Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 27;1-9

27   Jotham+ ekedi isua edịp ye ition ke ini enye ọtọn̄ọde ndikara, enye onyụn̄ akara isua efịtekiet ke Jerusalem. Eka esie ekekere Jerushah,+ okonyụn̄ edi eyen Zadok.  Ndien enye anam se inende ke enyịn Jehovah,+ nte ekemde ye kpukpru se Uzziah ete esie akanamde.+ Edi enye ikodụkke temple Jehovah+ nte mîdotke. Edi mme owo ẹkesụk ẹnanam se idade nsobo idi.+  Enye ọkọbọp enyọn̄ enyọn̄ inuaotop+ ufọk Jehovah, onyụn̄ ọbọp n̄kpọ etieti ke ibibene Ophel.+  Enye okonyụn̄ ọbọp mme obio+ ke obot obot ikpehe Judah,+ onyụn̄ ọbọp mme ebiet ukpeme+ ye mme tọwa+ ke mme akai.+  Ndien edi enye akan̄wana ekọn̄ ye edidem nditọ Ammon,+ ekem enye okop odudu akan mmọ, tutu nditọ Ammon ẹnọ enye talent silver ikie ye cor+ wheat+ tọsịn kiet ye eke barley+ tọsịn duop ke isua oro. Se nditọ Ammon ẹkekpede enye edi emi, ẹnyụn̄ ẹkpe emi n̄ko ke ọyọhọ isua iba ye ọyọhọ isua ita.+  Ntre Jotham okop odudu koro enye eketịmde usụn̄ esie ke iso Jehovah Abasi+ esie.  Amaedi mme n̄kpọ efen emi ẹban̄ade Jotham+ ye kpukpru ekọn̄ esie ye usụn̄ esie, sese, ẹwet mmọ ẹsịn ke N̄wed+ Ndidem Israel ye eke Judah.  Enye ekedi isua edịp ye ition ke ini ọtọn̄ọde ndikara, okonyụn̄ akara isua efịtekiet ke Jerusalem.+  Ekem Jotham osụhọde ana ye mme ete ete+ esie, ndien ẹbụk enye ke Obio David.+ Ndien Ahaz+ eyen esie akara ke itie esie.

Mme Ikọ Idakisọn̄