Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 26;1-23

26  Ekem kpukpru mbon+ Judah ẹmen Uzziah,+ ke ini enye edide isua efịtekiet, ẹnịm+ ke edidem ke itie Amaziah+ ete esie.  Ndien edi enye akafiak ọbọp Eloth+ ekem afiak ayak enye ọnọ Judah ke edidem ama okosụhọde ana ye mme ete ete esie.+  Uzziah+ ekedi isua efịtekiet ke ini enye ọtọn̄ọde ndikara, enye onyụn̄ akara ke Jerusalem isua aba ye duopeba. Eka esie ekekere Jecoliah,+ okonyụn̄ oto Jerusalem.  Ndien enye anam se inende ke enyịn Jehovah,+ nte ekemde ye kpukpru se Amaziah ete esie akanamde.+  Enye onyụn̄ aka iso odomo ndiyom+ Abasi ke eyo Zechariah, kpa anditeme nte ẹbakde ata Abasi;+ ndien ke mme usen emi enye okoyomde Jehovah, ata Abasi anam enye oforo.+  Ndien enye ọwọrọ aka akan̄wana ye mbon Philistia+ onyụn̄ owụri ibibene Gath+ ye ibibene Jabneh+ ye ibibene Ashdod,+ ekem enye ọbọp mme obio ke ikpehe Ashdod+ ye ke otu mbon Philistia.  Ndien ata Abasi an̄wam+ enye man an̄wana ye mbon Philistia ye mbon Arabia+ emi ẹkedụn̄de ke Gurbaal ye ke Meunim.+  Ndien mbon Ammon+ ẹtọn̄ọ ndikpe utomo+ nnọ Uzziah. Ekem etop+ esie ọwọrọ ekesịm Egypt, koro enye owụtde odudu esie ke ata akamba udomo.  Ekem Uzziah ọbọp mme tọwa+ ke Jerusalem ke Inuaotop Inụk+ ye ke Inuaotop Itịghede+ ye ke Adaha Ibibene, ndien anam mmọ ẹsọn̄ idem. 10  N̄ko-n̄ko, enye ọbọp mme tọwa+ ke wilderness, onyụn̄ etịbi ediwak obube udọn̄ mmọn̄ (koro enye ekenyenede ata ediwak ufene), onyụn̄ anam emi n̄ko ke Shephelah+ ye ke unaisọn̄. Mme ọtọin̄wan̄ ye mme ọdiọn̄ vine ẹma ẹdu ke mme obot ye ke Carmel, koro enye akamade utọ in̄wan̄. 11  Ndien Uzziah ama enyene udịm emi ẹkesin̄wanade ekọn̄, mbon oro ẹkesiwọrọde ke udịm ke udịm ẹka ekọn̄,+ kpa ibat mbon oro ẹkesịnde enyịn̄ ke n̄wed+ ke ubọk Jeiel ewetn̄wed+ ye Maaseiah akwa owo emi akanamde utom ke idak+ Hananiah ke otu mbọn̄+ edidem. 12  Ofụri ibat mme etubom ke mme ufọk mme ete ekpụk,+ ke otu n̄kpọsọn̄+ iren uko,+ ẹkedi owo tọsịn iba ikie itiokiet. 13  Ndien mbonekọn̄ emi ẹkedude ke idak mmọ ẹkedi owo tọsịn ikie ita ye itiaba ikie ition emi ẹdade odudu ekọn̄ ẹn̄wam edidem ndin̄wana ye mme asua esie.+ 14  Ndien Uzziah etịm otuekọn̄+ ye mme eduat+ ye mme ndụn+ ye kod ukwak+ ye mme utịgha+ ye itiat-utop+ ọnọ mmọ, kpa ofụri mbonekọn̄. 15  N̄ko-n̄ko, enye anam mme masịn ekọn̄ ke Jerusalem emi mme enyene-usọ ke utom ukwak ẹketịbide ẹdi, man ẹdori mmọ ke mme tọwa+ ye ke mme inụk ẹda ẹtop+ idan̄ ye ikpọ itiat. Mmọdo etop esie ọwọrọ ekesịm ata anyan ebiet, koro ẹken̄wamde enye ke utịbe utịbe usụn̄ tutu enye okop odudu. 16  Edi ke ndondo oro enye okopde odudu, esịt esie eseri iseri+ tutu ada enye esịm nsobo,+ ntre enye inamke akpanikọ inọ Jehovah Abasi esie, onyụn̄ ebe odụk temple Jehovah ndifọp incense ke itieuwa ufọp incense.+ 17  Inikiet inikiet Azariah oku ye mme oku Jehovah emi ẹdude ye enye, kpa mbon uko anan̄, ẹdụk ẹbịne enye. 18  Ntem mmọ ẹdaha ẹda ẹbiọn̄ọ Uzziah edidem+ ẹnyụn̄ ẹdọhọ enye ẹte: “O Uzziah, idịghe utom+ fo ndifọp incense nnọ Jehovah, edi edi utom mme oku kpa nditọ Aaron,+ emi ẹnamde ẹsana, ndifọp incense. Wọrọ ke edisana ebiet emi; sia afo mûnamke akpanikọ, Jehovah Abasi idiyakke fi ọbọ itoro.”+ 19  Ndien Uzziah ofụt esịt+ ke adan̄aemi n̄kpọ+ ufọp incense odude enye ke ubọk, ndien ke ini oro enye osụk ofụtde esịt ye mme oku, akpamfia+ ọtọ+ enye ke ọkpọiso ke iso mme oku ke ufọk Jehovah ke mben itieuwa ufọp incense. 20  Ke ini Azariah ọbọn̄ oku ye kpukpru mme oku ẹwọn̄ọrede ẹse enye, sese, akpamfia ama ọtọ enye ke ọkpọiso!+ Ntre mmọ ẹsọsọp ẹnụk enye ẹsio do, enye n̄ko ọsọsọp ọwọrọ, koro Jehovah ọkọtọde enye.+ 21  Ndien Uzziah+ edidem edi owo akpamfia tutu esịm usen n̄kpa esie, ndien enye odụn̄ ke ufọk nte owo akpamfia,+ inyụn̄ inamke utom aba; koro ẹma ẹbịn enye ẹsio ke ufọk Jehovah, ke adan̄aemi Jotham, eyen esie esede aban̄a ufọk edidem, onyụn̄ ekpede ikpe mbio obio. 22  Ndien amaedi mme n̄kpọ efen emi ẹban̄ade Uzziah,+ akpa ye akpatre, prọfet Isaiah+ eyen Amoz+ ama ewet mmọ enịm. 23  Ekem Uzziah osụhọde ana ye mme ete ete esie; ndien mmọ ẹbụk enye ye mme ete ete esie, edi ẹkebụk enye ke in̄wan̄ ubụkowo emi enyenede ndidem,+ koro mmọ ẹdọhọde ẹte: “Enye edi owo akpamfia.” Ndien Jotham+ eyen esie akara ke itie esie.

Mme Ikọ Idakisọn̄