Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 23;1-21

23  Ndien ke ọyọhọ isua itiaba Jehoiada+ enyene uko onyụn̄ odiomi ediomi ye mme etubom mme ikie,+ oro edi, Azariah eyen Jeroham, ye Ishmael eyen Jehohanan ye Azariah eyen Obed ye Maaseiah eyen Adaiah ye Elishaphat eyen Zichri.  Ekem mmọ ẹsan̄a ẹkanade ofụri Judah ẹtan̄ nditọ Levi+ ke kpukpru mme obio Judah ye mme etubom+ mme ete+ ufọk Israel ẹbon ọtọkiet. Ntre mmọ ẹdi ke Jerusalem.  Ndien ofụri esop ẹnam ediomi+ ye edidem ke ufọk+ ata Abasi, ekem enye ọdọhọ mmọ ete: “Sese! Eyen+ edidem ayakara+ kpa nte Jehovah ọkọn̄wọn̄ọde aban̄a nditọ David.+  Se mbufo ẹdinamde edi emi: mbahade kiet ke itie ita ke otu mbufo emi ẹdụkde ẹdi ke sabbath,+ ke otu mme oku+ ye ke otu nditọ Levi,+ ẹyedi mme ekpeme-usụn̄;+  ndien mbahade kiet ke itie ita oyodu ke ufọk edidem;+ mbahade kiet ke itie ita oyonyụn̄ odu ke Inuaotop Itiat Idakisọn̄;+ kpukpru mbio obio ẹdinyụn̄ ẹdu ke okụre+ ufọk Jehovah.  Ndien ẹkûyak baba owo kiet odụk ufọk Jehovah+ ke mîbọhọke mme oku ye nditọ Levi emi ẹsan̄ade utom.+ Mmọ emi ẹdidụk, koro mmọ ẹdide edisana otu,+ ndien kpukpru mbio obio ẹyenam utom mmọ ẹnọ Jehovah.  Ndien nditọ Levi ẹnyene ndikanade edidem n̄kụk,+ mmọ kiet kiet ye n̄kpọekọn̄ mmọ ke ubọk; ndien ẹnyene ndiwot owo ekededi eke odụkde edi ufọk emi. Mbufo ẹnyụn̄ ẹdu ye edidem ke ini enye odụkde ye ke ini enye ọwọrọde.”  Ndien nditọ Levi ye ofụri Judah ẹnam kpukpru se Jehoiada+ oku okowụkde mmọ.+ Ntre mmọ kiet kiet ẹda ikọt mmọ emi ẹdụkde ẹdi ke sabbath+ ọkọrọ ye mmọ emi ẹwọrọde ke sabbath, koro Jehoiada oku mîkọdọhọke mme mbahade otu+ emi ẹtre utom.  N̄ko-n̄ko, Jehoiada oku emen mme eduat ye mme otuekọn̄ ye mme ekara otuekọn̄+ Edidem David,+ emi ẹkedude ke ufọk ata Abasi,+ ọnọ mme etubom mme ikie.+ 10  Ndien enye obon kpukpru mbio obio,+ owo kiet kiet akama n̄kpọekọn̄ esie ke ubọk, ọtọn̄ọde ke n̄kan̄ nnasia ufọk oro tutu esịm n̄kan̄ ufien ufọk oro, ekpere itieuwa ẹnyụn̄ ẹkpere ufọk oro, ẹda ẹkpere ẹkanade edidem. 11  Ekem mmọ ẹsio eyen edidem ẹdi+ ẹnyụn̄ ẹdiyara enye anyanya+ ẹnyụn̄ ẹkọn̄ọ enye Ntiense+ ndien ẹnam enye edidem, ntre Jehoiada ye nditọ esie ẹyet enye aran+ ẹnyụn̄ ẹdọhọ ẹte: “Yak itọn̄ uwem ọsọn̄ edidem!”+ 12  Ke ini Athaliah okopde uyom mbon emi ẹfen̄ede ẹnyụn̄ ẹtorode edidem,+ enye ọsọsọp edi ebịne mmọ ke ufọk Jehovah. 13  Ndien enye okụt, ndien sese edidem adade do ekpere adaha+ esie ke usụn̄ emi ẹsitode ẹdụk, onyụn̄ okụt mbọn̄+ ye mme efri obukpon̄+ nte ẹdade ẹkpere edidem, ndien kpukpru mbio obio ke ẹdat esịt+ ke ẹnyụn̄ ẹfri+ obukpon̄, ọkọrọ ye mme ọkwọikwọ+ emi ẹkamade n̄kpọ ubre ikwọ ye mbon emi ẹtemede nte ẹkwọde itoro. Inikiet inikiet Athaliah awak ọfọn̄idem esie onyụn̄ ofiori ete: “Odu! Odu!”+ 14  Edi Jehoiada oku ada mme etubom mme ikie ọwọrọ, kpa mbon emi ẹmekde ke udịmekọn̄, onyụn̄ ọdọhọ mmọ ete: “Ẹmụm enye ẹsio ke udịm;+ ndien owo ekededi eke editienede enye, yak ẹwot owo oro ke akan̄kan̄!” Koro oku ọkọdọhọde ete: “Mbufo ẹkûwot enye ke ufọk Jehovah.” 15  Ntre mmọ ẹmụm enye ẹdaha. Ke ini enye edide edisịm usụn̄ emi mme enan̄-mbakara ẹsisan̄ade ẹdụk ufọk edidem, mmọ ẹwot enye do.+ 16  Ekem Jehoiada anam ediomi ke ufọt idemesie ye kpukpru mbio obio ye edidem ete ke mmimọ iyaka iso idi ikọt+ Jehovah. 17  Ke oro ama ekebe, kpukpru mbio obio ẹdi ufọk Baal ẹdiwụri enye;+ ndien mmọ ẹbom mme itieuwa+ esie ye mme mbiet esie,+ ẹnyụn̄ ẹwot+ Mattan+ oku Baal ke iso mme itieuwa oro. 18  N̄ko-n̄ko, Jehoiada ayak mme itieutom ufọk Jehovah esịn ke ubọk mme oku ye nditọ Levi, emi David+ akabaharede ọdọn̄ ke mme otu man ẹse ẹban̄a ufọk Jehovah ẹnyụn̄ ẹwa edifọp uwa ẹnọ Jehovah nte ekemde ye se ẹwetde ke ibet Moses,+ mmọ ẹnam emi ke idatesịt ye ikwọ, kpa nte David eketemede. 19  Mmọdo enye obon mme ekpeme-inuaotop+ ke inuaotop+ ufọk Jehovah man owo ekededi emi edehede okûdụk ke esịt. 20  Ndien enye emen mme etubom mme ikie+ ye mbọn̄ ye mme andikara mbio obio ye kpukpru mbio obio onyụn̄ ada edidem ke ufọk Jehovah+ osụhọde. Ekem mmọ ẹsan̄a enyọn̄ enyọn̄ inuaotop ufọk edidem ẹdụk enyụn̄ ẹnam edidem etie ke ebekpo+ ubọn̄. 21  Ndien kpukpru mbio obio ẹka iso ẹdara;+ obio onyụn̄ ana sụn̄, mmọ ẹma ẹnyụn̄ ẹwot Athaliah ke akan̄kan̄.+

Mme Ikọ Idakisọn̄