Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 5;1-14

5  Ke akpatre kpukpru utom oro Solomon ekenyenede ndinam ke ufọk Jehovah okụre,+ ndien Solomon atan̄ mme n̄kpọ oro David ete esie akanamde ẹsana edi;+ enye onyụn̄ ọdọn̄ silver ye gold ye kpukpru n̄kpoduoho ke itie ubon n̄kpọuto ufọk ata Abasi.+  Adan̄aoro ke Solomon okobon mbiowo Israel+ ọtọkiet ye kpukpru mme etubom esien,+ ye mbọn̄ ke ufọk mme ete+ nditọ Israel ke Jerusalem, man ẹkemen ekebe+ ediomi Jehovah ke Obio David,+ oro edi, Zion,+ ẹdọk ẹdi.+  Ntre kpukpru irenowo Israel ẹsop idem ọtọkiet ke ọtọ edidem ke ini usọrọ, ke ọyọhọ ọfiọn̄ itiaba.+  Ntre kpukpru mbiowo Israel ẹdi,+ ndien nditọ Levi ẹmen Ekebe.+  Ndien mmọ ẹmen Ekebe+ ye tent usopidem+ ye kpukpru ndisana n̄kpoduoho+ oro ẹkedude ke tent oro. Mme oku, kpa nditọ Levi, ẹtan̄ mmọ ẹdọk ẹdi.+  Ndien Edidem Solomon ye ofụri esop nditọ Israel emi ẹkesopde idem ye enye ke iso Ekebe oro ẹwa+ erọn̄ ye enan̄ emi ẹwakde tutu owo ikemeke ndibat.  Ekem mme oku ẹmen ekebe ediomi Jehovah ẹdinịm ke itie esie, ke ata esịt esịt+ ubet ufọk oro, ke Ata Edisana,+ ke idak mba mme cherub.+  Ntem mme cherub oro ẹtat mba mmọ ẹfụk itie emi ẹnịmde Ekebe oro, ntre mme cherub ẹdu ke enyọn̄+ ẹfụk Ekebe oro ye mme eto+ esie.  Edi mme eto oro ẹma ẹniọn̄ tutu ẹda ke Edisana ke iso ata esịt esịt ubet ẹkụt mbuot mmọ, edi owo idaha ke an̄wa ikụt mmọ, ndien mmọ ẹdu do tutu esịm mfịn emi.+ 10  N̄kpọ ikesịneke ke esịt Ekebe oro ke mîbọhọke itiatn̄wed iba+ emi Moses ọkọnọde ke Horeb,+ ke ini Jehovah akanamde ediomi+ ye nditọ Israel ke adan̄aemi mmọ ẹtode Egypt+ ẹwọn̄ọ. 11  Edikem ke ini mme oku ẹtode edisana ebiet ẹwọn̄ọ ẹdi (koro kpukpru mme oku emi ẹdude ẹkenamde idemmọ asana+—ikoyomke ẹtiene ndutịm eke otu ke otu);+ 12  ndien kpukpru mmọ—nditọ Levi,+ mme ọkwọikwọ emi ẹdide nditọ Asaph,+ Heman,+ Jeduthun+ ye nditọ mmọ ye nditọete mmọ emi ẹkesịnede nti ọfọn̄, ẹkenyụn̄ ẹkamade usan n̄kukwak+ ye ndido urụk+ ye harp,+ ẹda ke edem usiahautịn itieuwa, mme oku ikie ye edịp ẹnyụn̄ ẹda ye mmọ ẹfri obukpon̄;+ 13  edikem ke ndondo oro mme efri obukpon̄ ye mme ọkwọikwọ, ẹkwọde uyo kiet+ nte owo kiet, nditoro nnyụn̄ n̄kọm Jehovah, ye ke ndondo oro mmọ ẹmenerede uyo obukpon̄ ye eke usan n̄kukwak ye eke ndido ikwọ+ ẹtoro+ Jehovah, “koro enye ọfọnde,+ koro ima-mfọnido+ esie odude ke nsinsi,” obubịt enyọn̄+ ọyọhọ ufọk oro, kpa ufọk Jehovah,+ 14  ndien mme oku ikemeke ndida nnam utom ke ntak obubịt enyọn̄+ oro; koro ubọn̄+ Jehovah ọkọyọhọde ufọk ata Abasi.

Mme Ikọ Idakisọn̄