Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Chronicle 25;1-28

25  Amaziah+ ekedi isua edịp ye ition ke ini enye akabarede edi edidem, enye onyụn̄ akara ke Jerusalem ke isua edịp ye usụkkiet. Eka esie ekekere Jehoaddan,+ okonyụn̄ oto Jerusalem.  Ndien enye aka iso anam se inende ke enyịn Jehovah,+ n̄kukụre edi ke enye ikanamke ke ofụri+ esịt.  Edikem ke ndondo oro obio ubọn̄ ọsọn̄ọde esịne enye ke ubọk, enye ọsọsọp owot+ mme asan̄autom+ emi ẹkewotde ete esie edidem.+  Edi enye ikowotke nditọ mmọ, edi akanam nte ekemde ye se ẹwetde ke ibet, ke n̄wed Moses,+ oro Jehovah okowụkde ete: “Mme ete inyeneke ndikpa ke ntak nditọ,+ nditọ inyụn̄ inyeneke ndikpa ke ntak mme ete;+ edi owo kiet kiet edikpa ke ntak idiọkn̄kpọ esie.”+  Ndien Amaziah obon Judah ọtọkiet onyụn̄ anam mmọ ẹdada nte ufọk mme ete ete+ mmọ edide, etubom mme tọsịn+ ye etubom mme ikie+ ke ibuot kpukpru mbon Judah ye Benjamin; ndien enye esịn enyịn̄ mmọ ke n̄wed ọtọn̄ọde ke owo isua edịp+ ka iso, ndien enye okụt ke mmọ ẹwak ẹsịm ndimek owo tọsịn ikie ita emi ẹwọrọde ẹka ekọn̄, emi ẹkamade eduat+ ye akwa otuekọn̄.+  N̄ko-n̄ko, enye ada n̄kpọsọn̄ iren uko tọsịn ikie ke Israel ke ukpe okụk onyụn̄ ekpe mmọ talent silver ikie.  Ndien owo ata Abasi+ kiet edi edidọhọ enye ete: “O edidem, kûyak udịmekọn̄ Israel ẹsan̄a ye afo ẹka, koro Jehovah mîdụhe ye Israel,+ oro edi, kpukpru nditọ Ephraim.  Edi ka ke idemfo, kanam n̄kpọ, nyụn̄ nyene uko ke ekọn̄+ emi. Ata Abasi ekeme ndinam fi atuak ukot ọduọ ke iso mme asua fo; koro Abasi enyenede odudu ndin̄wam+ ndinyụn̄ nnam ẹtuak ukot ẹduọ.”+  Ntem Amaziah+ ọdọhọ owo ata Abasi oro ete: “Ndinam didie ye talent ikie oro n̄kọnọde udịmekọn̄ Israel?”+ Ndien owo ata Abasi oro ọbọrọ ete: “Jehovah enyene ukeme ndinọ fi se iwakde ikan emi.”+ 10  Ntem Amaziah adian̄ade mmọ, oro edi, udịmekọn̄ oro ẹketode Ephraim ẹdi ẹbịne enye, ete ẹnyọn̄ọ obio mmọ. Ndien mmọ ẹyat esịt etieti ye Judah, ẹnyụn̄ ẹfiak ẹnyọn̄ọ obio mmọ ye ọkpọsọn̄ iyatesịt.+ 11  Ndien Amaziah enyene uko onyụn̄ ada ikọt esie aka Itịghede Inụn̄;+ ndien enye owot nditọ Seir,+ owo tọsịn duop.+ 12  Ndien nditọ Judah ẹmụm owo tọsịn duop ye uwem. Ntre mmọ ẹda mmọ ẹka enyọn̄ akwa itiat, ẹkeda ke enyọn̄ akwa itiat oro ẹsion̄o mmọ ẹtop; ndien mmọ kiet kiet ẹduọ ẹnuaha.+ 13  Ndien udịmekọn̄ oro Amaziah ọkọnọde ẹfiak ẹnyọn̄ọ ete ẹkûsan̄a ye imọ ẹka ekọn̄,+ ẹtọn̄ọ ndibụme mme obio Judah, ọtọn̄ọde ke Samaria+ tutu esịm Beth-horon,+ ẹnyụn̄ ẹwot owo tọsịn ita ke otu mmọ ndien ẹtan̄ ata ediwak n̄kpọ mbụme. 14  Edikem ke ini Amaziah otode ndiwot mbon Edom ọnyọn̄ edi enye atan̄ mme abasi+ nditọ Seir edibon ọnọ idemesie nte mme abasi,+ ndien enye onụhọ ọnọ mmọ,+ enye onyụn̄ ọtọn̄ọ ndinam nsụn̄ikan̄ uwa+ ọwọrọ ọdọk ọnọ mmọ. 15  Mmọdo ikan̄-ikan̄ iyatesịt Jehovah odoro Amaziah, ntre enye ọdọn̄ prọfet aka ebịne enye ọkọdọhọ enye ete: “Ntak emi afo oyomde+ mme abasi+ mbio emi, kpa mme abasi emi mîkekemeke ndinyan̄a ikọt esie nsio fi ke ubọk?”+ 16  Ndien ke ini enye etịn̄de n̄kpọ emi ọnọ edidem, edidem ọsọsọp ọbọrọ enye ete: “Ndi nnyịn ikenịm fi ke ọnọitem edidem?+ Tre do ke ufọn fo.+ Ntak emi ẹkpewotde fi?” Ntem prọfet oro etre, edi ọdọhọ ete: “Mmetịm mfiọk ke Abasi ebiere ndisobo+ fi mfep, koro afo anamde n̄kpọ emi+ mûnyụn̄ ukopke item mi.”+ 17  Ekem Amaziah edidem Judah odụk ediomi onyụn̄ ọdọn̄ utom ọnọ Jehoash eyen Jehoahaz eyen Jehu edidem Israel,+ ete: “Di, nnyịn isobo iso ye iso.”+ 18  Ntem Jehoash edidem Israel ọdọn̄ ẹkedọhọ Amaziah edidem Judah, ẹte:+ “Mbiet n̄kukịm emi odude ke Lebanon ọkọdọn̄ ẹkedọhọ cedar emi odude ke Lebanon+ ẹte, ‘Men eyen fo an̄wan nọ eyen mi ọdọ.’+ Edi unam+ ikọt emi odude ke ikọt Lebanon edisan̄a ebe edịghi mbiet n̄kukịm oro. 19  Afo ekere ke esịt fo ete, Sese mmosobo Edom.+ Ndien esịt+ fo anam fi atan̄ idem man ẹnọ fi ubọn̄.+ Dụn̄ ke ufọk+ fo. Ntak emi afo ekpetịbede en̄wan ke ini odude ke idiọk idaha,+ ndien ọduọ, afo ye Judah?”+ 20  Edi Amaziah ikopke; koro n̄kpọ emi okoto ata Abasi+ man ayak mmọ esịn enye ke ubọk, koro mmọ ẹkeyomde mme abasi Edom.+ 21  Ntre Jehoash edidem Israel ọdọk aka,+ ndien mmọ ẹkesobo iso ye iso,+ enye ye Amaziah edidem Judah, ke Beth-shemesh+ emi enyenede mbon Judah. 22  Ndien Israel+ ẹkan Judah, ntre mmọ kiet kiet ẹfen̄e ẹnyọn̄ọ mme tent+ mmọ. 23  Ndien Jehoash edidem Israel omụm+ Amaziah edidem Judah, eyen Jehoash eyen Jehoahaz ke Beth-shemesh, ekem enye ada enye edi Jerusalem+ onyụn̄ etịbi ndudu ke ibibene Jerusalem cubit ikie inan̄, ọtọn̄ọde ke Inuaotop Ephraim+ tutu esịm Inuaotop Inụk.+ 24  Ndien enye atan̄ kpukpru gold ye silver ye kpukpru n̄kpoduoho emi ẹdude ke ufọk ata Abasi ye Obed-edom+ ye mme n̄kpọuto ufọk edidem+ ye mbon oro ẹmụmde ke ukat, ndien ekem afiak ọnyọn̄ Samaria.+ 25  Ndien Amaziah+ eyen Jehoash edidem Judah odu uwem isua efịt+ ke Jehoash+ eyen Jehoahaz edidem Israel ama akakpa. 26  Amaedi mme n̄kpọ efen emi ẹban̄ade Amaziah, akpa ye akpatre,+ sese! nte owo iwetke mmọ isịn ke N̄wed+ Ndidem Judah ye Israel?+ 27  Ndien ọtọn̄ọde ke ini emi Amaziah ọwọn̄ọrede etre nditiene Jehovah, mmọ ẹdụk odu+ ẹban̄a enye ke Jerusalem. Ekem enye efehe aka Lachish;+ edi mmọ ẹdọn̄ ẹbịne enye ke Lachish ẹkewot enye do.+ 28  Ntre mmọ ẹda mme enan̄-mbakara+ ẹmen enye ẹkebụk ye mme ete ete esie ke obio Judah.+

Mme Ikọ Idakisọn̄