Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 20;1-37

20  Edikem nditọ Moab+ ye nditọ Ammon+ ye ndusụk nditọ Ammonim+ ẹda ekọn̄ ẹtiene Jehoshaphat.+  Ntre mme owo ẹdi ẹdidọhọ Jehoshaphat ẹte: “Sese, akwa udịmowo emi ẹtode n̄kan̄ ikpehe inyan̄, emi ẹtode Edom+ ke ẹdi en̄wan ye afo; ndien mmọ ẹdu ke Hazazon-tamar, oro edi En-gedi.”+  Ntem Jehoshaphat okop ndịk+ onyụn̄ owụk iso esie oyom Jehovah.+ Ndien enye odori utreudia+ ke ofụri Judah.  Ekem ẹnam mbon Judah ẹsop idem ọtọkiet man ẹbụp uyo Jehovah.+ Mmọ ẹnyụn̄ ẹto kpukpru mme obio Judah ẹdi man ẹdibụp uyo Jehovah.+  Ndien Jehoshaphat adaha adada ke esop mbon Judah ye Jerusalem ke ufọk Jehovah+ ke iso obufa okụre,+  ndien enye ọdọhọ ete:+ “O Jehovah Abasi mme ete ete+ nnyịn, nte idịghe afo edi Abasi ke enyọn̄,+ nte inyụn̄ idịghe afo akara kpukpru mme obio ubọn̄ mme idụt,+ ndien nte odudu ye uko idụhe fi ke ubọk, baba owo kiet eke ekemde ubọk ye afo inyụn̄ idụhe?+  O Abasi nnyịn,+ nte afo ukebịnke mme andidụn̄ isọn̄ emi ke iso ikọt fo Israel+ ufep ndien ekem ayak+ enye ọnọ mfri Abraham, emi amade+ fi, ke nsinsi?  Ndien mmọ ẹdụn̄ ke esịt, ẹnyụn̄ ẹbọp edisana ebiet ke esịt ẹnọ enyịn̄+ fo, ẹte,  ‘Edieke afanikọn̄,+ akan̄kan̄, ubiomikpe, m̀mê idiọk udọn̄ọ+ m̀mê akan̄+ esịmde nnyịn, yak nnyịn ida ke iso ufọk+ emi ye ke iso fo (koro enyịn̄+ fo odude ke ufọk emi), man ikpeseme ikot fi, afo okponyụn̄ anyan̄a nnyịn osio ke ukụt, ndien afo akpakam okop onyụn̄ anyan̄a.’+ 10  Ndien, ke emi, sese nditọ Ammon,+ ye nditọ Moab+ ye nditọ obot obot ikpehe Seir,+ emi afo mûkayakke Israel ẹda en̄wan ẹdụk ke ini mmọ ẹketode isọn̄ Egypt ẹwọn̄ọ, edi mmọ ẹwọn̄ọde ẹkpọn̄ mmọ inyụn̄ isoboke mmọ,+ 11  ndien utịp+ emi mmọ ẹnọde nnyịn edi ndidụk ndibịn nnyịn nsion̄o ke udeme fo emi afo akanamde nnyịn ida inyene.+ 12  O Abasi nnyịn, nte afo udukpehe ikpe unọ mmọ?+ Koro nnyịn mînyeneke odudu ndida ke iso akwa udịmowo emi ẹdide ndin̄wana ye nnyịn mi;+ nnyịn inyụn̄ ifiọkke se ikpanamde,+ edi enyịn nnyịn ẹse fi.”+ 13  Ke ofụri ini emi kpukpru mbon Judah ẹkeda ke iso Jehovah,+ ọkọrọ ye n̄kpri nditọ mmọ,+ iban mmọ ye nditọiren mmọ. 14  Ndien amaedi Jahaziel eyen Zechariah eyen Benaiah eyen Jeiel eyen Mattaniah eyen Levi ke otu nditọ Asaph,+ spirit+ Jehovah odoro enye ke idem ke otu ofụri esop. 15  Ndien enye ọdọhọ ete: “Kpukpru mbufo mbon Judah ye mme andidụn̄ Jerusalem ye Edidem Jehoshaphat, ẹkpan̄ utọn̄! Ẹkop se Jehovah ọdọhọde mbufo, ‘Mbufo ẹkûkop ndịk+ ẹkûnyụn̄ ẹyak idem enyek mbufo ke ntak akwa otuowo emi; koro ekọn̄ emi mînyeneke mbufo, edi enyene Abasi.+ 16  Ẹsụhọde ẹbịne mmọ n̄kpọn̄. Sese, mmọ ke ẹto usụn̄ Ziz ẹdọk ẹdi; ndien mbufo ẹyekụt mmọ ke utịt itịghede mmọn̄ ke iso wilderness Jeruel. 17  Idiyomke mbufo ẹn̄wana+ isan̄ enye emi. Ẹdu ke itie mbufo, ẹtuak ẹda+ ẹnyụn̄ ẹkụt edinyan̄a+ emi Jehovah edinọde mbufo. O Judah ye Jerusalem, ẹkûfehe ndịk ẹkûnyụn̄ ẹyak idem enyek+ mbufo. Ẹwọrọ ẹbịne mmọ n̄kpọn̄, ndien Jehovah oyodu ye mbufo.’”+ 18  Ke ndondo oro Jehoshaphat onụhọ ekịbi iso ke isọn̄,+ kpukpru mbon Judah ye mme andidụn̄ Jerusalem ẹnyụn̄ ẹduọn̄ọ ke isọn̄ ke iso Jehovah ẹtuak ibuot ẹnọ Jehovah.+ 19  Ndien nditọ Levi+ emi ẹtode ke otu nditọ Kohath+ ye ke otu nditọ Korah+ ẹdaha ke enyọn̄ ẹtoro Jehovah Abasi Israel ke ata ọkpọsọn̄ uyo.+ 20  Ndien mmọ ẹbak ẹdemede ke usenubọk ẹwọrọ ẹka wilderness+ Tekoa.+ Nte mmọ ẹwọrọde ẹka, Jehoshaphat adaha ada onyụn̄ ọdọhọ ete: “Mbufo ẹkop uyo mi O Judah ye mme andidụn̄ Jerusalem!+ Ẹbuọt idem+ ye Jehovah Abasi mbufo man mbufo ẹkpedu uwem ẹbịghi. Ẹbuọt idem ke mme prọfet+ esie man mbufo ẹkụt unen.” 21  N̄ko-n̄ko, enye osop ibuot+ ye mbio obio onyụn̄ enịm mme ọkwọikwọ+ nnọ Jehovah ye mbon oro ẹsịnede edisana edisịnen̄kpọ+ ẹtoro+ Abasi nte mmọ ẹbemde mbonekọn̄ iso,+ ẹnyụn̄ ẹdọhọ ẹte: “Mbufo ẹtoro Jehovah,+ koro ima-mfọnido esie odude ke nsinsi.”+ 22  Ndien ke ini mmọ ẹtọn̄ọde ndisio n̄kpo idara ye itoro, Jehovah anam mme owo ẹdịbe ẹbet+ nditọ Ammon, mbon Moab ye mbon obot obot ikpehe Seir emi ẹkedụkde ẹdi Judah, ndien mmọ ẹwot kiet eken.+ 23  Ndien nditọ Ammon ye Moab ẹdaha ẹda ẹn̄wana ye mme andidụn̄ obot obot ikpehe Seir+ man ẹsobo mmọ ẹnyụn̄ ẹsọhi mmọ ẹfep; ndien ke ndondo oro mmọ ẹkụrede ndisobo mme andidụn̄ Seir, mmọ kiet kiet ẹn̄wam ndisobo kiet eken.+ 24  Ndien Judah ẹdi ẹdisịm tọwa ukpeme ke wilderness.+ Ke ini mmọ ẹwọn̄ọrede enyịn ẹse otuowo, sese, mmọ ẹdidi okpo, ẹbono ke isọn̄,+ owo ndomokiet ifeheke ibọhọ. 25  Ntre Jehoshaphat ye ikọt esie ẹdi ẹdibụme inyene+ mmọ, ndien mmọ ẹkụt ata ediwak inyene ye mme edisịnen̄kpọ ye ndiye n̄kpọ ke otu mmọ; mmọ ẹnyụn̄ ẹtan̄ mme n̄kpọ oro ẹda tutu mmọ ikemeke ndibiom mmọ aba.+ Ndien mmọ ẹbụme mbụme usen ita koro akawakde etieti. 26  Ndien mmọ ẹsop idem ọtọkiet ke ọyọhọ usen inan̄ ke unaisọn̄ itịghede Beracah, koro do ke mmọ ẹketoro Jehovah.+ Ntak edi oro mmọ ẹsiode ebiet oro enyịn̄+ Unaisọn̄ Beracah—tutu esịm mfịn emi. 27  Ekem kpukpru mbon Judah ye Jerusalem ẹfiak ẹnyọn̄ọ Jerusalem ye idatesịt, Jehoshaphat onyụn̄ ada mmọ usụn̄, koro Jehovah akanamde mmọ ẹdara ẹban̄a mme asua mmọ.+ 28  Ntre mmọ ẹnyọn̄ ẹdi Jerusalem ye ndido urụk+ ye mme harp+ ye mme obukpon̄,+ ẹdidụk ufọk Jehovah.+ 29  Ndien ndịk+ Abasi anam kpukpru obio ubọn̄ mme idụt oro ke ini mmọ ẹkopde ke Jehovah ama an̄wana ekọn̄ ye mme asua Israel.+ 30  Ntre ikpehe ubọn̄ Jehoshaphat inyeneke baba afanikọn̄ kiet, Abasi esie onyụn̄ aka iso ọnọ enye nduọkodudu akanade okụk.+ 31  Ndien Jehoshaphat+ akara Judah. Enye ekedi isua edịp ye efịt ke ini enye ọtọn̄ọde ndikara, enye onyụn̄ akara ke Jerusalem ke isua edịp ye ition. Ndien eka esie ekekere Azubah+ eyen Shilhi. 32  Ndien enye asan̄a ke usụn̄ emi Asa+ ete esie akasan̄ade, inyụn̄ iwọn̄ọkede ikpọn̄ enye, edi anam se inende ke enyịn Jehovah.+ 33  N̄kukụre edi nte ke mme edikon̄ ebiet+ ẹkesụk ẹdodu; mbio obio ikonyụn̄ itịmke esịt mmọ kan̄a inọ Abasi mme ete ete mmọ.+ 34  Amaedi mme n̄kpọ en̄wen emi ẹban̄ade Jehoshaphat, akpa ye akpatre, ẹwet mmọ ẹsịn ke otu ikọ Jehu+ eyen Hanani,+ emi ẹkewetde ẹsịn ke N̄wed+ Ndidem Israel. 35  Ekem Jehoshaphat edidem Judah odụk nsan̄a ye Ahaziah+ edidem Israel, emi ọkọdiọkde ido.+ 36  Ntre enye anam enye edi nsan̄a esie ke ndinam mme nsụn̄ikan̄ man ẹka Tarshish,+ ndien mmọ ẹnam mme nsụn̄ikan̄ ke Ezion-geber.+ 37  Edi, Eliezer eyen Dodavahu emi otode Maresha etịn̄ ntịn̄nnịm ikọ aban̄a Jehoshaphat, ete: “Sia afo odụkde nsan̄a ye Ahaziah,+ Jehovah ayabiat utom fo.”+ Ndien mme nsụn̄ikan̄ oro ẹwụre,+ mmọ inyụn̄ ikemeke aba ndika Tarshish.+

Mme Ikọ Idakisọn̄