Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Corinth 5;1-21

5  Koro nnyịn imọfiọk ite edieke ufọk+ nnyịn eke isọn̄, kpa tent+ emi, owụrede,+ nnyịn iyenyene ufọk eke otode Abasi, kpa ufọk eke owo mîdaha ubọk inam,+ eke ebịghide ke nsinsi+ ke heaven.  Koro nnyịn imụmde mmụm+ ke ufọkidụn̄ enye emi, enen̄ede ọdọn̄ nnyịn ndimen enye oro enyenede nnyịn nsịne, emi otode heaven,+  man, ke ima ikemen enye isịne, ẹdikụt nnyịn isan̄ade iferi.+  Ke akpanikọ, nnyịn emi idude ke tent emi idu ke mmụm, onyụn̄ efịghe nnyịn; koro nnyịn iyomke ndisio enye nnịm, edi iyom ndimen enye eken nsịne,+ man uwem ekpemen se idikpade emen.+  Edi enye emi akanamde nnyịn ọnọ n̄kpọ emi edi Abasi,+ emi ọkọnọde nnyịn idiọn̄ọ+ n̄kpọ eke edidide, oro edi, spirit.+  Ke ntre, nnyịn imenyene uko kpukpru ini inyụn̄ ifiọk ite, ke adan̄aemi ufọk nnyịn odude ke ikpọkidem, nnyịn idụhe ye Ọbọn̄,+  koro nnyịn isan̄a ke mbuọtidem, isan̄ake ke edikụt ke enyịn.+  Edi nnyịn imenyene uko inyụn̄ inen̄ede ikop inemesịt nditre ndidu ke ikpọkidem ndinyụn̄ nnam ebietidụn̄ nnyịn odu ye Ọbọn̄.+  Ntre n̄ko, ke idụn̄de ye enye ye ke mîdụn̄ke,+ nnyịn imebiere ndidi se enye enyịmede.+ 10  Koro ẹyeyarade se kpukpru nnyịn idide ke iso itie ikpe Christ,+ man owo kiet kiet ọkpọbọ utịp esie ke mme n̄kpọ oro enye akanamde ke ikpọkidem, nte ekemde ye mme edinam esie, edide eti m̀mê idiọk.+ 11  Sia nnyịn ke ntre ifiọkde ndịk+ Ọbọn̄, nnyịn ika iso inam mme owo ẹnịm ke akpanikọ,+ edi Abasi enen̄ede ọfiọk orụk owo emi nnyịn idide. Nte ededi, mmekere ke ubieresịt mbufo anam mbufo n̄ko ẹfiọk orụk owo emi nnyịn idide.+ 12  Nnyịn ifiakke itoro+ idem nnyịn inọ mbufo, edi inọ mbufo ntak ndibụre mbụre mban̄a nnyịn,+ man mbufo ẹkpenyene ibọrọ ẹnọ mbon oro ẹbụrede mbụre ẹban̄a nte owo etiede+ ke enyọn̄ idem edi mîbụreke iban̄a esịt.+ 13  Koro edieke ibuot ekebede nnyịn,+ ekebe ọnọ Abasi; edieke inyenede eti ibuot,+ inyene inọ mbufo. 14  Koro ima Christ onụk nnyịn, koro ibiere ntem ite, owo kiet akakpa aban̄a kpukpru owo;+ ntre, ndien, kpukpru owo ẹkpan̄a; 15  ndien enye akakpa ọnọ kpukpru owo man mbon oro ẹdude uwem ẹkûdu aba ẹnọ idemmọ,+ edi ẹdu ẹnọ enye emi+ akakpade ọnọ mmọ onyụn̄ esetde.+ 16  Mmọdo ọtọn̄ọde ke emi nnyịn ifiọkke baba owo kiet ke obụkidem.+ Idem edieke nnyịn ikọfiọkde Christ ke obụkidem,+ ke akpanikọ nnyịn ifiọkke enye ntre aba.+ 17  Mmọdo edieke owo ekededi abuanade n̄kpọ ye Christ, enye edi obufa edibotn̄kpọ;+ n̄kani n̄kpọ ẹma ẹbe ẹfep,+ sese! mbufa n̄kpọ ẹmedidu.+ 18  Edi kpukpru n̄kpọ ẹto Abasi, emi akanamde nnyịn ifiak itie ke emem+ ye enye ebe ke Christ onyụn̄ ọnọde nnyịn utom+ edinam owo afiak etie ke emem ye enye, 19  oro edi, nte ke Abasi ada Christ+ anam ererimbot+ afiak etie ke emem ye enye,+ ibatke idiọkn̄kpọ mmọ inọ mmọ,+ ndien enye ama ayak ikọ+ edinam owo afiak etie ke emem+ ye enye esịn nnyịn ke ubọk. 20  Ntre nnyịn+ idi mme isụn̄utom+ emi idade ke ibuot Christ,+ nte n̄kpọ eke Abasi adade nnyịn anam n̄kpeubọk.+ Nte mme andida ke ibuot Christ nnyịn iben̄e ite:+ “Ẹfiak ẹtie ke emem ye Abasi.” 21  Enye ama anam owo emi mîkọfiọkke idiọkn̄kpọ+ akabade edi idiọkn̄kpọ+ ke ntak nnyịn, man nnyịn ikpakabade idi edinen ido Abasi+ ebe ke enye.

Mme Ikọ Idakisọn̄