Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Corinth 3;1-18

3  Nte imọn̄ itọn̄ọ ntak itoro idem nnyịn?+ Mîdịghe nte nnyịn, ukem nte ndusụk owo, iyom ndida leta+ itoro nsọk mbufo m̀mê ndibọ nto mbufo?  Mbufo ẹdi leta nnyịn,+ emi ẹwetde ke esịt nnyịn, emi ofụri ubonowo ẹfiọkde ẹnyụn̄ ẹkotde.+  Koro ana in̄wan̄-in̄wan̄ nte ke mbufo ẹdi leta Christ oro nnyịn emi idide mme asan̄autom+ iwetde, eke owo mîdaha mmọn̄n̄wed iwet edi ẹdade spirit+ odu-uwem Abasi ẹwet, emi owo mîwetke ke n̄kpọ uwet n̄wed eke ẹdade itiat+ ẹnam, edi ẹwetde ke n̄kpọ uwet n̄wed eke obụkidem, ke esịt.+  Edi ebede ke Christ nnyịn imenyene orụk mbuọtidem+ emi ke Abasi.  Idịghe nte ke nnyịn ke idem nnyịn imetịm idot+ ndibat n̄kpọ ekededi nte otode ke ukeme nnyịn, edi Abasi anam nnyịn itịm idot,+  enye anam nnyịn itịm idot ndidi mme asan̄autom obufa ediomi,+ idịghe eke ibet oro ẹwetde-wet,+ edi eke spirit;+ koro ibet oro ẹwetde-wet obiom owo ikpe n̄kpa,+ edi spirit anam owo odu uwem.+  Akan oro, edieke ibet emi adade n̄kpa edi,+ emi ẹkenyụn̄ ẹkapde ke itiat,+ akasan̄ade ke ubọn̄+ edi tutu nditọ Israel ikemeke ndiwụk enyịn nse iso Moses ke ntak ubọn̄ iso esie,+ kpa ubọn̄ emi ekenyenede ndibe mfep,  ntak emi utom eke spirit+ mîkpasan̄ake ye ubọn̄ eke okponde akan?+  Koro edieke ibet oro akadade ubiomikpe+ edi akasan̄ade ye ubọn̄,+ edida edinen ido+ ndi etetịm ọyọhọ ye ubọn̄.+ 10  Ke akpanikọ, se ẹkekam ẹnamde enyene ubọn̄ ini kiet ko inyeneke aba ubọn̄,+ ke ntak ubọn̄ eke okponde akan enye.+ 11  Koro edieke ẹkedade se ikenyenede ndibe mfep ẹdi ye ubọn̄,+ se mîdibehe ifep eyenyene ubọn̄ eke okponde akan.+ 12  Ke ntre, sia nnyịn inyenede utọ idotenyịn oro,+ nnyịn itịn̄ ikọ ye akwa ifụre utịn̄ikọ, 13  inyụn̄ inamke nte ekedide ke ini emi Moses akadade ufụhọn̄kpọ ofụk+ iso esie, mbak nditọ Israel ẹdiwụk enyịn ẹse utịt+ n̄kpọ oro ẹdimende ẹfep. 14  Edi ukeme ukere n̄kpọ mmọ ama akabade odobi.+ Koro tutu esịm mfịn emi owo isụk ifụhọkede ufụhọn̄kpọ oro ifep ke ini ẹkotde akani ediomi,+ koro ẹmen enye ẹfep ebe ke Christ.+ 15  Ke akpanikọ, tutu esịm mfịn emi ini ekededi emi ẹkotde mme uwetn̄kpọ Moses,+ ufụhọn̄kpọ oro odu ke esịt mmọ.+ 16  Edi ke ini ẹwọn̄ọrede ẹtiene Jehovah, ẹmen ufụhọn̄kpọ ẹfep.+ 17  Edi Jehovah edi Spirit;+ ndien ke ebiet emi spirit+ Jehovah+ odude, ifụre odu do.+ 18  Ndien kpukpru nnyịn,+ ke adan̄aemi ikamade iso eke n̄kpọ mîfụhọke nte ukụtiso iwụt ubọn̄ Jehovah,+ ẹkpụhọde+ nnyịn ẹsịn ke ukem mbiet+ oro to ke ubọn̄ sịm ubọn̄,+ ukem nte Jehovah+ emi edide Spirit anamde.

Mme Ikọ Idakisọn̄