Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 4;1-22

4  Ekem enye ada okpoho anam itieuwa,+ uniọn̄ esie edi cubit edịp, ubom esie onyụn̄ edi cubit edịp, idaha+ esie edi cubit duop.  Ndien enye atara okpoho anam n̄kpọ udọn̄ mmọn̄*+ emi edide cubit duop ọtọn̄ọde ke mben kiet esịm mben eken, emi onyụn̄ edide ekara ekara akan okụk, ndien enye okon̄ cubit ition, ẹnyụn̄ ẹkeme ndida urụk emi ọniọn̄de cubit edịp ye duop n̄kanade enye ofụri ofụri.+  Ndien mme n̄kpọmbana emi ẹbietde ekikop+ ẹdu ẹkanade idak esie, n̄kpọmbana duop ke cubit kiet, ẹdu ẹkanade n̄kpọ udọn̄ mmọn̄ emi ẹkụk.+ Ndien mme n̄kpọmbana emi ẹbietde ekikop mi ẹdi udịm iba, ẹkenyụn̄ ẹtatara mmọ.  Enye okodoro ke enyọn̄ nyara enan̄ duopeba,+ ita ẹse edem edere, ita ẹse edem usoputịn, ita ẹse edem usụk, ita ẹnyụn̄ ẹse edem usiahautịn; ndien n̄kpọ udọn̄ mmọn̄ oro odoro mmọ ke edem, kpukpru mmọ ẹnyụn̄ ẹwọn̄ọde isịm mmọ ẹwụt esịt.+  Ndien udobi esie ekedi ubara ekaubọk kiet; ndien ẹkenam mben esie nte mben cup, ebiet ekpọn̄idịm.+ Enye onyụn̄ ekeme ndidụk+ aban̄ mmọn̄ tọsịn ita.*+  N̄ko-n̄ko, enye anam besịn duop, ndien enịm ition ke nnasia onyụn̄ enịm ition ke ufien,+ man ẹda mmọn̄ do ẹyet n̄kpọ.+ Ndien ẹda mmọ ẹyet mme n̄kpọ ufọp uwa.+ Edi mme oku ẹda mmọn̄ ke n̄kpọ udọn̄ mmọn̄ oro ẹyere.+  Ekem enye ada gold anam uwụk utuenikan̄+ duop, kpukpru mmọ ẹdi ukem ukem,+ onyụn̄ ọdiọk mmọ ke temple, ition ke nnasia, ition ke ufien.+  N̄ko-n̄ko, enye anam okpokoro duop, onyụn̄ ọdiọk mmọ ke temple, ition ke nnasia, ition ke ufien,+ onyụn̄ ada gold anam usan ikie.  Ekem enye anam okụre+ mme oku+ ye akwa okụre+ ye mme usụn̄ okụre, enye onyụn̄ ada okpoho ofụk mme usụn̄ oro. 10  Enye onyụn̄ ọdiọk n̄kpọ udọn̄ mmọn̄ oro ke n̄kan̄ nnasia, ke n̄kan̄ edem usiahautịn emi ekperede edem usụk.+ 11  Ke akpatre Hiram anam mme eso+ ye mme udọk+ usio ntọn̄ ye mme usan.+ Ntre Hiram okụre utom oro enye akanamde ọnọ Edidem Solomon ke ufọk ata Abasi. 12  Mme adaha+ mbiba ye ekara ekara mbuot+ mbiba oro ẹdorode ke enyọn̄ adaha mbiba emi ye iyịre iyịre ndudiọn̄+ iba man ẹfụk ekara ekara mbuot mbiba oro ẹdorode ke enyọn̄ mme adaha oro 13  ye pomegranate+ ikie inan̄ ke iyịre iyịre ndudiọn̄ iba oro, udịm pomegranate iba ke iyịre iyịre ndudiọn̄ kiet kiet man ẹfụk ekara ekara mbuot mbiba emi ẹdorode ke enyọn̄ mme adaha+ oro, 14  ye ukpatn̄kpọ+ duop ye besịn+ duop emi ẹdorode ke mme ukpatn̄kpọ emi; 15  ye n̄kpọ udọn̄ mmọn̄+ kiet ye nyara enan̄ duopeba ke idak esie;+ 16  Hiram-abiv+ ada nsemnsem okpoho anam mme eso ye mme udọk+ usio ntọn̄ ye mme fork+ ye kpukpru n̄kpoduoho+ ọnọ Edidem Solomon man ẹda ẹnam utom ke ufọk Jehovah. 17  Edidem akatara mmọ ke isọn̄ mbat ke ufọt Succoth+ ye Zeredah+ ke Ikpehe Jordan. 18  Ntre Solomon anam kpukpru n̄kpoduoho emi ata ediwak, ndien owo ikọfiọkke udobi okpoho oro.+ 19  Ndien Solomon anam kpukpru n̄kpoduoho+ emi ẹkedude ke ufọk ata Abasi ye itieuwa+ oro ẹnamde ke gold ye mme okpokoro+ emi uyo iso Abasi odorode, 20  ye mme uwụk utuenikan̄+ ye mme utuenikan̄+ mmọ, emi ẹnamde ke ata gold, man ẹdomo mmọ ẹbon ke iso ata esịt esịt ubet+ nte ekemde ye ibet; 21  ye mme flawa ye utuenikan̄ ye ufatikan̄+ emi ẹnamde ke gold, (ata eti gold,) 22  ye mme n̄kpọ unịme ikan̄ ye mme usan ye mme cup ye n̄kpọ ufọp incense emi ẹnamde ke ata gold,+ ye mme inuaotop ufọk,+ kpa mme usụn̄ esịtufọk, oro edi, eke Ata Edisana ye mme usụn̄+ ufọk temple emi ẹnamde ke gold.

Mme Ikọ Idakisọn̄

M̀mê, “inyan̄ emi ẹbotde-bot.”
N̄kpọ nte lita 66,000 (galọn 17,430) ke ini ẹdọn̄de mmọn̄ enen̄ede ọyọhọ.