Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Chronicle 9;1-31

9  Ndien ọbọn̄ an̄wan Sheba+ okop etop Solomon, enye onyụn̄ edi Jerusalem ndida mme mbụme+ emi ẹyan̄ade owo ifiọk ndomo enye, asan̄a ye ata akamba udịmowo ye mme camel+ emi ẹbiomde aran balsam,+ ye gold+ ke akamba udomo, ye mme ọsọn̄urua itiat.+ Ekem enye edi ke ọtọ Solomon onyụn̄ edineme ye enye kpukpru se idude enye ke esịt.+  Solomon onyụn̄ asian enye kpukpru se enye obụpde,+ ndien idụhe baba n̄kpọ kiet emi Solomon mîdiọn̄ọke, mînyụn̄ isianke enye.+  Ke ini ọbọn̄ an̄wan Sheba okụtde ọniọn̄ Solomon+ ye ufọk emi enye ọkọbọpde,+  ye udia okpokoro+ esie ye nte mme asan̄autom esie ẹbonode ke okpokoro ye utom oro mme mbet okpokoro esie ẹnamde ye ọfọn̄+ mmọ ye ndutịm edin̄wọn̄ n̄kpọ+ esie ye mme edifọp uwa+ oro enye esifọpde kpukpru ini ke ufọk Jehovah,+ ibifịk ọbọhọ enye.  Ntre enye ọdọhọ edidem ete: “Se n̄ketiede ke idụt nnyịn n̄kop mban̄a fi ye se n̄kokopde mban̄a ọniọn̄ fo edi akpanikọ.+  N̄kenịmke+ ikọ mmọ ke akpanikọ tutu ndi man ndida enyịn mi n̄kụt;+ ndien, sese! owo iketịn̄ke-tịn̄ mbahade iba inọ mi iban̄a akpakịp ọniọn̄+ fo. Afo amakan etop oro n̄kokopde.+  Ikọt fo ẹkop inemesịt+ didie ntem, mme asan̄autom fo emi ẹdade fi ke iso kpukpru ini ẹnyụn̄ ẹkop inemesịt didie ntem, ndikpan̄ utọn̄ n̄kop ọniọn̄ fo!+  Itoro+ enyene Jehovah Abasi fo emi esịt adatde+ enye aban̄a fi ke ndimen fi ndori ke ebekpo+ esie nte edidem Jehovah Abasi fo;+ koro Abasi fo amade+ Israel ke ndinam enye ọsọn̄ọ ada ke nsinsi, mmọdo enye enịmde fi ete edi edidem+ mmọ man ekpe ikpe+ onyụn̄ anam edinen ido.”+  Ndien enye ọnọ edidem talent gold+ ikie ye edịp, ye aran balsam+ ke ata akwa udomo, ye mme ọsọn̄urua itiat;+ ndien owo ikafiakke inọ aran balsam emi awakde nte enye oro ọbọn̄ an̄wan Sheba ọkọnọde Edidem Solomon.+ 10  Akan oro, mme asan̄autom Hiram+ ye mme asan̄autom Solomon emi ẹkedade gold+ ke Ophir ẹdi, ẹda n̄ko eto algum+ ye mme ọsọn̄urua itiat+ ẹdi. 11  Ndien edidem ada mme eto algum oro anam udịghiukot+ ufọk Jehovah ye eke ufọk edidem,+ onyụn̄ ada n̄ko anam mme harp+ ye mme ndido urụk+ ọnọ mme ọkwọikwọ,+ akanam owo ikwe orụk oro ke isọn̄ Judah. 12  Ndien Edidem Solomon ọnọ ọbọn̄ an̄wan+ Sheba kpukpru se enye amade emi enye ekeben̄ede, ke ẹsiode mme n̄kpọ oro enye akadade ọsọk edidem ẹfep. Ntre enye ọnyọn̄ aka idụt esiemmọ, enye ye mme asan̄autom esie.+ 13  Ndien udobi gold oro ẹkesidade ẹsọk Solomon ke isua kiet ekedi talent gold+ ikie itiokiet ye ata ye itiokiet, 14  owo itịn̄ke-tịn̄ iban̄a se ikotode mbon isan̄ ye mme anyamurua+ ye kpukpru ndidem Arab+ ye mme andikara idụt oro, emi ẹkesidade gold ye silver ẹsọk Solomon. 15  Ndien Edidem Solomon ada gold+ emi ẹbuakde anam ikpọ otuekọn̄ ikie iba (atara shekel gold ikie itiokiet emi ẹbuakde ofụk ikpọ otuekọn̄ kiet kiet),+ 16  onyụn̄ ada gold emi ẹbuakde anam n̄kpri otuekọn̄ ikie ita (atara mina gold ita ofụk n̄kpri otuekọn̄ kiet kiet).+ Ekem edidem atan̄ mmọ ọkọdọn̄ ke Ufọk Akai Lebanon.+ 17  N̄ko-n̄ko, edidem anam akamba ebekpo nnụkenen onyụn̄ ada ata gold+ ofụk enye. 18  Udịghiukot itiokiet ẹdu emi ẹsan̄ade ẹdọk ẹsịm ebekpo oro, ebekpo oro onyụn̄ enyene udoriukot emi ẹnamde ke gold (mmọ ẹyịre kiet), udori-ubọk ẹnyụn̄ ẹdu ke n̄kan̄ emi ye ke n̄kan̄ eken ke ọtọ emi ẹsitiede, ekpe+ iba ẹnyụn̄ ẹda ke n̄kan̄ udori-ubọk+ mbiba. 19  Ndien ekpe+ duopeba ẹda ke udịghiukot itiokiet oro ke n̄kan̄ emi ye ke n̄kan̄ eken. Baba obio ubọn̄ kiet ikanamke n̄kpọ eke etiede ntem.+ 20  Ndien ẹkeda gold+ ẹnam kpukpru n̄kpọ un̄wọn̄ n̄kpọ+ Edidem Solomon, ẹnyụn̄ ẹda ata gold ẹnam kpukpru n̄kpoduoho Ufọk Akai Lebanon.+ Owo idaha silver inam n̄kpọ ndomokiet;+ koro owo mîkabatke enye ke n̄kpọ ke eyo Solomon. 21  Ndien mme asan̄autom Hiram+ ẹsisan̄a ke mme nsụn̄ikan̄ edidem ẹka Tarshish.+ Ini kiet ke isua ita, mme nsụn̄ikan̄ Tarshish ẹyebiom gold, silver,+ nnụkenen,+ nsịmbo ebọk ye inuen n̄kanda,+ ẹdi. 22  Ntre Edidem Solomon okpon ke inyene+ ye ke ọniọn̄+ akan kpukpru ndidem eken ke isọn̄. 23  Ndien kpukpru ndidem isọn̄ ẹyom+ iso Solomon man ẹkop ọniọn̄+ esie, emi ata Abasi ekesịnde enye ke esịt.+ 24  Mmọ kiet kiet ẹnyụn̄ ẹsida enọ+ mmọ, kpa mme n̄kpọ silver ye mme n̄kpọ gold+ ye mme ọfọn̄,+ n̄kpọekọn̄ ye aran balsam, mme enan̄-mbakara ye mme mule, ẹdi ke isua ke isua.+ 25  Ndien Solomon enyene itie ubon enan̄-mbakara+ tọsịn inan̄ ye mme chariot+ ye enan̄-mbakara ekọn̄ tọsịn duopeba, enye onyụn̄ obon mmọ ke mme obio chariot+ onyụn̄ obon ekpere edidem ke Jerusalem. 26  Ndien enye edi andikara kpukpru ndidem ọtọn̄ọde ke Akpa* tutu esịm isọn̄ Philistia, onyụn̄ osụhọde esịm adan̄a Egypt.+ 27  N̄ko-n̄ko, edidem anam silver ke Jerusalem awak nte itiat; enye onyụn̄ anam eto cedar awak+ nte eto sycamore+ oro ẹdude ke Shephelah.+ 28  Ndien mme owo ẹma ẹsida mme enan̄-mbakara+ ke Egypt+ ye ke kpukpru mme idụt eken ẹsọk Solomon. 29  Amaedi mme n̄kpọ efen emi ẹban̄ade Solomon,+ akpa ye akpatre, nte owo iwetke mmọ isịn ke otu ikọ prọfet Nathan+ ye ke ikọ prọfet Ahijah+ owo Shiloh+ ye ke n̄wed n̄kukụt Iddo,+ okụt-n̄kukụt mban̄a Jeroboam+ eyen Nebat?+ 30  Ndien Solomon akara ofụri Israel ke Jerusalem ke isua aba. 31  Ekem Solomon osụhọde ana ye mme ete ete esie. Ntre mmọ ẹbụk enye ke Obio David ete+ esie; ndien Rehoboam+ eyen esie akara ke itie esie.+

Mme Ikọ Idakisọn̄

Oro edi, “Euphrates.”