Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 7;1-22

7  Ke ndondo oro Solomon ọbọn̄de akam ama,+ ikan̄ oto heaven+ osụhọde edita edifọp uwa+ ye mme uwa eken, ubọn̄ Jehovah+ onyụn̄ ọyọhọ ufọk oro.  Ndien mme oku ikemeke ndidụk ufọk Jehovah+ koro ubọn̄ Jehovah ọyọhọde ufọk Jehovah.  Kpukpru nditọ Israel ẹnyụn̄ ẹkụt ini emi ikan̄ osụhọrede edi ye ubọn̄ Jehovah emi odorode ke ufọk oro, ndien mmọ ẹsọsọp ẹkịbi iso+ mmọ ke mbot itiat ẹnyụn̄ ẹtuak ibuot+ ẹkọm Jehovah, “koro enye ọfọnde,+ koro ima-mfọnido esie odude ke nsinsi.”+  Ndien edidem ye kpukpru mbio obio ẹwa uwa ke iso Jehovah.+  Ndien Edidem Solomon awa enan̄ tọsịn edịp ye iba ye erọn̄ tọsịn ikie ye edịp.+ Ntem ke edidem ye kpukpru mbio obio ẹyak ufọk ata Abasi ẹnọ.+  Ndien mme oku+ ẹda ke itieutom mmọ, nditọ Levi+ ẹnyụn̄ ẹkama n̄kpọ ubre ikwọ+ nnọ Jehovah emi David+ edidem akanamde ndida n̄kọm Jehovah, “koro ima-mfọnido esie odude ke nsinsi,” ke ini David adade ubọk mmọ ọnọ itoro; ndien mme oku ẹfri mme obukpon̄+ ke ọkpọsọn̄ uyo ke iso mmọ, ke adan̄aemi ofụri Israel ẹdade-da.  Ntem Solomon anam ufọt okụre emi odude ke iso ufọk Jehovah asana,+ koro do ke enye akawa edifọp uwa+ onyụn̄ awa ikpọn̄ uwa ebuana, koro itieuwa okpoho+ emi Solomon akanamde mîkokponke ikem ndida n̄wa edifọp uwa ye uwa n̄kpasịp+ ye ikpọn̄.+  Ndien ke ini oro Solomon anam usọrọ+ ke usen itiaba, ofụri Israel ẹnyụn̄ ẹdu ye enye,+ kpa ata akwa esop,+ ọtọn̄ọde ke ebiet emi ẹtode ẹdụk Hamath+ tutu esịm itịghede mmọn̄ Egypt.+  Ndien ke ọyọhọ usen itiaita mmọ ẹnịm edisana esop,+ koro mmọ ẹkeyakde itieuwa ẹnọ ke usen itiaba ẹnyụn̄ ẹnịmde usọrọ ke usen itiaba. 10  Ndien ke ọyọhọ usen edịp ye ita ke ọyọhọ ọfiọn̄ itiaba, enye ọnọ mmọ ẹnyọn̄ọ ufọk mmọ, ndien mmọ ẹdara+ ẹnyụn̄ ẹkop idatesịt ke mfọn+ emi Jehovah ọkọfọnde David ye Solomon ye ikọt esie Israel.+ 11  Ntem ke Solomon okụre ndibọp ufọk Jehovah+ ye ufọk edidem;+ ndien Solomon anam kpukpru se ikodude enye ke esịt ndinam ke ufọk Jehovah ye ufọk esie. 12  Ndien Jehovah owụt+ Solomon idem ke okoneyo onyụn̄ ọdọhọ enye ete: “Mmokop akam fo,+ mmonyụn̄ mmek+ ebiet emi nnịm nnọ idemmi nte ufọk uwa.+ 13  Ke ini nsịride enyọn̄ man edịm okûdep+ nnyụn̄ nnọde uyo nte mme ataktak ẹta ikọn̄ ke isọn̄,+ edieke nnyụn̄ ndọn̄de idiọk udọn̄ọ ke otu ikọt mi,+ 14  ndien ikọt+ mi emi ẹkotde enyịn̄+ mi ẹdian ẹsụhọde idem+ ẹbọn̄ akam+ ẹyom iso mi+ ẹnyụn̄ ẹwọn̄ọde ẹkpọn̄ idiọk usụn̄+ mmọ, ndien ami nyetie ke heaven+ n̄kop nnyụn̄ mfen mme idiọkn̄kpọ mmọ,+ nnyụn̄ nnam isọn̄ mmọ ọfọn n̄kpọ.+ 15  Ndien nyatat enyịn+ mi nnyụn̄ mbiọn̄ utọn̄+ mi ke akam oro ẹbọn̄de ke ebiet emi. 16  Ndien, ke emi, ami mmemek+ nnyụn̄ nnam ufọk emi asana man enyịn̄+ mi odu do ke nsinsi,+ man enyịn mi ye esịt mi ẹnyụn̄ ẹdu do kpukpru ini.+ 17  “Ndien edieke afo edisan̄ade ke iso mi, kpa nte David+ ete fo akasan̄ade, ke ndinam kpukpru se n̄wụkde fi+ nte anam, edieke afo edinyụn̄ enịmde mme ewụhọ+ mi ye mme ubiereikpe+ mi, 18  ami n̄ko nyanam ebekpo itie edidem fo ọsọn̄ọ ada,+ kpa nte n̄kodiomide ye David ete fo,+ nte, ‘Owo idisịbeke owo emi otode ubon fo ifep ndikara Israel.’+ 19  Edi edieke mbufo ẹdifiakde edem+ ẹdinyụn̄ ẹkpọn̄de mme ewụhọ mi+ ye mme ibet mi+ emi ami n̄kọnọde mbufo, ẹnyụn̄ ẹkade ẹkenam n̄kpọ mme abasi efen,+ ẹnyụn̄ ẹtuakde ibuot ẹnọ mmọ,+ 20  ami n̄ko nyedịbede mmọ nsio ke isọn̄ mi oro n̄kọnọde mmọ;+ ndien amaedi ufọk emi n̄kanamde asana+ nnọ enyịn̄ mi, ami nyemen enye mfep ke iso mi,+ nyonyụn̄ nnam enye edi n̄kpọ ufiet+ ye n̄kpọ isụn̄i ke otu kpukpru mme idụt.+ 21  Amaedi ufọk emi akabarede edi ibombom n̄wụre+ mi, kpukpru owo eke ẹbede ẹyeda ẹse ke n̄kpaidem,+ ẹnyụn̄ ẹbụp ẹte, ‘Ntak emi Jehovah anamde ntem ye isọn̄ emi ye ufọk emi?’+ 22  Ndien mmọ ẹyebọrọ ẹte, ‘Edi koro mmọ ẹkekpọn̄de Jehovah+ Abasi mme ete ete mmọ emi okosiode mmọ ke isọn̄ Egypt,+ ẹnyụn̄ ẹkade ẹkemụm mme abasi efen+ ẹkama, ẹnụhọ ẹnọ mmọ ẹnyụn̄ ẹnam n̄kpọ mmọ.+ Ntak edi oro enye adade ofụri afanikọn̄ emi etiene mmọ.’”+

Mme Ikọ Idakisọn̄