Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 22;1-12

22  Ekem mme andidụn̄ Jerusalem ẹnam Ahaziah+ ekperedem eyen esie edidem ke itie esie, (koro otu mbon n̄wo oro ẹkesan̄ade ye mbon Arab+ ẹdi itienna ẹkewotde kpukpru ikpọ+ nditọ esie,) ndien Ahaziah eyen Jehoram ọtọn̄ọ ndikara nte edidem Judah.  Ahaziah ekedi isua edịp ye iba ke ini enye ọtọn̄ọde ndikara,+ enye onyụn̄ akara isua kiet ke Jerusalem. Ndien eka esie ekekere Athaliah,+ okonyụn̄ edi eyeyen Omri.+  Enye n̄ko akasan̄a ke usụn̄ mbonufọk Ahab,+ koro eka+ esie ekedide andinọ enye item ndinam idiọk.  Ndien enye anam se idiọkde ke enyịn Jehovah kpa nte mbonufọk Ahab, koro ke ete esie ama akakpa, mmọ ẹkedi mme andinọ enye item+ emi akadade nsobo ọsọk enye.  Enye n̄ko akasan̄a ke item mmọ,+ ntre enye asan̄a ye Jehoram+ eyen Ahab kpa edidem Israel, aka ekọn̄ ye Hazael+ edidem Syria ke Ramoth-gilead,+ ndien mbon utịgha ẹtịgha Jehoram.+  Ndien enye afiak ọnyọn̄ Jezreel+ man ẹkekọk unan oro mmọ ẹkenọde enye ke Ramah+ ke ini enye akan̄wanade ye Hazael edidem Syria. Ndien Azariah+ eyen Jehoram+ edidem Judah osụhọde aka ndise Jehoram+ eyen Ahab ke Jezreel, koro enye ọkọdọn̄ọde.+  Edi iduọ+ Ahaziah okoto+ Abasi ke enye ndika mbịne Jehoram; ndien ke ini enye akade ekesịm, enye asan̄a ye Jehoram ọwọrọ+ okosobo ye Jehu+ eyeyen Nimshi+ emi Jehovah ekeyetde aran+ enịm ete esịbe mbonufọk Ahab+ efep.  Edikem ke ndondo oro Jehu akade ndinọ mbonufọk Ahab+ ufen, enye okụt mbọn̄ ye nditọ nditọete Ahaziah,+ emi ẹsan̄ade utom ẹnọ Ahaziah, ndien enye owot mmọ.+  Ndien enye asan̄a oyom Ahaziah, ekem mmọ ẹmụm enye+ ke Samaria+ nte edịbede, ẹnyụn̄ ẹda enye ẹsọk Jehu. Ndien mmọ ẹwot enye ẹnyụn̄ ẹbụk enye,+ koro mmọ ẹkedọhọde ẹte: “Enye edi eyeyen Jehoshaphat,+ emi okoyomde Jehovah ke ofụri esịt esie.”+ Ndien owo idụhe aba ke ufọk Ahaziah ndikama ukara ke obio ubọn̄ oro. 10  Ndien Athaliah+ eka Ahaziah okụt ke eyen imọ akpa. Ntre enye adaha ada osobo kpukpru nditọ edidem ke ufọk Judah.+ 11  Edi Jehoshabeath+ eyen edidem an̄wan eyịp Jehoash+ eyen Ahaziah osio ke otu nditọ edidem oro ẹkeyomde ndiwot, onyụn̄ ada enye ye n̄wan emi edide edep esie ekesịn ke esịt esịt ubet n̄kpana. Ndien Jehoshabeath eyen Edidem Jehoram,+ kpa n̄wan Jehoiada+ oku, (sia enye ekedide eyeneka Ahaziah an̄wan,) edịp enye mbak Athaliah, ndien enye iwotke eyen oro.+ 12  Ndien eyen oro aka iso odu ye mmọ ke ufọk ata Abasi onyụn̄ edịbe ke isua itiokiet,+ ke adan̄aemi Athaliah akarade nte ọbọn̄ an̄wan+ ke idụt oro.+

Mme Ikọ Idakisọn̄