Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Corinth 10;1-18

10  Edi ami Paul nda ifụre ifụre ido+ ye mfọnido Christ n̄kpe mbufo ubọk, okposụkedi ntiede nte usụhọde owo+ ke ini ndude ye mbufo, edi ke ini mmendụhe nnyene uko ye mbufo.+  Ke akpanikọ n̄kpe ubọk mbak, ke ini ndidude ye mbufo, ndida uko ye mbuọtidem oro nnyenede nnam n̄kpọ uko uko+ ye ndusụk mbon oro ẹbatde ẹte nnyịn isan̄a nte ekemde ye obụkidem.  Koro okposụkedi nnyịn isan̄ade ke obụkidem,+ nnyịn in̄wanake ekọn̄ nte ekemde ye se nnyịn idide ke obụkidem.+  Koro n̄kpọekọn̄ nnyịn idịghe n̄kpọekọn̄ obụkidem,+ edi edi se Abasi anamde okop odudu+ ndiwụri mme n̄kpọ eke ẹsọn̄ọde ẹdọn̄ n̄kam.  Koro nnyịn iwụri mme ekikere ye kpukpru n̄kpọ eke ẹkon̄de ẹnyụn̄ ẹmenerede idem ke enyọn̄ ẹbiọn̄ọ ifiọk Abasi;+ ndien nnyịn imụm kpukpru ekikere nte mbuotekọn̄ inam ẹsụk ibuot ẹnọ Christ;  ndien nnyịn imodu ke mben̄eidem ndinọ ufen ke kpukpru nsọn̄ibuot,+ ke ndondo oro mbufo ẹsụkde ibuot ọyọhọ ọyọhọ.+  Mbufo ẹse mme n̄kpọ ẹtiene nte mmọ ẹtiede ke enyịn.+ Edieke owo ekededi ọbuọtde idem ke idemesie ete imọ idi eke Christ, yak enye afiak ekere n̄kpọ emi, koro, kpa nte enye edide eke Christ, ntre n̄ko ke nnyịn idi.+  Koro idem edieke n̄kpobụrede mbụre+ n̄kaha mban̄a odudu oro Ọbọn̄ ọkọnọde nnyịn ndibọp mbufo idịghe ndida n̄wụri mbufo nduọk,+ bụt ikpanamke mi,  man okûtie nte nyom ndida leta mi nsịn mbufo ndịk ke idem. 10  Koro mmọ ẹdọhọde ẹte: “Leta esie ẹdobi ẹnyụn̄ ẹnyene odudu, edi ke ini enye odude mi ye nnyịn enye edi mmemmem,+ ikọ esie inyụn̄ iwọrọke n̄kpọ.”+ 11  Yak utọ owo oro eti ete, se nnyịn idide ke ikọ oro iwetde ke leta nnyịn ke ini nnyịn mîdụhe, kpa oro ke nnyịn ididi n̄ko ke edinam ke ini nnyịn idude.+ 12  Koro nnyịn idehedei ibat idem nnyịn isịn ke otu ndusụk owo m̀mê ndimen idem nnyịn ndomo ye ndusụk owo oro ẹtorode idem.+ Ke akpanikọ mmọ inyeneke ifiọk sia mmọ ẹnịmde idem nte udomon̄kpọ ndida ndomo idemmọ, ẹnyụn̄ ẹdade idemmọ ẹdomo ye idemmọ.+ 13  Koro nnyịn idibụreke mbụre ibe adan̄a oro ẹnịmde ẹnọ nnyịn,+ edi idibụre nte asan̄ade ekekem ye udomo efakutom oro Abasi ekedemede ọnọ nnyịn, anamde enye atara esịm mbufo.+ 14  Ke akpanikọ nnyịn inyanakede ibe nde nte n̄kpọ eke nnyịn mîkesịmke mbufo, koro nnyịn ikebem iso ida eti mbụk emi aban̄ade Christ isọk mbufo.+ 15  Baba, nnyịn idaha utom owo en̄wen ibụre mbụre ibe adan̄a oro ẹnịmde ẹnọ nnyịn,+ edi nnyịn imodori enyịn ite, nte mbuọtidem mbufo osụk ọkọride,+ nnyịn iyoforo ke otu mbufo ke efakutom nnyịn.+ Do ke nnyịn ididọdiọn̄ iforo, 16  itan̄a eti mbụk ke mme idụt edem oko,+ man ikûbụre mbụre ke efakutom owo en̄wen emi ẹma ẹkenanam utom. 17  “Edi owo eke obụrede mbụre, yak obụre ke Jehovah.”+ 18  Koro idịghe owo oro otorode idemesie ke ẹnyịme,+ edi ẹnyịme owo oro Jehovah+ otorode.+

Mme Ikọ Idakisọn̄