Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 8;1-18

8  Edikem ke utịt isua edịp,+ ke Solomon ama ọkọbọp ufọk Jehovah+ ye ufọk esiemmọ,+  mme obio oro Hiram+ ọkọnọde Solomon—Solomon afiak ọbọp mmọ ndien ekem anam nditọ Israel ẹkedụn̄ do.  N̄ko-n̄ko, Solomon aka Hamath-zobah onyụn̄ akakan enye.  Ekem enye afiak ọbọp Tadmor ke wilderness ye kpukpru mme obio ubonn̄kpọ+ emi enye ọkọbọpde ke Hamath.+  Ndien enye ọbọp Enyọn̄ Enyọn̄ Beth-horon+ ye Usụk Usụk Beth-horon,+ mme obio ukpeme emi ẹnyenede mme ibibene,+ mme usụn̄ ye eto usịnusụn̄,+  ye Baalath+ ye kpukpru mme obio ubonn̄kpọ emi ẹkekabarede ẹdi eke Solomon ye kpukpru mme obio chariot+ ye mme obio mme awat enan̄-mbakara+ ye kpukpru ndiye n̄kpọ emi Solomon+ okoyomde ndibọp ke Jerusalem ye ke Lebanon+ ye ke kpukpru isọn̄ emi enye akakarade.  Amaedi kpukpru mbon emi ẹkesụhọde ke otu mme Hittite+ ye mme Amorite+ ye mme Perizzite+ ye mme Hivite+ ye mbon Jebus,+ emi mîkedịghe ubak Israel,+  ke otu nditọ mmọ emi ẹkesụhọde ke isọn̄, emi nditọ Israel mîkosoboke ifep,+ Solomon enyịk+ mmọ ẹnam ọkpọsọn̄ utom tutu esịm mfịn emi.+  Edi Solomon ikanamke eyen Israel ndomokiet edi ofụn ndinam utom nnọ enye;+ koro mmọ ẹkedide mbonekọn̄+ ye mme etubom ẹnọ mme udiana etubom ekọn̄ esie, ẹnyụn̄ ẹdi mme etubom mme andiwat chariot+ ye eke mme awat enan̄-mbakara esie.+ 10  Mmọ emi ẹkedi mme etubom mme adaidaha+ Edidem Solomon, owo ikie iba ye aba ye duop, mmọ ẹkedi mme etubom mbonutom.+ 11  Ndien Solomon osio eyen Pharaoh an̄wan+ ke Obio David+ ọdọk edi ufọk emi enye ọkọbọpde ọnọ enye,+ koro enye ọkọdọhọde ete: “Okposụkedi enye edide n̄wan mi, enye ididụn̄ke ke ufọk David edidem Israel, koro ebiet emi ẹmende ekebe ediomi Jehovah ẹdinịm edide edisana.”+ 12  Adan̄aoro ke Solomon awa edifọp uwa+ ọnọ Jehovah ke itieuwa+ Jehovah emi enye ọkọbọpde ke iso etehe,+ 13  ndiwa uwa eke usen ke usen+ nte ekemde ye ibet Moses kaban̄a mme sabbath+ ye mbufa ọfiọn̄+ ye mme usọrọ+ emi ẹnịmde ikata ke isua,+ ke usọrọ uyo eke leaven mîdụhe+ ye usọrọ eke mme urua+ ye usọrọ mme ataya.+ 14  N̄ko-n̄ko, enye abahade mme oku ke otu ke otu+ ndinam mme utom mmọ nte ekemde ye ibet oro David ete esie+ ọkọnọde, nditọ Levi+ ẹnyụn̄ ẹdu ke mme itieutom mmọ, ndinọ itoro+ ndinyụn̄ nsan̄a utom+ nnọ mme oku ke usen ke usen,+ onyụn̄ enịm otu mme ekpeme-inuaotop ke nsio nsio inuaotop,+ koro se David owo ata Abasi okowụkde edi oro. 15  Ndien mmọ ikọwọn̄ọkede ikpọn̄ ewụhọ emi edidem ọkọnọde mme oku ye nditọ Levi kaban̄a n̄kpọ ekededi ye kaban̄a mme n̄kpọ emi ẹyomde.+ 16  Ntre ẹnam ofụri utom Solomon nte ẹketịmde+ toto ke usen emi ẹsịnde itiat idakisọn̄ ufọk Jehovah tutu esịm usen emi ẹbọpde enye ẹma.+ Ntre ke ẹkebọp ufọk Jehovah ẹkụre.+ 17  Adan̄aoro ke Solomon akaka Ezion-geber+ ye Eloth+ ke mbeninyan̄ isọn̄ Edom.+ 18  Ndien Hiram+ anam mme asan̄autom esie ẹda nsụn̄ikan̄ ye mme asan̄autom emi ẹfiọkde mmọn̄+ ẹsọk Solomon kpukpru ini, ndien mmọ ẹtiene mme asan̄autom Solomon ẹdi ke Ophir+ ẹnyụn̄ ẹda talent+ gold+ ikie inan̄ ye aba ye duop ẹsọk Edidem Solomon.+

Mme Ikọ Idakisọn̄