Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Corinth 4;1-18

4  Ntak edi oro, sia nnyịn inyenede utom+ emi nte asan̄ade ekekem ye mbọm oro ẹketuade nnyịn,+ nnyịn ikpaha mba;  edi nnyịn imọkpọn̄ mme ndedịbe n̄kpọ oro ẹnamde owo okop bụt,+ isan̄ake ke n̄kari, inyụn̄ ibuakke n̄kpọ ke ikọ Abasi,+ edi ebede ke ndiyarade akpanikọ ke inam kpukpru owo ẹda ubieresịt mmọ ẹfiọk nnyịn ke iso Abasi.+  Edi, edieke eti mbụk oro nnyịn itan̄ade edịbede, enye edịbe ke otu mbon oro ẹtakde,+  emi abasi editịm n̄kpọ+ emi ama akanam ikike mbon oro mînịmke ke akpanikọ ekịm,+ mbak un̄wana+ ubọn̄ ubọn̄ eti mbụk+ emi aban̄ade Christ, emi edide mbiet+ Abasi, ediyama ọnọ mmọ.+  Koro nnyịn ikwọrọke idem nnyịn, edi ikwọrọ Christ Jesus nte Ọbọn̄,+ inyụn̄ ikwọrọ idem nnyịn nte ifịn+ mbufo ke ntak Jesus.  Koro edi Abasi ọkọdọhọ ete: “Yak un̄wana ayama ke ekịm,”+ ndien enye amayama+ ke esịt nnyịn man ada ubọn̄ ubọn̄ ifiọk+ Abasi anam esịt nnyịn an̄wan̄a ke iso Christ.+  Edi, nnyịn ikama n̄kpọuto+ emi ke esombat,+ man odudu+ eke ebede ukeme owo okpoto Abasi,+ itoho nnyịn.+  Ẹfịk nnyịn ke kpukpru usụn̄,+ edi ufan̄ ifahake nnyịn ibe nde; ekikere etịmede nnyịn, edi usụn̄ ubọhọ inanake ofụri ofụri;+  ẹkọbọ nnyịn, edi owo ikpọn̄ke nnyịn ke nnanenyịn;+ ẹduọk nnyịn ke isọn̄,+ edi owo isoboke nnyịn.+ 10  Ebiet ekededi oro nnyịn ikade, nnyịn ibobiom ndiọi n̄kpọ oro ẹkenamde Jesus isan̄a ke ikpọkidem nnyịn,+ man uwem oro Jesus okodude akpayarade ke idem nnyịn.+ 11  Koro ẹnam nnyịn emi idude uwem isobo n̄kpa+ iso ye iso ke ntak Jesus, man uwem oro Jesus okodude akpayarade n̄ko ke obụkidem nnyịn oro edikpade.+ 12  Mmọdo n̄kpa anam utom ke idem nnyịn, edi uwem anam utom ke idem mbufo.+ 13  Edi sia nnyịn inyenede spirit mbuọtidem kiet nte enye emi ẹwetde ẹte: “Mma mbuọt idem, ke ntre mma ntịn̄ ikọ,”+ nnyịn n̄ko imọbuọt idem ndien ke ntre nnyịn itịn̄ ikọ, 14  koro ifiọkde ite enye emi akanamde Jesus eset ayanam nnyịn n̄ko iset nte Jesus ekesetde oyonyụn̄ ayak nnyịn ọnọ ọkọrọ ye mbufo.+ 15  Koro kpukpru n̄kpọ ẹdi ke ntak mbufo,+ man mfọnido oro owo mîdotke emi ẹkenamde awak ọkpọdọdiọn̄ awak oto ke ekọm ediwak owo efen ọnọ Abasi ubọn̄.+ 16  Ke ntre nnyịn ikpaha mba, edi idem edieke owo emi nnyịn idide ke enyọn̄ idem ataharede, ke akpanikọ, ke ẹnanam owo emi nnyịn idide ke esịtidem+ afiak edi obufa ke usen ke usen. 17  Koro okposụkedi ukụt nnyịn edide ke ibio ini+ onyụn̄ eferede, enye anam nnyịn inyene ubọn̄ emi etịmde-tịm odobi akan onyụn̄ odude ke nsinsi;+ 18  ke adan̄aemi nnyịn mîdọn̄ke enyịn ke mme n̄kpọ oro ẹkụtde ke enyịn, edi idọn̄ enyịn ke mme n̄kpọ oro owo mîkwe ke enyịn.+ Koro mme n̄kpọ oro ẹkụtde ke enyịn ẹdu ke ibio ini,+ edi mme n̄kpọ oro owo mîkwe ke enyịn ẹdu ke nsinsi.+

Mme Ikọ Idakisọn̄