Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Chronicle 33;1-25

33  Manasseh+ ekedi isua duopeba ke ini enye ọtọn̄ọde ndikara, enye onyụn̄ akara isua aba ye efịt ke Jerusalem.+  Ndien enye anam se idiọkde ke enyịn Jehovah,+ nte ekemde ye mme mbubiam+ n̄kpọ mme idụt oro Jehovah ekebịnde efep ke iso nditọ Israel.+  Ntre enye afiak ọbọp mme edikon̄ ebiet+ emi Hezekiah ete esie okowụride,+ onyụn̄ anam mme itieuwa+ ọnọ mme Baal,+ anam mme eto utuakibuot,+ onyụn̄ onụhọ+ ọnọ ofụri udịm enyọn̄+ onyụn̄ anam n̄kpọ mmọ.+  Enye onyụn̄ ọbọp mme itieuwa+ ke ufọk Jehovah, emi Jehovah ọkọdọhọde ete: “Enyịn̄ mi oyodu ke Jerusalem ke nsinsi.”+  Ndien enye anam mme itieuwa ọnọ kpukpru mme udịm enyọn̄+ ke okụre+ iba ke ufọk Jehovah.+  Ndien enye ọfọp nditọiren esie ke ikan̄*+ ke itịghede eyen Hinnom,+ ebre mfọni,+ ebre idiọn̄,+ otop mfa,+ onyụn̄ enịm mme obụp ekpo+ ye mme etịn̄ ini iso.+ Enye anam se idiọkde ke enyịn Jehovah ke ata akamba udomo, man ayat enye esịt.+  N̄ko-n̄ko, enye emen edisọi mbiet+ emi enye akanamde ekenịm ke ufọk ata Abasi,+ kpa ufọk emi Abasi ọkọdọhọde David ye Solomon eyen esie ete: “Ami nyanam enyịn̄+ mi odu ke nsinsi+ ke ufọk emi ye ke Jerusalem, emi ami mmekde+ nsio ke otu ofụri esien Israel.  Ndien ndisioho aba ikpat Israel mfep ke isọn̄ oro n̄kọnọde+ mme ete ete+ mmọ, ama akam edi mmọ ẹyekpeme ndinam kpukpru se n̄kowụkde mmọ+ ke kpukpru mme ibet+ ye mme ewụhọ+ ye mme ubiereikpe+ oro n̄kọnọde ke ubọk Moses.”+  Ndien Manasseh+ atap Judah+ ye mme andidụn̄ Jerusalem ndinam idiọk+ n̄kan mme idụt oro Jehovah okosobode efep ke iso nditọ Israel.+ 10  Ndien Jehovah aka iso etịn̄ ikọ ọnọ Manasseh ye ikọt esie, edi mmọ ikpan̄ke utọn̄.+ 11  Ke akpatre, Jehovah anam mme etubom ekọn̄ edidem Assyria+ ẹdin̄wana ye mmọ,+ ntre mmọ ẹmụm Manasseh ke obube+ ẹnyụn̄ ẹda ebuka okpoho iba ẹkọbi+ enye, ẹda ẹnyọn̄ Babylon. 12  Ndien ke ndondo oro nnanenyịn+ esịmde enye, enye ekpe Jehovah Abasi+ esie ubọk onyụn̄ enen̄ede osụhọde idem+ ke ntak Abasi mme ete ete esie. 13  Ndien enye ọbọn̄ akam ọnọ Enye, ntre Enye okop n̄kpeubọk+ esie onyụn̄ okop eben̄e emi enye eben̄ede oyom mfọn onyụn̄ afiak emen enye enịm ke itie edidem+ esie ke Jerusalem; ndien Manasseh edifiọk ete ke Jehovah edi ata Abasi.+ 14  Ndien ke emi ama ekebe enye ọbọp ibibene ke edem+ Obio David+ ke n̄kan̄ edem usoputịn Gihon+ ke itịghede mmọn̄ tutu esịm Inuaotop Iyak,+ akanade ekesịm Ophel+ onyụn̄ ọbọp enye okon̄ etieti. N̄ko, enye enịm mme etubom ekọn̄ ke kpukpru mme obio ibibene ke Judah.+ 15  Ndien enye osion̄o mme isen abasi+ ye edisọi mbiet+ ke ufọk Jehovah efep ye kpukpru mme itieuwa+ emi enye ọkọbọpde ke obot ufọk Jehovah ye ke Jerusalem, onyụn̄ anam ẹtomo mmọ ẹduọn̄ọ ke edem obio. 16  Akan oro, enye etịm itieuwa Jehovah+ onyụn̄ ọtọn̄ọ ndiwa mme uwa ebuana+ ye mme uwa ekọm+ ke esịt onyụn̄ ọdọhọ Judah ete ẹnam n̄kpọ ẹnọ Jehovah Abasi Israel.+ 17  Nte ededi, mme owo ẹkesụk ẹwawa uwa ke mme edikon̄ ebiet;+ n̄kukụre edi nte ke ẹkewa ẹnọ Jehovah Abasi mmọ. 18  Amaedi mme n̄kpọ efen emi ẹban̄ade Manasseh ye akam+ emi enye ọkọbọn̄de ọnọ Abasi esie ye ikọ mme okụt-n̄kukụt+ emi ẹketịn̄de ikọ ẹnọ enye ke enyịn̄ Jehovah Abasi Israel, sese, ẹwet mmọ ẹsịn ke otu mme n̄kpọ emi ẹban̄ade ndidem Israel.+ 19  Amaedi akam+ esie ye nte ẹkekopde n̄kpeubọk+ esie ye kpukpru idiọkn̄kpọ+ esie ye unana edinam akpanikọ+ esie ye mme ebiet emi enye ọkọbọpde mme edikon̄ ebiet+ onyụn̄ owụkde mme eto utuakibuot+ ye ndisọi mbiet+ mbemiso enye okosụhọrede idem,+ sese, ẹwet mmọ ẹsịn ke ikọ mme okụt-n̄kukụt esie. 20  Ekem Manasseh osụhọde ana ye mme ete ete+ esie, ẹnyụn̄ ẹbụk+ enye ke ufọk esie; ndien Amon+ eyen esie ọtọn̄ọ ndikara ke itie esie. 21  Amon+ ekedi isua edịp ye iba ke ini enye ọtọn̄ọde ndikara, enye onyụn̄ akara isua iba ke Jerusalem.+ 22  Ndien enye aka iso anam se idiọkde ke enyịn Jehovah,+ kpa nte Manasseh ete esie akanamde;+ ndien Amon awa uwa+ ọnọ kpukpru ndisọi mbiet+ oro Manasseh+ ete esie akanamde, enye onyụn̄ aka iso anam n̄kpọ mmọ.+ 23  Enye ikonyụn̄ isụhọkede+ idem ke ntak Jehovah nte Manasseh ete esie okosụhọrede idem,+ koro edi Amon akanam ubiomikpe ọtọt.+ 24  Ekem mme asan̄autom esie ẹdụk odu+ ẹban̄a enye ẹnyụn̄ ẹwot enye ke ufọk+ esiemmọ. 25  Edi mbio obio ẹwot+ kpukpru mbon oro ẹkedụkde odu+ ẹban̄a Edidem Amon,+ ndien mbio obio+ ẹnam Josiah+ eyen esie edidem ke itie esie.

Mme Ikọ Idakisọn̄

At. Ed., “anam nditọiren esie ẹbe ke ikan̄.”