Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 31;1-21

31  Ndien ke ndondo oro mmọ ẹkụrede kpukpru emi, kpukpru nditọ Israel+ emi ẹkedude do ẹwọn̄ọ ẹka mme obio Judah,+ ndien mmọ ẹbom mme adaha utuakibuot+ ẹnyụn̄ ẹkpi mme eto utuakibuot+ ẹduọn̄ọ ẹnyụn̄ ẹwụri mme edikon̄ ebiet+ ye mme itieuwa+ ke ofụri Judah+ ye ke Benjamin ye ke Ephraim+ ye Manasseh+ tutu mmọ ẹkụre; ekem kpukpru nditọ Israel ẹnyọn̄ọ ẹka mme obio mmọ, owo kiet kiet ọnyọn̄ aka udeme esie.  Ekem Hezekiah etịm otu+ mme oku onyụn̄ etịm nditọ Levi+ ke mme otu mmọ, otu kiet kiet nte utom esie edide, eke mme oku+ ye eke nditọ Levi,+ man ẹfọp uwa+ ẹnyụn̄ ẹwa mme uwa ebuana,+ man ẹnam utom+ ẹnyụn̄ ẹnọ ekọm+ ẹnyụn̄ ẹkwọ itoro+ ke mme inuaotop itienna Jehovah.  Ndien ama odu udeme oro ẹkesiode ke otu inyene+ edidem ẹnọ kaban̄a mme edifọp uwa,+ kpa mme edifọp uwa usenubọk+ ye eke mbubreyo, ye kaban̄a mme edifọp uwa ke mme sabbath+ ye eke mbufa ọfiọn̄+ ye eke mme ini usọrọ,+ nte ekemde ye se ẹwetde ke ibet Jehovah.+  Enye onyụn̄ ọdọhọ mbio obio, kpa mme andidụn̄ Jerusalem ete, ẹnọ udeme emi enyenede mme oku+ ẹnyụn̄ ẹnọ udeme emi enyenede nditọ Levi,+ man mmọ ẹsọn̄ọ ẹnịm+ ibet Jehovah.+  Ndien ke ndondo oro ẹtịn̄de ikọ emi, nditọ Israel+ ẹda mme akpa mbun̄wụm wheat,*+ ye obufa wine,+ aran+ ye aranọkwọk+ ye kpukpru mbun̄wụm in̄wan̄+ efen efen ẹdi, ẹnyụn̄ ẹda ọyọhọ mbak duop ke otu kpukpru n̄kpọ ẹdi ata ediwak.+  Ndien nditọ Israel ye mbon Judah emi ẹdụn̄de ke mme obio Judah+ ẹda ọyọhọ mbak duop ke otu enan̄ ye erọn̄ ye ọyọhọ mbak duop ke otu ndisana n̄kpọ,+ ẹdi, kpa mme n̄kpọ oro ẹnamde asana ẹnọ Jehovah Abasi mmọ. Mmọ ẹda mme n̄kpọ emi ẹdi ẹnyụn̄ ẹbon mmọ ke ebok ke ebok.  Ke ọyọhọ ọfiọn̄ ita+ ke mmọ ẹketọn̄ọ ndikibi mme ebok oro, ẹnyụn̄ ẹkụre ke ọyọhọ ọfiọn̄ itiaba.+  Ke ini Hezekiah ye mbọn̄+ ẹdide ẹdikụt mme ebok oro, mmọ ẹtoro+ Jehovah ye ikọt esie Israel.+  Ekem Hezekiah obụp mme oku ye nditọ Levi aban̄a mme ebok oro.+ 10  Ndien Azariah+ ọbọn̄ oku ufọk Zadok+ ọbọrọ enye ete: “Toto ke ini emi mmọ ẹtọn̄ọde ndida etịbe+ ndi ke ufọk Jehovah, mme owo ẹdia n̄kpọ ẹyụhọ+ ẹnyụn̄ ẹnyene akpakịp nyọhọ-nsụhọ;+ koro Jehovah ọmọdiọn̄ ikọt esie,+ ndien se iyọhọde isụhọ ẹdi ata ediwak emi.” 11  Ntem Hezekiah ọdọhọ ete ẹtịm mme ubet udia+ ke ufọk Jehovah. Ndien mmọ ẹtịm. 12  Mmọ ẹnam akpanikọ+ ke ndida etịbe+ ndi ye ọyọhọ mbak duop+ ye ndisana n̄kpọ; ndien Conaniah eyen Levi ekese aban̄a mmọ nte etubom, Shimei eyenete esie onyụn̄ edi udiana. 13  Ndien Jehiel ye Azaziah ye Nahath ye Asahel ye Jerimoth ye Jozabad ye Eliel ye Ismachiah ye Mahath ye Benaiah ẹdi mme isụn̄utom ukara ke idak Conaniah ye Shimei eyenete esie ke uyo Hezekiah edidem, ndien Azariah+ edi adaiso ke ufọk ata Abasi. 14  Ndien Kore eyen Imnah kpa eyen Levi edi ekpeme-inuaotop+ n̄kan̄ edem usiahautịn,+ enye ekese aban̄a mme enọ unyịmesịt+ emi ẹnọde ata Abasi, man ẹnọ etịbe+ Jehovah ye ata ndisana n̄kpọ.+ 15  Ndien mbon emi ẹkedude ke idak esie ke mme obio mme oku,+ emi ẹkekamade itieutom emi oyomde mme anam-akpanikọ+ ẹkedi Eden ye Miniamin ye Jeshua ye Shemaiah, Amariah ye Shecaniah, ndideme n̄kpọ nnọ nditọete mmọ emi ẹdude ke mme otu,+ ikpọ ye n̄kpri ukem ukem;+ 16  ke ẹsiode irenowo emi ẹdide isua ita ka iso+ ẹfep, emi ẹkesịnde enyịn̄ mmọ ke n̄wed udịm ubon,+ ke otu kpukpru mbon emi ẹdide ufọk Jehovah ke usen ke usen, ndinam utom nte ekemde ye otu mmọ. 17  Emi edi mme oku emi ẹkesịnde enyịn̄ mmọ ke n̄wed udịm ubon nte ufọk mme ete+ mmọ edide ye nditọ Levi+ n̄ko, ọtọn̄ọde ke owo isua edịp+ ka iso, nte ekemde ye otu mmọ;+ 18  ọkọrọ ye n̄kpri owo mmọ emi ẹkesịnde enyịn̄ mmọ ke n̄wed udịm ubon, iban mmọ ye nditọiren mmọ ye nditọiban mmọ, ye ofụri esop, koro ke itieutom mmọ emi oyomde mme anam-akpanikọ,+ mmọ ẹnam idemmọ asana+ ẹnọ se idide edisana; 19  n̄ko ye nditọ Aaron,+ mme oku, ke in̄wan̄+ mbiet ufene obio mmọ. Ẹma ẹsio mme owo ẹnịm ke nsio nsio obio ndideme n̄kpọ nnọ kpukpru irenowo ke otu mme oku nnyụn̄ nnọ kpukpru mbon emi ẹkesịnde enyịn̄ mmọ ke n̄wed udịm ubon udeme ke otu nditọ Levi. 20  Ndien Hezekiah ọtọn̄ọ ndinam ntem ke ofụri Judah, enye onyụn̄ aka iso anam se ifọnde+ ye se inende+ ye se idide akpanikọ+ ke iso Jehovah Abasi esie. 21  Ndien kpukpru se enye ọkọtọn̄ọde ndinam ke utom+ ufọk ata Abasi ye ke ibet+ ye ke ewụhọ ndiyom+ Abasi esie, enye akanam ke ofụri esịt,+ onyụn̄ okụt unen.+

Mme Ikọ Idakisọn̄

Mîdịghe, emi ekeme ndidi “barley.”