Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 34;1-33

34  Josiah+ ekedi isua itiaita+ ke ini enye ọtọn̄ọde ndikara, enye onyụn̄ akara isua edịp ye duopekiet ke Jerusalem.+  Ndien enye anam se inende ke enyịn Jehovah+ onyụn̄ asan̄a ke usụn̄ David ete ete esie;+ inyụn̄ iwọn̄ọkede ika nnasia m̀mê ufien.+  Ndien ke ọyọhọ isua itiaita emi enye akarade, ke adan̄aemi enye osụk edide eyenọwọn̄,+ enye ọtọn̄ọ ndiyom+ Abasi David ete ete esie; ndien ke ọyọhọ isua duopeba enye ọtọn̄ọ ndinam Judah ye Jerusalem ẹsana+ ke ndision̄o mme edikon̄ ebiet+ ye mme eto utuakibuot+ ye ndisọi mbiet+ ye mme editara mbiet mfep.  N̄ko, mmọ ẹwụri mme itieuwa+ Baal+ ke iso esie; ndien enye esịbe mme n̄kpọ udori+ incense emi ẹkedude ke enyọn̄ mmọ efep; enye onyụn̄ obom mme eto utuakibuot+ ye ndisọi mbiet+ ye mme editara mbiet mbai mbai onyụn̄ ọkọk tutu mmọ ẹkabade ntọn̄,+ ndien owobi ekesịme ke mme udi mbon oro ẹkesiwade uwa ẹnọ mmọ.+  Ndien enye atan̄ ọkpọ+ mme oku ọfọp ke mme itieuwa+ mmọ. Ntem ke enye akanam Judah ye Jerusalem ẹsana.  Enye anam ntre n̄ko ke mme obio Manasseh+ ye Ephraim+ ye Simeon tutu esịm Naphtali, ye kpukpru n̄wụre ebiet emi ẹkanarede mmọ ẹkụk,  enye ama akam owụri mme itieuwa+ ye mme eto utuakibuot,+ anuak ndisọi mbiet+ tutu mmọ ẹkabade ntọn̄;+ ndien esịbe mme n̄kpọ udori+ incense efep ke ofụri isọn̄ Israel, ekem enye afiak ọnyọn̄ Jerusalem.  Ndien ke ọyọhọ isua efịteta+ emi enye akarade, ke enye ama akanam isọn̄ ye ufọk ẹsana, enye ọdọn̄ Shaphan+ eyen Azaliah ye Maaseiah etubom obio ye Joah eyen Joahaz kpa andiwet n̄kpọ nnịm ete ẹdiọn̄+ ufọk Jehovah Abasi esie.  Ndien mmọ ẹdi ke ọtọ Hilkiah+ akwa oku ẹdinọ enye okụk emi ẹdade ẹdi ufọk Abasi, emi nditọ Levi kpa mme ekpeme-usụn̄+ ẹbọde ke ubọk Manasseh+ ye Ephraim+ ye ke ofụri Israel+ eken, emi ẹkenyụn̄ ẹbọde ẹto ofụri Judah ye Benjamin ye mme andidụn̄ Jerusalem. 10  Ndien mmọ ẹyak enye ẹsịn ke ubọk mbon oro ẹkemekde ẹte ẹnam utom ufọk Jehovah.+ Ekem mme anamutom emi ẹsịnde idem ẹnam utom ufọk Jehovah ẹda enye ẹsịn ke ndidiọn̄ ufọk emi nnyụn̄ nnam enye ọfọn. 11  Ntre mmọ ẹmen enye ẹnọ mme anamutom usọ ye mme ọbọpufọk+ ẹte ẹda ẹdep mme itiat emi ẹsọide-sọi+ ye mme eto ndida nnam ubọpn̄kpọ ye mme ndori ndibọp mme ufọk emi ndidem+ Judah ẹkewụride. 12  Ndien iren emi ẹnam akpanikọ+ ke utom oro; ndien ẹmek Jahath ye Obadiah kpa nditọ Levi, ke otu nditọ Merari,+ ye Zechariah ye Meshullam, ke otu nditọ Kohath,+ ẹte ẹdi mme esenyịn. Ndien kpukpru nditọ Levi emi ẹdide nta ke ndikama n̄kpọ ubre ikwọ,+ 13  ẹkese ẹban̄a mme obiom mbiomo,+ ẹnyụn̄ ẹdi mme esenyịn+ ẹnọ kpukpru mme andinam nsio nsio utom; ndien mme ewetn̄wed+ ye ikpọ owo ye mme ekpeme-inuaotop+ ẹma ẹdu ke otu nditọ Levi.+ 14  Ndien ke adan̄aemi mmọ ẹsụk ẹsion̄ode okụk+ oro ẹkedade ẹdi ufọk Jehovah, Hilkiah+ oku okụt n̄wed+ ibet+ Jehovah emi ẹkenọde ẹbe ke ubọk Moses.+ 15  Ntre Hilkiah ọdọhọ Shaphan+ ewetn̄wed ete: “Mmokụt n̄wed ibet ke ufọk Jehovah.” Ntem Hilkiah ayak n̄wed oro ọnọ Shaphan. 16  Ndien Shaphan ada n̄wed emi ọsọk edidem, onyụn̄ ọdọhọ edidem, ete: “Mme asan̄autom fo ke ẹnam kpukpru se ẹkeyakde ẹsịn mmọ ke ubọk. 17  Ndien mmọ ẹn̄wan̄a okụk oro ẹkụtde ke ufọk Jehovah ẹnyụn̄ ẹyak enye ẹsịn ke ubọk iren oro ẹmekde ye ke ubọk mme anamutom.”+ 18  Ndien Shaphan ewetn̄wed ọdọhọ edidem, ete: “Enyene n̄wed+ emi Hilkiah oku ọnọde mi.”+ Ndien Shaphan ọtọn̄ọ ndikot n̄wed oro ke iso edidem.+ 19  Edikem ke ndondo oro edidem okopde mme ikọ ibet emi, inikiet inikiet enye awak ọfọn̄idem esie.+ 20  Ekem edidem owụk Hilkiah+ ye Ahikam+ eyen Shaphan ye Abdon eyen Micah ye Shaphan+ ewetn̄wed+ ye Asaiah+ asan̄autom edidem, ete: 21  “Ẹka ẹkebụp+ uyo Jehovah ẹnọ mi+ ye mbon emi ẹsụhọde ke Israel ye Judah ẹban̄a ikọ n̄wed+ emi ẹkụtde mi, koro ifụtesịt+ emi Jehovah edin̄wan̄ade ọduọk nnyịn ke idem okponde, ke ntak emi mme ete ete nnyịn mîkenịmke ikọ Jehovah ke ndinam kpukpru se ẹwetde ke n̄wed emi.”+ 22  Ntem Hilkiah ye mbon oro edidem ọkọdọhọde, ẹka ẹbịne Huldah+ prọfet an̄wan,+ kpa n̄wan Shallum eyen Tikvah eyen Harhas emi ekesede aban̄a ọfọn̄,+ ke adan̄aemi enye odụn̄de ke obufa ikpehe obio Jerusalem; ndien mmọ ẹketịn̄ ikọ ntem ye enye. 23  Ndien n̄wan emi ọdọhọ mmọ ete: “Ntem ke Jehovah Abasi Israel ọdọhọ ete, ‘Mbufo ẹdọhọ owo emi ọdọn̄de mbufo utom ọnọ mi, ẹte: 24  “Ntem ke Jehovah ọdọhọ ete, ‘Sese, ami mmọn̄ nda afanikọn̄+ ntiene ebiet emi ye mme andidụn̄+ enye, kpa kpukpru isụn̄i+ emi ẹwetde ke n̄wed emi ẹdade ke iso edidem Judah ẹkot,+ 25  koro mmọ ẹkpọn̄de mi+ ẹnyụn̄ ẹkade ẹkenam nsụn̄ikan̄ uwa ọwọrọ ọdọk ọnọ mme abasi+ efen, man ẹyat+ mi esịt ke kpukpru utom ubọk+ mmọ; mmọdo ndin̄wan̄ade ifụtesịt+ mi ke ebiet emi, ndien enye idinịmeke.’”+ 26  Ndien amaedi edidem Judah, emi ọdọn̄de mbufo ete ẹdibụp uyo Jehovah, mbufo ẹdọhọ enye ẹte: “Ntem ke Jehovah Abasi Israel ọdọhọ ete,+ ‘Amaedi ikọ+ emi afo okopde, 27  ke ntak emi afo akanamde esịt+ fo emem onyụn̄ osụhọrede+ idem ke ntak Abasi ke ini afo okopde ikọ esie kaban̄a ebiet emi ye mme andidụn̄ enye, onyụn̄ osụhọrede idemfo ke iso mi+ onyụn̄ awakde+ ọfọn̄idem fo onyụn̄ atuade eyet ke iso mi, ami mmokop,+ ntem ke Jehovah ọdọhọ. 28  Sese, ami mmọn̄ nnam fi osụhọde ana ye mme ete ete fo, ndien ẹyemen fi ẹsịn ke udi fo ke emem,+ enyịn fo idinyụn̄ ikwe kpukpru afanikọn̄+ oro ndidade ntiene ebiet emi ye mme andidụn̄ enye.’”’”+ Ndien mmọ ẹda ibọrọ emi ẹsọk edidem. 29  Ndien edidem ọdọn̄ ẹkekot kpukpru mbiowo Judah ye Jerusalem ẹbon ọtọkiet.+ 30  Ekem edidem ọdọk aka ufọk Jehovah,+ asan̄a ye kpukpru mbon Judah ye mme andidụn̄ Jerusalem ye mme oku+ ye nditọ Levi ye kpukpru mbio obio, ikpọ ye n̄kpri; ndien enye okot+ kpukpru ikọ n̄wed ediomi emi ẹkekụtde ke ufọk Jehovah ọnọ mmọ.+ 31  Ndien edidem ada ke itie+ esie onyụn̄ anam ediomi+ ke iso Jehovah ndika iso ntiene Jehovah nnyụn̄ nnịm mme ibet+ esie ye ikọ ntiense+ esie ye mme ewụhọ+ esie ke ofụri esịt+ ye ke ofụri ukpọn̄,+ nnyụn̄ nnịm+ mme ikọ ediomi oro ẹwetde ke n̄wed+ emi. 32  N̄ko-n̄ko, enye anam kpukpru mbon oro ẹdude ke Jerusalem ye Benjamin ẹwụt n̄kan̄ emi mmọ ẹdade. Ndien mme andidụn̄ Jerusalem ẹnam nte ekemde ye ediomi Abasi, kpa Abasi mme ete ete mmọ.+ 33  Ndien ke oro ebede Josiah osion̄o kpukpru mbubiam+ n̄kpọ efep ke ofụri isọn̄ nditọ Israel,+ ndien enye anam kpukpru mbon oro ẹdude ke Israel ẹnam utom, man ẹnam n̄kpọ Jehovah Abasi mmọ. Ke ofụri eyo esie, mmọ ikọwọn̄ọkede ikpọn̄ nditiene Jehovah Abasi mme ete ete mmọ.+

Mme Ikọ Idakisọn̄