Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 21;1-20

21  Ke akpatre Jehoshaphat osụhọde ana ye mme ete ete+ esie ẹnyụn̄ ẹbụk enye ye mme ete ete+ esie ke Obio David; ndien Jehoram+ eyen esie akara ke itie esie.  Enye ama enyene nditọete, kpa nditọ Jehoshaphat, oro edi, Azariah ye Jehiel ye Zechariah ye Azariah ye Michael ye Shephatiah, kpukpru emi ẹkedi nditọ Jehoshaphat edidem Israel.  Ndien ete mmọ ọnọ mmọ ediwak enọ+ silver ye gold ye ata nti n̄kpọ, ọkọrọ ye mme obio ibibene ke Judah;+ edi enye ayak ubọn̄ ọnọ Jehoram,+ sia enye ekedide akpan.+  Ke ini Jehoram adahade ada akara ke obio ubọn̄ ete esie, enye anam itie ubọn̄ esie ọsọn̄ọ ada, onyụn̄ ada akan̄kan̄ owot kpukpru nditọete+ esie ọkọrọ ye ndusụk mbọn̄ Israel.  Jehoram ekedi isua edịp ye duopeba ke ini enye ọtọn̄ọde ndikara, enye onyụn̄ akara+ isua itiaita ke Jerusalem.  Ndien enye asan̄a ke usụn̄ ndidem Israel,+ kpa nte mbonufọk Ahab ẹkesan̄ade; koro eyen Ahab ekedide n̄wan esie,+ enye onyụn̄ aka iso anam se idiọkde ke enyịn Jehovah.+  Edi Jehovah ikoyomke ndisobo ufọk David,+ ke ntak ediomi+ emi enye akanamde ye David, kpa nte enye ọkọdọhọde ke imọ iyọnọ enye+ ye nditọ esie utuenikan̄ kpukpru ini.+  Ke eyo esie ke Edom+ ẹkesọn̄ ibuot ẹwọn̄ọ ke idak ukara Judah+ ndien ekem ẹnịm edidem ẹte akara mmimọ.+  Ntre Jehoram ye mme etubom esie ẹbe ẹka, kpukpru chariot n̄ko ẹnyụn̄ ẹsan̄a ye enye. Ndien enye adaha ada ke okoneyo owot mbon Edom oro ẹkekande enye ẹkụk ọkọrọ ye mme etubom mme chariot. 10  Edi Edom ẹsọn̄ ibuot ẹwọn̄ọ ke idak ukara Judah tutu esịm mfịn emi. Adan̄aoro ke Libnah+ ọkọtọn̄ọ ndisọn̄ ibuot ke idak ukara esie, koro enye ọkọkpọn̄de Jehovah Abasi mme ete ete esie.+ 11  Enye ama onyụn̄ anam mme edikon̄ ebiet+ ke mme obot Judah man anam mme andidụn̄ Jerusalem ẹnyene oburobụt ebuana,+ man enye onyụn̄ ebịn Judah efep.+ 12  Ekem prọfet Elijah+ ewet n̄wed+ ọnọ ẹsọk enye, ete: “Ntem ke Jehovah Abasi David ete ete fo ọdọhọ ete, ‘Sia afo mûsan̄ake ke usụn̄ ete fo Jehoshaphat+ m̀mê ke usụn̄ Asa+ edidem Judah, 13  edi asan̄ade ke usụn̄ ndidem Israel+ onyụn̄ anamde Judah ye mme andidụn̄ Jerusalem ẹnyene oburobụt ebuana+ kpa nte ufọk Ahab ẹkenamde mme owo ẹnyene oburobụt ebuana,+ sia afo okonyụn̄ owotde+ nditọete fo, kpa mbonufọk usọ, emi ẹkefọnde ẹkan fi; 14  sese! Jehovah ọmọn̄ ọnọ ikọt+ fo ye nditọ+ fo ye iban fo ye kpukpru se inyenede fi akamba ufen.+ 15  Ndien afo ọyọdọn̄ọ ediwak udọn̄ọ,+ ọyọdọn̄ọ udọn̄ọ nsia, tutu nsia ẹwọn̄ọ fi ke usen ke usen ke ntak udọn̄ọ emi.’”+ 16  Ekem Jehovah edemede spirit+ mbon Philistia+ ye mbon Arab+ oro ẹdude ke n̄kan̄ mbon Ethiopia+ anam mmọ ẹdi ekọn̄ ye Jehoram. 17  Ntre mmọ ẹdọk ẹdi Judah ẹdibụmede ẹdụk ke esịt ẹnyụn̄ ẹtan̄ kpukpru inyene oro ẹkedude ke ufọk edidem+ ọkọrọ ye nditọ esie ye iban esie+ ẹnyọn̄ọ, inyụn̄ isụhọke eyen ndomokiet inọ enye ke mîbọhọke Jehoahaz,+ ekperedem eyen esie. 18  Ndien ke kpukpru emi ẹma ẹkebe, Jehovah anam enye ọdọn̄ọ udọn̄ọ ke nsia, kpa udọn̄ọ emi mînyeneke usọbọ.+ 19  Edikem ke ediwak usen ẹbede, ke ofụri isua iba ẹma ẹkebe, nsia+ ẹwọn̄ọ enye ke ini udọn̄ọ esie, ekem enye akpa ke idiọk udọn̄ọ esie; ndien ikọt esie ifọpke n̄kpọ inọ enye nte ẹkefọpde+ ẹnọ mme ete ete esie. 20  Enye ekedi isua edịp ye duopeba ke ini enye ọkọtọn̄ọde ndikara, enye onyụn̄ akara ke Jerusalem ke isua itiaita. Ekem enye ebe efep ndien owo isemeke enye.+ Ntre mmọ ẹbụk enye ke Obio David,+ edi idịghe ke itie ubụk ndidem.+

Mme Ikọ Idakisọn̄