Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 3;1-17

3  Ekem Solomon ọtọn̄ọ ndibọp ufọk Jehovah+ ke Jerusalem ke Obot Moriah,+ ke ebiet emi Jehovah okowụtde David ete+ esie idem, kpa ebiet emi David eketịmde ke ọtọ udịghi wheat Ornan+ owo Jebus.  Ndien enye ọtọn̄ọ ndibọp ufọk oro ke ọyọhọ ọfiọn̄ iba ke ọyọhọ usen iba, ke ọyọhọ isua inan̄ emi enye akarade.+  Ndien emi edi itiat idakisọn̄ oro Solomon ekesịnde ndida mbọp ufọk ata Abasi, uniọn̄ esie ke akani udomo edi cubit ata, ubom esie onyụn̄ edi cubit edịp.+  Ndien udomo uniọn̄ etehe+ emi okodude ke iso ufọk oro ekedi ukem ye udomo ubom ufọk oro, cubit edịp, ndien idaha esie ekedi cubit ikie ye edịp; ndien enye ada ata gold ofụk esịt esie.  Ndien enye ada eto juniper ebri ke akwa ufọk+ emi, ekem ada eti gold+ ofụk, ndien akap ndise eyop+ onyụn̄ eyịri ndudiọn̄ n̄kpọkọbi+ ke ufọk oro.  Ekem enye ada mme ọsọn̄urua itiat abana ufọk oro man eye;+ gold oro ekedi gold+ emi ẹdade ẹto idụt gold.  Ndien enye ada gold+ ofụk ofụri ufọk oro, ye ndori esie, ye mme asan̄udọk esie ye mme ibibene esie ye mme usụn̄ esie; enye onyụn̄ akap mme cherub ke mme ibibene.+  Ndien enye anam Ata Edisana,+ uniọn̄ esie ukem nte ubom ufọk oro edi cubit edịp, ubom esie onyụn̄ edi cubit edịp;+ enye onyụn̄ ada eti talent gold ikie itiokiet ofụk enye.  Ndien udobi okpukwak+ edi shekel gold aba ye duop; enye onyụn̄ ada gold ofụk ubet enyọn̄ ufọk. 10  Ndien enye anam mbiet cherub+ iba enịm ke Ata Edisana, onyụn̄ ada gold+ ofụk mmọ. 11  Ndien uniọn̄ mba mme cherub+ oro ekedi cubit edịp, mba kiet ọniọn̄ cubit ition esịm ibibene ufọk n̄kan̄ emi, mba eken onyụn̄ ọniọn̄ cubit ition esịm mba cherub enye eken.+ 12  Ndien mba cherub kiet ọniọn̄ cubit ition esịm ibibene ufọk oro, mba enye eken onyụn̄ ọniọn̄ cubit ition esịm mba cherub enye eken.+ 13  Mba mme cherub emi ẹtara cubit edịp; ndien mmọ ẹdada ke ukot mmọ, iso mmọ ẹnyụn̄ ẹse esịtufọk. 14  N̄ko-n̄ko, enye ada blu blu ndidi+ ye idet erọn̄ emi enyenede uduot mmọn̄ibọn̄ ye ididuot ye eti ọfọn̄ anam ikpehe,+ onyụn̄ ọdọk mme cherub ke ikpehe oro.+ 15  Ekem enye anam adaha+ iba, emi ẹniọn̄de cubit edịp ye efịt owụk ke iso ufọk emi, ndien ibuot+ emi ẹwụkde ke enyọn̄ adaha emi kiet kiet edi cubit ition. 16  N̄ko-n̄ko, enye anam n̄kpọkọbi+ emi ẹdọkde nte n̄kpọitọn̄ eyịri ke enyọn̄ mme adaha oro, onyụn̄ anam pomegranate+ ikie eyịri ke n̄kpọkọbi oro. 17  Ekem enye owụk mme adaha oro ke iso temple, kiet ke nnasia kiet ke ufien, enye onyụn̄ okot adaha emi owụhọde ke nnasia Jachin ndien okot enye emi owụhọde ke ufien Boaz.+

Mme Ikọ Idakisọn̄