Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 35;1-27

35  Ndien Josiah+ enịm passover+ ọnọ Jehovah ke Jerusalem, mmọ ẹnyụn̄ ẹwot unam+ passover ke ọyọhọ usen duopenan̄+ ke akpa+ ọfiọn̄.  Ntre enye enịm mme oku ete ẹse ẹban̄a mme n̄kpọ oro ẹnọde mmọ ndise mban̄a+ onyụn̄ esịn udọn̄ ọnọ+ mmọ ndinam utom ufọk Jehovah.+  Ndien enye ọdọhọ nditọ Levi, mme anditeme+ ofụri Israel, kpa mbon oro ẹdide ndisana ikọt Jehovah ete: “Mbufo ẹnịm edisana+ Ekebe ke ufọk+ oro Solomon eyen David kpa edidem Israel ọkọbọpde; idiyomke mbufo ẹbiom mbiomo emi ke afara.+ Ke emi, ẹnam n̄kpọ ẹnọ+ Jehovah Abasi mbufo ẹnyụn̄ ẹnam ẹnọ ikọt esie Israel.  Mbufo ẹnyụn̄ ẹtịm idem nte ufọk mme ete ete+ mbufo ẹdide, nte mme otu+ mbufo ẹdide, nte ekemde ye se David edidem Israel ekewetde+ ye nte Solomon eyen esie okonyụn̄ ewetde.+  Ndien mbufo ẹda+ ke edisana ebiet ẹnọ nditọete mbufo, kpa nditọ obio, nte otu ufọk mme ete ete mbufo ẹdide, ye ikpehe ufọk mme ete+ emi ẹdide eke nditọ Levi.+  Ndien ẹwot unam passover+ ẹnyụn̄ ẹnam idem mbufo asana+ ẹnyụn̄ ẹtịm n̄kpọ ẹnọ nditọete mbufo man mmọ ẹnam nte ekemde ye ikọ emi Jehovah eketịn̄de ebe ke Moses.”+  Ekem Josiah ọnọ nditọ obio oro ufene, nyara nditọerọn̄ ye mme abak okpo ebot, tọsịn edịp ye duop ke ibat, ye enan̄ tọsịn+ ita, kpukpru ẹdide unam passover emi enye ọnọde kpukpru owo emi ẹdude. Ẹkeda mmọ emi ẹto inyene edidem.+  Ndien mbọn̄+ esie ẹsio etịbe ẹnọ mme owo nte enọ unyịmesịt,+ ẹnyụn̄ ẹnọ mme oku ye nditọ Levi. Hilkiah+ ye Zechariah ye Jehiel emi ẹdide mme adaiso ke ufọk ata Abasi ẹnọ mme oku unam passover tọsịn iba ikie itiokiet, ye enan̄ ikie ita.  Ndien Conaniah ye Shemaiah ye Nethanel nditọete esie ye Hashabiah ye Jeiel ye Jozabad, mme etubom nditọ Levi, ẹnọ nditọ Levi unam passover tọsịn ition, ye enan̄ ikie ition. 10  Ndien ẹtịm idem+ ẹnọ utom, mme oku ẹnyụn̄ ẹda+ itie+ mmọ, ye nditọ Levi ke mbahade otu+ mmọ, kpa nte edidem ọkọnọde uyo.+ 11  Ndien mmọ ẹwot unam passover,+ mme oku+ ẹnyụn̄ ẹsịme+ iyịp oro ẹkebọde mmọ ke ubọk, ke adan̄aemi nditọ Levi ẹyan̄arede ikpa+ ẹsion̄o. 12  N̄ko, mmọ ẹtịm mme edifọp uwa man ẹmen mmọ ẹnọ mme otu +emi, kpa nditọ obio, nte ufọk mme ete+ mmọ ẹdide, man ẹmen ẹnọ+ Jehovah kpa nte ẹwetde ke n̄wed Moses;+ ẹnyụn̄ ẹnam ntre n̄ko ye enan̄. 13  Ndien mmọ ẹtem+ unam+ passover ke ikan̄ nte ẹkam ẹsinamde; mmọ ẹnyụn̄ ẹtem+ mme n̄kpọ oro ẹnamde ẹsana ke eso utemudia ye ke ekara eso ye ke usan udia, ekem mmọ ẹsọsọp ẹda ẹsọk kpukpru nditọ obio.+ 14  Ekem mmọ ẹtem eke mmọ ẹnyụn̄ ẹtem eke mme oku,+ koro mme oku kpa nditọ Aaron ẹkewade mme edifọp uwa+ ye ikpọn̄+ tutu esịm okoneyo, ndien nditọ Levi ẹtem+ eke idemmọ ẹnyụn̄ ẹtem eke mme oku kpa nditọ Aaron. 15  Ndien nditọ Asaph+ kpa mme ọkwọikwọ+ ẹdu ke itieutom mmọ nte ekemde ye ewụhọ David+ ye eke Asaph+ ye Heman+ ye eke Jeduthun+ kpa okụt-n̄kukụt+ edidem; ndien mme ekpeme-inuaotop+ ẹdu ke nsio nsio inuaotop.+ Mmọ ikenyeneke ndiwọn̄ọde n̄kpọn̄ utom mmọ, koro nditọete mmọ kpa nditọ Levi ẹketemde+ ẹnọ mmọ. 16  Ndien ẹtịm kpukpru utom Jehovah ke usen oro man ẹnịm passover+ man ẹnyụn̄ ẹfọp edifọp uwa ke itieuwa Jehovah, nte ekemde ye ewụhọ Edidem Josiah.+ 17  Ndien adan̄aoro ke nditọ Israel emi ẹdude do ẹkenịm passover+ ẹnyụn̄ ẹnịm n̄ko usọrọ uyo eke leaven mîdụhe ke usen itiaba.+ 18  Ndien akananam owo inịmke orụk passover emi ke Israel toto ke eyo prọfet+ Samuel, baba edidem+ ekededi ke Israel inyụn̄ inịmke orụk passover emi Josiah ye mme oku ye nditọ Levi ye ofụri Judah ye Israel emi ẹkedude ọkọrọ ye kpukpru mme andidụn̄ Jerusalem ẹkenịmde. 19  Ẹkenịm passover emi ke ọyọhọ isua efịteta emi Josiah akarade.+ 20  Ke kpukpru n̄kpọ emi ẹma ẹkebe, ke Josiah ama ọkọdiọn̄ ufọk ama, Necho+ edidem Egypt+ ọdọk edi en̄wan ke Carchemish+ ke mben Euphrates. Ndien Josiah+ ọwọrọ aka ndibiọn̄ọ enye.+ 21  Ntem enye ọdọn̄ mme isụn̄utom ẹkedọhọ enye ẹte: “Ami nsan̄a nso ye afo, O edidem Judah? Ndịghe ndin̄wana ekọn̄ ye afo mfịn emi, edi en̄wan mi edi ye ufọk efen, ndien Abasi ọdọhọ mi nsịn ntịme. Ke ufọn idemfo, daha ke ntak Abasi emi odude ye ami, kûnyụn̄ uyak enye osobo fi.”+ 22  Ndien Josiah iwọn̄ọkede iso ikpọn̄ enye,+ edi okpụhọ idem+ anam nte idi owo efen man an̄wana ye enye inyụn̄ ikopke ikọ Necho+ emi okotode Abasi. Ntre enye ọwọrọ edi ndin̄wana ekọn̄ ke unaisọn̄ itịghede Megiddo.+ 23  Ndien mbon utịgha+ ẹtịgha Edidem Josiah, tutu edidem ọdọhọ mme asan̄autom esie ete: “Ẹmen mi ẹfep, koro mmada unan ata idiọk idiọk.”+ 24  Ntre mme asan̄autom esie ẹmen enye ke chariot oro ẹfep, ẹsịn enye ke udiana chariot ekọn̄ esie, ẹnyụn̄ ẹwat enye ẹdi Jerusalem.+ Ntem enye akpa,+ ẹnyụn̄ ẹbụk enye ke udi mme ete ete esie;+ ndien ofụri Judah ye Jerusalem ẹtua+ Josiah. 25  Ndien Jeremiah+ ọkwọ ikwọ+ aban̄a Josiah; kpukpru iren ye iban+ emi ẹdide mme ọkwọikwọ ẹtịn̄ ẹban̄a Josiah ke ikwọ mfụhọ mmọ tutu esịm mfịn emi; ndien mmọ ẹnịm ewụhọ ẹte ẹkwọ ikwọ emi ke ofụri Israel, ndien sese ẹwet mmọ ẹsịn ke otu mme ikwọ mfụhọ.+ 26  Amaedi mme n̄kpọ efen+ emi ẹban̄ade Josiah ye mme edinam ima-mfọnido+ esie, nte ekemde ye se ẹwetde ke ibet+ Jehovah, 27  ye mme n̄kpọ emi ẹban̄ade enye, akpa ye akpatre,+ sese ẹwet mmọ ẹsịn ke N̄wed+ Ndidem Israel ye Judah.

Mme Ikọ Idakisọn̄