Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Corinth 13;1-14

13  Emi edi ọyọhọ utịm ikata+ emi nyomde ndidi ke ọtọ mbufo. “Ke inua ntiense iba m̀mê ita kpukpru ikọ ẹyesọn̄ọ ẹda.”+  Mma mbebem iso ntịn̄ ndien, nte n̄kpọ eke ndude ọyọhọ utịm ikaba edi mmendụhe kan̄a ke emi, mbem iso ndọhọ mbon oro ẹkenamde idiọkn̄kpọ ke ini edem ye kpukpru mmọ eken, nte edieke mfiakde ndi ndituaha owo mbọm,+  sia mbufo ẹyomde uyarade nte ke Christ esịne mi ke idem etịn̄ ikọ,+ Christ emi mîkopke mmemidem ndinam n̄kpọ ye mbufo, edi okopde odudu ke otu mbufo.  Ke akpanikọ, ẹkekọn̄ enye ke eto+ ke ntak mmemidem,+ edi enye ke odu uwem oto ke odudu Abasi.+ Ke akpanikọ n̄ko, nnyịn imetiene enye ikop mmemidem, edi nnyịn iyodu uwem ye enye+ oto ke odudu+ emi Abasi ọnọde mbufo.  Ẹka iso ẹdomo ẹse m̀mê mbufo ẹdu ke mbuọtidem, ẹka iso ẹwụt se mbufo ẹdide.+ M̀mê nte mbufo ifiọkke ite ke Jesus Christ abuana n̄kpọ ye mbufo?+ Ibọhọke Abasi inyịmeke mbufo.  Mmenen̄ede ndori enyịn nte ke mbufo ẹyedifiọk ke enye enyịme nnyịn.  Edi nnyịn ibọn̄ akam+ inọ Abasi ite mbufo ẹkûnam ndudue, idịghe man nnyịn itie nte mbon emi Abasi enyịmede, edi man mbufo ẹnam se ifọnde, okposụkedi ekemede nditie nte owo inyịmeke nnyịn.  Koro nnyịn ikemeke ndinam n̄kpọ ndomokiet mbiọn̄ọ akpanikọ, edi ikam inam kaban̄a akpanikọ.+  Nnyịn imadara ke ini ekededi emi nnyịn ikopde mmemidem edi mbufo ẹkopde odudu;+ ndien nnyịn ibọn̄ akam+ ite, mbufo ẹnam ukpụhọde. 10  Ntak edi oro n̄wetde mme n̄kpọ emi ke adan̄aemi mmendụhe, mbak, ke ini ndude, ndinam n̄kpọ ke nsọn̄ido+ nte asan̄ade ekekem ye odudu oro Ọbọn̄ ọkọnọde mi, ete mbọbọp,+ n̄kûwowụri. 11  Ke akpatre, nditọete, ẹka iso ẹdat esịt, ẹnam ukpụhọde, ẹkop ndọn̄esịt,+ ẹnyene ekikere kiet,+ ẹdu uwem emem emem;+ ndien Abasi ima ye emem+ oyodu ye mbufo. 12  Ẹda edisana ntịminua ẹkọm kiet eken.+ 13  Kpukpru ndisana owo ẹte n̄kọm mbufo. 14  Mfọnido Ọbọn̄ Jesus Christ oro owo mîdotke ye ima Abasi ye edisana spirit emi ibuanade akpakam odu ye kpukpru mbufo.+

Mme Ikọ Idakisọn̄