Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 2;1-18

2  Ekem Solomon ọnọ uyo ete ẹbọp ufọk+ ẹnọ enyịn̄+ Jehovah ẹnyụn̄ ẹbọp ufọk edidem+ ẹnọ imọ.  Mmọdo Solomon abat owo tọsịn ata ye duop enịm nte mme obiom mbiomo onyụn̄ enịm owo tọsịn anan̄ nte mme asiak-itiat ke obot,+ onyụn̄ enịm owo tọsịn ita ikie itiokiet nte mme esenyịn mmọ.+  Ekem Solomon ọdọn̄ ẹkedọhọ Hiram+ edidem Tyre, ete: “Kpa nte afo akanamde ye David+ ete mi okonyụn̄ ọnọde eto cedar ẹsọk enye ndida mbọp ufọk eke enye odụn̄de,—  sese ami mmọn̄ mbọp+ ufọk nnọ enyịn̄+ Jehovah Abasi mi man nnam ufọk oro asana+ ọnọ enye, man mfọp edifuọn̄ incense+ ke iso esie, nnyụn̄ n̄wa uyo emi ẹtan̄de-tan̄ ẹkọk+ kpukpru ini ye edifọp uwa ke usenubọk ye mbubreyo,+ ke mme sabbath+ ye ke mbufa ọfiọn̄+ ye ke mme ini usọrọ+ Jehovah Abasi nnyịn. Emi edi ewụhọ Israel ke nsinsi.+  Ndien ufọk emi ami ndibọpde oyokpon,+ koro Abasi nnyịn okponde akan kpukpru mme abasi eken.+  Ndien anie ekeme ndinyene odudu mbọp ufọk nnọ enye?+ Koro heaven ye n̄kon̄n̄kan heaven ikemke enye,+ ami ndien ndi anie+ eke n̄kpọbọpde ufọk nnọ enye ke mîbọhọke ndinam nsụn̄ikan̄ uwa ọwọrọ ọdọk ke iso esie?+  Ndien, ke emi, nọ mi owo emi ọfiọkde utomusọ gold ye silver ye okpoho+ ye ukwak ye idet erọn̄ emi enyenede uduot mmọn̄ibọn̄ ye blu blu ndidi, emi onyụn̄ ọfiọkde usọ edikap n̄kpọ, man enye edidiana ye mbon usọ emi ẹdude ye ami ke Judah ye ke Jerusalem, kpa mbon emi David ete mi ekenịmde.+  Ndien nọ eto cedar,+ Juniper+ ye algum+ eke ẹtode Lebanon+ ẹsọk mi, koro mmetịm mfiọk nte ke mme asan̄autom fo ẹnyene ifiọk ukek eto ke Lebanon,+ (ndien sese mme asan̄autom mi ẹyenam utom ọtọkiet ye mme asan̄autom fo,)  nyụn̄ tịm ediwak eto nọ mi, koro ufọk emi ndibọpde oyokpon onyụn̄ enyene ndyọ. 10  Ndien sese, mmada udomo wheat cor tọsịn edịp,+ ye udomo barley cor tọsịn edịp, ye aban̄ wine+ tọsịn edịp, ye aban̄ aran tọsịn edịp, nnọ mme asan̄autom fo emi ẹdide mme atan̄ eto, ye mme ekek eto, nte udia.” 11  Ntem Hiram edidem Tyre+ ewet ikọ emi ke n̄wed ọnọ ẹsọk Solomon ete: “Sia Jehovah amade+ ikọt esie enye emenịm fi ke edidem mmọ.”+ 12  Hiram onyụn̄ ọdọhọ ete: “Itoro enyene Jehovah Abasi Israel,+ emi akanamde enyọn̄ ye isọn̄,+ koro enye ọnọde Edidem David eyen emi enyenede ọniọn̄ ye mbufiọk ye ikike,+ kpa enye emi edibọpde ufọk ọnọ Jehovah, edinyụn̄ ọbọpde ufọk edidem ọnọ idemesie.+ 13  Ndien, ke emi, mmọnọ owo usọ, emi enyenede ikike, owo Hiram-abi+ ẹsọk fi, 14  kpa eyen n̄wan kiet ke otu nditọ Dan emi ete esie ekedide owo Tyre, emi enyenede mbufiọk ke utom gold ye silver, ye okpoho,+ ye ukwak, ye itiat+ ye eto, ye idet erọn̄ emi enyenede uduot mmọn̄ibọn̄,+ ye blu blu ndidi+ ye eti+ ọfọn̄ ye ididuot,+ emi onyụn̄ enyenede ifiọk edikap+ kpukpru orụk n̄kpọ ye ifiọk edidiọn̄ kpukpru orụk n̄kpọutom+ eke ẹnọde enye, edidiana ye mbon usọ fo ye mbon usọ ọbọn̄ mi David kpa ete fo. 15  Ndien, ke emi, mbọk yak ọbọn̄ mi ọnọ mme asan̄autom esie wheat ye barley, ye aran ye wine emi enye ọkọn̄wọn̄ọde ndinọ.+ 16  Ndien nnyịn iyekek eto+ ke Lebanon adan̄a nte afo oyomde,+ nnyịn iyonyụn̄ ibọp mme eto oro inam mmọ ẹfiọrọ ke inyan̄+ ẹka Joppa,+ afo ndien ayatan̄ mmọ do ọdọk aka Jerusalem.” 17  Ekem Solomon abat kpukpru mbon emi ẹkedide isenowo ke isọn̄ Israel,+ ke ete esie David ama akabat mmọ ama;+ ndien ibat mmọ edi owo tọsịn ikie ye aba ye duopeta ikie itiokiet. 18  Ntre enye anam owo tọsịn ata ye duop ke otu mmọ ẹdi mme obiom mbiomo,+ owo tọsịn anan̄ ẹdi mme asiak-itiat+ ke obot ndien owo tọsịn ita ikie itiokiet ẹdi mme esenyịn emi ẹnamde mme owo ẹnam utom.+

Mme Ikọ Idakisọn̄