Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 24;1-27

24  Jehoash ekedi isua itiaba ke ini enye ọtọn̄ọde ndikara,+ ndien enye akara ke Jerusalem isua aba.+ Eka esie ekekere Zibiah, okonyụn̄ oto Beer-sheba.+  Ndien Jehoash+ anam se inende ke enyịn Jehovah+ ke ofụri eyouwem Jehoiada oku.+  Ndien Jehoiada aka ọkọdọ iban iba ọnọ enye, enye onyụn̄ obon nditọiren ye nditọiban.+  Edikem ke oro ebede, odụk Jehoash esịt ndidiọn̄ ufọk Jehovah.+  Ntem enye obon mme oku+ ye nditọ Levi ọtọkiet onyụn̄ ọdọhọ mmọ ete: “Ẹwọrọ ẹka mme obio Judah ẹkebọ okụk ke ofụri Israel man ẹda ẹdiọn̄+ ufọk Abasi mbufo ke isua ke isua;+ ndien mbufo ẹwara ẹnam n̄kpọ emi.” Edi nditọ Levi ikawarake inam.+  Ntre edidem okot Jehoiada emi edide etubom onyụn̄ ọdọhọ enye ete:+ “Ntak emi afo mûdọhọke nditọ Levi ẹbọ Judah ye Jerusalem edisana tax emi Moses+ asan̄autom Jehovah okowụkde, idem ye eke esop Israel, kaban̄a tent Ntiense?+  Amaedi Athaliah idiọk an̄wan oro, nditọ esie+ ẹma ẹbụn̄ ẹdụk ufọk ata Abasi,+ ẹnyụn̄ ẹtan̄ kpukpru ndisana+ n̄kpọ ufọk Jehovah ẹsọk Baal.”+  Ekem edidem ọnọ uyo, ndien mmọ ẹnam ekebe+ ẹmen ẹkenịm ke an̄wa ke inuaotop ufọk Jehovah.  Ekem mmọ ẹnọ uyo ke ofụri Judah ye Jerusalem ẹte ẹda edisana tax+ oro Moses+ asan̄autom ata Abasi okowụkde Israel ke wilderness, ẹsọk Jehovah. 10  Ndien kpukpru mbọn̄+ ye kpukpru mbio obio ẹdat esịt,+ mmọ ẹnyụn̄ ẹda enọ ẹdisịn ke ekebe+ oro tutu kpukpru owo ẹnọ ẹma. 11  Ndien ke edikem ini enye anam nditọ Levi+ ẹmen ekebe emi ẹsọk edidem akama, ndien ke ndondo oro mmọ ẹkụtde ke okụk+ awak, ewetn̄wed+ edidem ye andin̄wam ọbọn̄ oku ẹdi ẹdin̄wan̄a ekebe oro ẹnyụn̄ ẹmen enye ẹfiak ẹkenịm ke itie esie. Ntem ke mmọ ẹkenam ke usen ke usen tutu mmọ ẹnyene ediwak okụk. 12  Ekem edidem ye Jehoiada ẹmen enye ẹnọ mme anamutom+ ufọk Jehovah,+ ndien mmọ ẹkpe mme asiak-itiat+ ye mme anamutom usọ+ ẹte ẹdiọn̄ ufọk Jehovah,+ ẹnyụn̄ ẹkpe n̄ko mme anamutom ukwak ye okpoho ẹte ẹdiọn̄ ufọk Jehovah.+ 13  Ndien mme anamutom ẹtọn̄ọ ndinam utom,+ mmọ ẹnyụn̄ ẹnam utom edidiọn̄ ufọk oro aka iso, ke akpatre mmọ ẹnam ufọk ata Abasi ọwọrọ ada nte akpanade edi ẹnyụn̄ ẹnam enye ọsọn̄ idem. 14  Ndien ke ndondo oro mmọ ẹkụrede, mmọ ẹda nyọhọ-nsụhọ okụk ẹka iso edidem ye Jehoiada, mmọ ẹnyụn̄ ẹnam mme n̄kpoduoho ufọk Jehovah, mme n̄kpoduoho ndida nnam utom+ ndinyụn̄ nda n̄wa uwa ye mme cup+ ye mme n̄kpoduoho gold+ ye silver; ndien mmọ ẹwa mme edifọp uwa+ ke ufọk Jehovah kpukpru ini ke ofụri eyouwem Jehoiada. 15  Ndien Jehoiada ọsọn̄ onyụn̄ oyụhọ isua,+ ekem enye akpa, enye ekedi isua ikie ye edịp ye duop ke ini enye akpade. 16  Ntre mmọ ẹbụk enye ye ndidem ke Obio David,+ koro enye akanamde eti n̄kpọ ke Israel,+ okonyụn̄ anamde eti n̄kpọ ọnọ Abasi ye ufọk Esie. 17  Ndien ke Jehoiada ama akakpa mbọn̄+ Judah ẹdụk ẹdinụhọ ẹnọ edidem. Adan̄aoro ke edidem akakpan̄ utọn̄ ọnọ mmọ.+ 18  Ndien mmọ ẹkpọn̄ ufọk Jehovah Abasi mme ete ete mmọ ẹnyụn̄ ẹtọn̄ọ ndinam n̄kpọ nnọ mme eto utuakibuot+ ye mme mbiet,+ ndien iyatesịt odoro Judah ye Jerusalem ke idem ke ntak idiọkn̄kpọ mmọ.+ 19  Ndien enye ọdọn̄ mme prọfet+ ke otu mmọ man ẹda mmọ ẹfiak ẹsọk Jehovah; ndien mmọ ẹsua ẹnọ mmọ edi mmọ ikpan̄ke utọn̄.+ 20  Ndien spirit+ Abasi odoro+ Zechariah+ eyen Jehoiada+ oku, enye onyụn̄ adaha ada ke edikon̄ itie ke otu mme owo onyụn̄ ọdọhọ mmọ ete: “Ntem ke ata Abasi ọdọhọ ete, ‘Nso idi ntak emi mbufo mînịmke mme ewụhọ Jehovah, man mbufo ẹkpekụt unen?+ Sia mbufo ẹkpọn̄de Jehovah, enye n̄ko ọyọkpọn̄ mbufo.’”+ 21  Ekem mmọ ẹdụk odu ẹban̄a enye+ ẹnyụn̄ ẹtọn̄ọ enye ke itiat ẹwot+ ke uyo edidem ke okụre ufọk Jehovah. 22  Edidem Jehoash inyụn̄ itịghi ima-mfọnido oro Jehoiada ete esie okowụtde enye,+ ntre enye owot eyen esie, emi ke ini oyomde ndikpa ọkọdọhọde ete: “Yak Jehovah okụt onyụn̄ osio usiene.”+ 23  Edikem ke isua akabarede,+ udịmekọn̄ Syria+ ẹdọk ẹdi ekọn̄ ye enye,+ mmọ ẹnyụn̄ ẹdụk Judah ye Jerusalem. Ekem mmọ ẹsobo kpukpru mbọn̄+ ke otu mbio obio, ẹnyụn̄ ẹnọ kpukpru n̄kpọ mbụme mmọ ẹsọk edidem Damascus.+ 24  Koro ekedi esisịt ibat owo ke udịmekọn̄ mbon Syria ẹkeda ẹdụk,+ ndien Jehovah ayak udịmekọn̄ emi esịnede ata ediwak+ owo esịn mmọ ke ubọk, koro mmọ ẹkekpọn̄de Jehovah Abasi mme ete ete mmọ; ndien mmọ ẹbiom Jehoash ikpe.+ 25  Ndien ke ini mmọ ẹdahade ẹkpọn̄ enye (koro mmọ ẹkedahade ẹkpọn̄ enye ye ediwak udọn̄ọ),+ mme asan̄autom esie ẹdụk odu+ ẹban̄a enye ke ntak iyịp+ nditọ Jehoiada+ oku; ndien mmọ ẹka ẹkewot enye ke n̄kpana esie.+ Ekem mmọ ẹbụk enye ke Obio David,+ edi ibụkke enye ke itie emi ẹsibụkde ndidem.+ 26  Mbon oro ẹkedụkde odu ẹban̄a enye ẹdi emi: Zabad+ eyen Shimeath, n̄wan emi okotode Ammon ye Jehozabad eyen Shimrith, n̄wan emi okotode Moab. 27  Amaedi nditọ esie ye akpakịp etop ubiomikpe oro ẹkenọde enye+ ye nte enye ọkọdiọn̄de itiat idakisọn̄+ ufọk ata Abasi, sese ẹwet mmọ ẹsịn ke N̄wed+ mbụk Ndidem. Ndien Amaziah+ eyen esie akara ke itie esie.

Mme Ikọ Idakisọn̄