Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 29;1-36

29  Ndien Hezekiah+ akabade edi edidem ke ini enye edide isua edịp ye ition, enye onyụn̄ akara isua edịp ye usụkkiet ke Jerusalem. Eka esie ekekere Abijah, okonyụn̄ edi eyen Zechariah.+  Ndien enye anam se inende ke enyịn Jehovah,+ nte ekemde ye kpukpru se David ete ete esie akanamde.+  Ke akpa isua emi enye akarade, ke akpa ọfiọn̄, enye eberede mme usụn̄ ufọk Jehovah onyụn̄ ọtọn̄ọ ndidiọn̄ mmọ.+  Ekem enye ada mme oku ye nditọ Levi edibon ke an̄wan̄wa ebiet+ ke n̄kan̄ edem usiahautịn.  Enye onyụn̄ ọdọhọ mmọ ete: “Mbufo nditọ Levi, ẹkpan̄ utọn̄ ẹnọ mi. Ke emi, mbufo ẹnam idem mbufo asana+ ẹnyụn̄ ẹnam ufọk Jehovah Abasi mme ete ete mbufo asana, ẹnyụn̄ ẹsio ndedehe n̄kpọ ẹfep ke edisana ebiet.+  Koro mme ete nnyịn mînamke akpanikọ,+ ẹmenyụn̄ ẹnam se idiọkde ke enyịn Jehovah Abasi+ nnyịn, mmọ ẹmekpọn̄ enye+ ẹmenyụn̄ ẹwọn̄ọde iso mmọ ẹkpọn̄ tent utuakibuot Jehovah+ ẹnyụn̄ ẹkpa edem ẹwụt enye.  Mmọ ẹnyụn̄ ẹberi mme usụn̄+ etehe ẹnyụn̄ ẹnịme mme utuenikan̄,+ inyụn̄ ifọpke+ incense, inyụn̄ ifọpke edifọp uwa ke edisana ebiet inọ Abasi Israel.+  Ndien iyatesịt+ Jehovah odoro Judah ye Jerusalem ke idem, tutu enye anam mmọ ẹdi n̄kpọ nnyekidem+ ye n̄kpọ n̄kpaidem+ ye se inamde mme owo ẹfri inụk,+ kpa nte mbufo ẹdade enyịn mbufo ẹkụt.  Ndien, sese, mme ete ete nnyịn ẹma ẹduọn̄ọ ke akan̄kan̄,+ ẹma ẹnyụn̄ ẹtan̄ nditọiren ye nditọiban ye iban nnyịn ẹka ntan̄mfep ke ntak emi.+ 10  Ndien odu mi ke esịt ndinam ediomi+ ye Jehovah Abasi Israel, man ikan̄-ikan̄ iyatesịt esie ọkpọwọn̄ọde ọkpọn̄ nnyịn. 11  Ke emi, nditọ mi, ẹkûnọ idem mbufo nduọkodudu,+ koro mbufo ke Jehovah emek ete ẹda ke iso imọ ẹsan̄a utom ẹnọ imọ+ ẹnyụn̄ ẹka iso ẹdi mme asan̄autom+ ye mme andinam nsụn̄ikan̄ uwa ọwọrọ ọdọk.”+ 12  Ntem nditọ Levi+ ẹdaha ẹda, Mahath eyen Amasai ye Joel eyen Azariah emi ẹtode ke otu nditọ Kohath;+ ndien ke otu nditọ Merari,+ Kish eyen Abdi ye Azariah eyen Jehallelel; ndien ke otu nditọ Gershon,+ Joah eyen Zimmah ye Eden eyen Joah; 13  ke otu nditọ Elizaphan,+ Shimri ye Jeuel; ndien ke otu nditọ Asaph,+ Zechariah ye Mattaniah; 14  ndien ke otu nditọ Heman,+ Jehiel ye Shimei; ndien ke otu nditọ Jeduthun,+ Shemaiah ye Uzziel. 15  Ekem mmọ ẹnam nditọete mmọ ẹsop idem ọtọkiet ẹnyụn̄ ẹnam idemmọ asana,+ ndien mmọ ẹdi nte edidem okowụkde mmọ ke uyo+ Jehovah, ndinam ufọk Jehovah asana.+ 16  Ndien mme oku ẹdụk ẹdi esịtufọk Jehovah ndinam utom edinam asana ẹnyụn̄ ẹsion̄o kpukpru ndedehe n̄kpọ oro mmọ ẹkụtde ke temple Jehovah ẹwọrọ ẹdi okụre+ ufọk Jehovah. Ekem nditọ Levi ẹbọ mme n̄kpọ emi man ẹda ẹwọrọ ẹka itịghede Kidron+ ke an̄wa. 17  Ntem ke mmọ ẹtọn̄ọ utom edinam asana emi ke akpa usen, ke akpa ọfiọn̄, ndien ke ọyọhọ usen itiaita ke ọfiọn̄ oro mmọ ẹdi etehe+ Jehovah; ntre mmọ ẹnam ufọk Jehovah asana ke usen itiaita, ẹnyụn̄ ẹkụre ke ọyọhọ usen efịtekiet ke akpa+ ọfiọn̄. 18  Edikem mmọ ẹdụk ẹdisobo ye Edidem Hezekiah ẹnyụn̄ ẹdọhọ enye ẹte: “Nnyịn imanam ofụri ufọk Jehovah asana, ọkọrọ ye itieuwa+ emi ẹsiwade edifọp uwa ye kpukpru n̄kpoduoho+ esie, ye okpokoro+ uyo emi ẹtan̄de-tan̄ ẹkọk ye kpukpru n̄kpoduoho+ esie. 19  Ndien nnyịn imetịm kpukpru n̄kpoduoho+ oro Edidem Ahaz+ ke unana edinam akpanikọ+ okosion̄ode man ẹkûda ẹnam utom ke ini ukara esie inyụn̄ inam mmọ ẹsana;+ ndien mmọ mmọdo ke iso itieuwa Jehovah.” 20  Ndien Edidem Hezekiah+ abak edemede+ onyụn̄ obon mbọn̄+ obio ọtọkiet ndien mmọ ẹdọk ẹka ufọk Jehovah. 21  Ndien mmọ ẹsan̄a ye nyara enan̄+ itiaba ye okukịm erọn̄ itiaba ye nyara nditọerọn̄ itiaba ye okpo ebot itiaba nte uwa idiọkn̄kpọ+ kaban̄a itie ubọn̄ ye edisana ebiet ye Judah. Ntre enye ọdọhọ nditọ Aaron kpa mme oku+ ete ẹwa mmọ ke itieuwa Jehovah. 22  Ntem mmọ ẹwot+ enan̄ oro ndien mme oku ẹbọ iyịp+ ẹsịme+ ke itieuwa; ekem mmọ ẹwot mme okukịm+ erọn̄ oro ẹnyụn̄ ẹsịme iyịp+ ke itieuwa, ndien ẹwot nyara nditọerọn̄ oro ẹnyụn̄ ẹsịme iyịp ke itieuwa. 23  Ekem mmọ ẹda mme okpo ebot+ uwa idiọkn̄kpọ oro ẹsan̄a ẹkpere iso edidem ye iso ofụri esop ẹnyụn̄ ẹdori mmọ ubọk.+ 24  Ndien mme oku ẹwot mmọ ẹnyụn̄ ẹda iyịp mmọ ẹwa uwa idiọkn̄kpọ ke itieuwa, man ẹsio isop ẹnọ ofụri Israel;+ koro edidem ọkọdọhọde ẹwa edifọp uwa ye uwa idiọkn̄kpọ ẹban̄a+ ofụri Israel.+ 25  Ke ofụri ini emi, enye anam nditọ Levi+ ẹdada ke ufọk Jehovah, ẹkama usan n̄kukwak,+ ye ndido urụk+ ye harp,+ kpa nte David+ ye Gad+ okụt-n̄kukụt edidem ye prọfet Nathan+ ẹkewụkde, koro Jehovah akadade mme prọfet+ esie ọnọ ewụhọ emi. 26  Ntre nditọ Levi ẹsụk ẹdada ẹkama mme n̄kpọmbre+ David, mme oku ẹnyụn̄ ẹkama mme obukpon̄.+ 27  Ekem Hezekiah ọdọhọ ete ẹwa edifọp uwa ke itieuwa; ndien ke ndondo oro ẹtọn̄ọde ndiwa edifọp uwa, ikwọ+ Jehovah ọtọn̄ọ, ẹnyụn̄ ẹfri mme obukpon̄ ẹsan̄a uyo kiet ye mme n̄kpọmbre David edidem Israel. 28  Ndien ofụri esop ẹtuak+ ibuot ke adan̄aemi ẹkwọde ikwọ+ ẹnyụn̄ ẹfride obukpon̄ ke ọkpọsọn̄ uyo—kpukpru emi aka iso tutu ẹwa ẹdifọp uwa ẹma. 29  Ndien ke ndondo oro mmọ ẹkụrede ndiwa uwa, edidem ye kpukpru mbon emi ẹdude ye enye ẹduọn̄ọ ke isọn̄ ẹtuak ibuot.+ 30  Ndien Edidem Hezekiah ye mbọn̄+ ẹdọhọ nditọ Levi ẹte ẹda ikọ David+ ye eke Asaph+ okụt-n̄kukụt ẹtoro Jehovah. Ntre mmọ ẹtọn̄ọ nditoro enye ye idatesịt,+ mmọ ẹnyụn̄ ẹnụhọ ẹtuak ibuot.+ 31  Ekem Hezekiah ọbọrọ onyụn̄ ọdọhọ ete: “Ke emi, mbufo ẹmesịn+ odudu ke ubọk mbufo ẹyọhọ ndinam utom Jehovah. Mbufo ẹsan̄a ẹkpere, ẹnyụn̄ ẹda mme uwa+ ye mme uwa ekọm+ mbufo ẹdi ke ufọk Jehovah.” Ndien esop ẹtọn̄ọ ndimen mme uwa ye mme uwa ekọm ndi, n̄ko kpukpru owo eke esịt enyịmede, ẹda edifọp uwa+ mmọ ẹdi. 32  Ndien ibat edifọp uwa emi esop ẹkedade ẹdi ekedi enan̄ ata ye duop, okukịm erọn̄ ikie, nyara nditọerọn̄ ikie iba—kpukpru emi ẹkedi edifọp uwa emi ẹfọpde ẹnọ Jehovah;+ 33  ndien edisana uwa ekedi enan̄ ikie itiokiet ye ufene tọsịn ita. 34  Edi mme oku+ ikawakke ikem, ntre mmọ ikekemeke ndiyan̄ade ikpa ke kpukpru edifọp uwa.+ Ntem nditọete+ mmọ nditọ Levi ẹn̄wam mmọ tutu ẹnam utom oro ẹma,+ mme oku ẹnyụn̄ ẹnam idemmọ asana,+ koro nditọ Levi ẹkenen̄erede+ ẹsịn esịt ke ndinam idemmọ asana ẹkan mme oku. 35  N̄ko, edifọp uwa+ ẹma ẹwak ata etieti ẹnyụn̄ ẹyọhọ ye ikpọn̄+ uwa ebuana+ ye edin̄wọn̄+ uwa eke edifọp uwa. Ntem ke ẹketịm utom ufọk Jehovah.+ 36  Ndien Hezekiah ye kpukpru owo ẹdat esịt koro ata Abasi eketịmde n̄kpọ ọnọ mme owo,+ koro n̄kpọ emi eketịbede ke mbuari.+

Mme Ikọ Idakisọn̄