Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Corinth 12;1-21

12  Nnyene ndibụre mbụre. Emi inyeneke ufọn; edi mmọn̄ mbe n̄ketịn̄ n̄kpọ mban̄a mme n̄kukụt eke akande ukeme owo+ ye mme ediyarade Ọbọn̄.  Mmọfiọk owo kiet emi odude ke Christ emi ẹkemende enye ẹdọk+ ọyọhọ heaven ita ke isua duopenan̄ emi ẹkebede—m̀mê enye okodu ke ikpọkidem ami mfiọkke, m̀mê ẹma ẹsio enye ke ikpọkidem mfiọkke; Abasi ọmọfiọk.  Ih, mmọfiọk utọ owo oro—m̀mê enye okodu ke ikpọkidem m̀mê ẹma ẹsio enye ke ikpọkidem,+ ami mfiọkke, Abasi ọmọfiọk—  nte ke ẹma ẹmen enye ẹdụk paradise,+ enye onyụn̄ okop ikọ emi mînaha ẹtịn̄, emi owo mînyụn̄ inyịmeke ẹtịn̄.  Ndibụre mbụre mban̄a utọ owo oro, edi ndibụreke mban̄a idemmi, ibọhọke kaban̄a mmemidem mi.+  Koro edieke n̄kpoyomde ndibụre mbụre,+ ndinamke ke unana ibuot, koro nyetịn̄ akpanikọ. Edi nnamke, mbak owo baba kiet edibat ete mmedi n̄kpọ n̄kan se enye okụtde nte ami ndide m̀mê okopde oto mi,  ke ntak akpakịp ediyarade. Ke ntre, mbak ndikohode idem n̄kaha,+ ẹma ẹsịn mi n̄kukịm ke obụkidem,+ angel Satan, ndika iso mmia mi, mbak ndikohode idem n̄kaha.  Ke ntak emi mma n̄kpe Ọbọn̄ ubọk utịm ikata+ nte n̄kukịm emi ọkpọn̄ mi;  edi enye ọdọhọ mi ete: “Mfọnido mi oro owo mîdotke ekem+ fi; koro ẹnam odudu mi ọfọn ama ke mmemidem.”+ Ke ntre, nyetịm n̄kop idatesịt ndibụre mbụre mban̄a mmemidem mi,+ man odudu Christ akpaka iso ofụk mi nte tent. 10  Ke ntre n̄kop inemesịt ke mmemidem, ke usọn̄enyịn, ke unana, ke ukọbọ ye afanikọn̄, kaban̄a Christ. Koro ke adan̄aemi n̄kopde mmemidem, adan̄aoro ke n̄kop odudu.+ 11  Mmakabade nnana ibuot. Mbufo ẹkenyịk mi+ nnam ntre, koro mbufo ẹkpekenyene nditoro mi. Koro n̄kprike ke usụn̄ ndomokiet n̄kan mme akakan+ apostle mbufo, okposụkedi mmendịghe n̄kpọ.+ 12  Ke akpanikọ, ẹma ẹda ofụri ime,+ ye mme idiọn̄ọ ye mme utịben̄kpọ ye mme utom odudu, ẹnam mme idiọn̄ọ apostle+ ẹwụt idem ke otu mbufo.+ 13  Koro ke usụn̄ ewe ke mbufo ẹkabade ẹkpri ẹkan mme esop eken, ke mîbọhọke ke emi mmendịghe mbiomo nnọ mbufo?+ Mbọk ẹfen mi ke ndudue emi. 14  Sese! Emi edi ọyọhọ utịm ikata+ emi mben̄ede idem ndidi ke ọtọ mbufo, edi ami ndidịghe mbiomo. Koro ami nyomke inyene mbufo,+ edi nyom mbufo; koro idịghe nditọ+ ẹnyene ndinịm n̄kpọ nnọ mme ete ye eka mmọ, edi mme ete ye eka ẹnyene ndinịm n̄kpọ nnọ nditọ mmọ.+ 15  Koro ami mmenen̄ede n̄kop idatesịt ndiyak kpukpru se nnyenede nnọ nnyụn̄ nyak idem mi ofụri ofụri nnọ ukpọn̄ mbufo.+ Edieke ntịmde mma mbufo ntem, nte ima eke mbufo ẹmade mi ekpenyene ndikpri n̄kan okịm? 16  Nte ededi, n̄kedịghe mbiomo nnọ mbufo.+ Edi, mbufo ẹdọhọ ẹte, n̄kanam “n̄kari” nnyụn̄ mmụm mbufo “ke abian̄a.”+ 17  Nte mma nda owo ekededi ke otu mbon oro n̄kosiode ndọn̄ ke ọtọ mbufo nnam n̄kpọ ye mbufo ke utụk? 18  Mma ndọn̄ Titus edi ebịne mbufo nnyụn̄ nnọ eyenete kiet asan̄a ye enye. Nte Titus ama anam n̄kpọ ye mbufo ke utụk?+ Nte nnyịn ikasan̄ake ke spirit kiet?+ Nte nnyịn ikasan̄ake ke ukem nde ikpat? 19  Ndi mbufo ẹkere ẹte ikada ofụri ini emi itịn̄ ikọ ndinyan̄a idem ke iso mbufo? Nnyịn itịn̄ ikọ emi ke iso Abasi nte mme anditiene Christ. Edi, ndima, kpukpru n̄kpọ ẹdi man ẹbọp mbufo ẹkọri.+ 20  Koro mmefehe ndịk nte, ndusụk ke ini ndide ndisịm,+ ndikwe mbufo nte n̄kpamade ndikụt ndinyụn̄ nnamke n̄kpọ ye mbufo nte mbufo ẹkpemade, utu ke oro, eyedi utọk, ufụp,+ iyatesịt, ndomoidem, idiọk iban̄a, nsụkuyo, n̄kohodeidem, ndutịme, ẹyedu.+ 21  Ndusụk, ke ini mfiakde ndi, Abasi mi oyosụhọde mi itie ke otu mbufo, ndien ami nyofụhọ mban̄a ediwak mbon oro ẹkenamde idiọkn̄kpọ ke ini edem,+ edi emi mîkabakede esịt ikpọn̄ mbubiam ido ye use+ ye obukpo ido+ oro mmọ ẹkenamde.

Mme Ikọ Idakisọn̄