp mmọ ete: “Nso inam mbufo ẹfiakde ẹnyọn̄ ẹdi?”  Ndien mmọ ẹbọrọ enye ẹte: “Owo kiet ekedi edisobo ye nnyịn, onyụn̄ ọdọhọ nnyịn ete, ‘Mbufo ẹnyọn̄ ẹbịne edidem emi ọkọdọn̄de mbufo, ẹnyụn̄ ẹkedọhọ enye ẹte: “Ntem ke Jehovah ọdọhọ,+ ‘Ndi koro Abasi mîdụhe ke ofụri Israel anam afo ọdọn̄ ẹkebụp Baal-zebub abasi Ekron? Ntem afo udusụhọkede ke n̄kpana emi afo ọdọkde, koro afo mûdutreke ndikpa.’”’”+  Ndien enye obụp mmọ ete: “Owo oro ekedide edisobo ye mbufo onyụn̄ etịn̄de ikọ emi ye mbufo eketie didie?”  Ndien mmọ ẹbọrọ enye ẹte: “Owo oro ekesịne idet idet ọfọn̄+ onyụn̄ ọbọbọ mbọbọ ikpa ke isịn.”+ Enye ọsọsọp ọdọhọ ete: “Edi Elijah owo Tishbeh.”  Ndien enye osio etubom owo aba ye duop ye owo aba ye duop esie ọdọn̄.+ Ke ini enye ọdọkde ekesịm enye, sese enye etiede do ke enyọn̄ obot. Enye onyụn̄ ọdọhọ Elijah ete: “Owo ata Abasi,+ edidem ọdọhọ, ‘Sụhọde di.’” 10  Edi Elijah ọbọrọ onyụn̄ ọdọhọ etubom owo aba ye duop oro ete: “Ọfọn, edieke ami ndide owo ata Abasi, yak ikan̄+ oto heaven osụhọde edita fi ye owo aba ye duop fo.” Ndien ikan̄ oto heaven osụhọde edita enye ye owo aba ye duop esie.+ 11  Ntre enye afiak osio etubom owo aba ye duop efen ye owo aba ye duop esie ọdọn̄.+ Ndien enye ọbọrọ onyụn̄ ọdọhọ ete: “Owo ata Abasi, ntem ke edidem ọdọhọ, ‘Sọsọp sụhọde di.’”+ 12  Edi Elijah ọbọrọ onyụn̄ ọdọhọ mmọ ete: “Edieke ami ndide owo ata Abasi, yak ikan̄ oto heaven osụhọde edita fi ye owo aba ye duop fo.” Ndien ikan̄ Abasi oto heaven osụhọde edita enye ye owo aba ye duop esie. 13  Ndien enye afiak osio etubom owo aba ye duop ọyọhọ ita ye owo aba ye duop esie ọdọn̄.+ Edi etubom owo aba ye duop ọyọhọ ita emi ọdọk aka, ọkọtọn̄ọ edọn̄+ ke iso Elijah ekpe enye ubọk+ onyụn̄ ọdọhọ ete: “Mbọk, owo ata Abasi, yak ukpọn̄+ mi ye ukpọn̄ owo aba ye duop emi ẹsọn̄ urua+ ke enyịn fo. 14  Sese ikan̄ ama oto heaven osụhọde edita+ akpa ye udiana etubom owo aba ye duop ye mme owo aba ye duop mmọ, edi ke emi, yak ukpọn̄ mi ọsọn̄ urua ke enyịn fo.” 15  Ntem angel Jehovah ọdọhọ Elijah ete: “Sụhọde san̄a ye enye ka. Kûfehe enye.”+ Ntre enye adaha ada asan̄a ye enye osụhọde aka ke ọtọ edidem. 16  Enye onyụn̄ ọdọhọ edidem ete: “Ntem ke Jehovah ọdọhọ, ‘Ndi afo ọkọdọn̄ mme isụn̄utom+ ẹkebụp Baal-zebub abasi Ekron,+ koro Abasi mîdụhe ke ofụri Israel emi ẹkpebụpde enye ikọ? Mmọdo afo udusụhọkede ke bed emi afo ọdọkde, koro afo mûdutreke ndikpa.’” 17  Ekem enye akpa,+ nte ekemde ye ikọ+ Jehovah emi Elijah eketịn̄de; ndien Jehoram+ ọtọn̄ọ ndikara ke itie esie, ke ọyọhọ isua iba emi Jehoram+ eyen Jehoshaphat edidem Judah akarade, koro enye mîkenyeneke eyeneren. 18  Ndien amaedi mme n̄kpọ en̄wen emi Ahaziah+ akanamde, nte owo iwetke mmọ isịn ke n̄wed+ n̄kpọntịbe eyo ndidem Israel?

Mme Ikọ Idakisọn̄