Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 18;1-34

18  Ndien Jehoshaphat enyene akpakịp inyene ye ubọn̄;+ edi enye anam ediomi ndọ+ ye Ahab.+  Ntre ke ediwak isua ẹma ẹkebe enye osụhọde aka ke ọtọ Ahab ke Samaria;+ ndien Ahab awa akpakịp erọn̄+ ye enan̄ ke ibuot esie ye ke ibuot mbon oro ẹdude ye enye. Ndien enye atap+ enye ndidọk n̄kan̄wana ye Ramoth-gilead.+  Ndien Ahab edidem Israel obụp Jehoshaphat edidem Judah ete: “Ndi afo eyetiene mi aka Ramoth-gilead?”+ Ndien enye ọbọrọ enye ete: “Ami ye afo idi kiet, ikọt mi ẹnyụn̄ ẹtie nte ikọt fo ẹnyụn̄ ẹda ye afo ke ekọn̄.”+  Edi Jehoshaphat ọdọhọ edidem Israel ete: “Mbọk, bem iso bụp+ uyo Jehovah kan̄a.”  Ntre edidem Israel okot mme prọfet+ obon ọtọkiet, irenowo ikie inan̄, onyụn̄ obụp mmọ ete: “Nte nnyịn ika ikan̄wana ekọn̄ ye Ramoth-gilead m̀mê ikûka?”+ Ndien mmọ ẹbọrọ ẹte: “Dọk ka, koro ata Abasi ayada enye esịn edidem ke ubọk.”  Edi Jehoshaphat obụp ete: “Nte prọfet Jehovah idụhe aba mi?+ Ntre yak nnyịn ibụp enye nan̄a.”+  Ntem edidem Israel ọbọrọ Jehoshaphat+ ete: “Osụk kan̄a owo kiet+ ndibụp uyo Jehovah, edi ami nsasua enye,+ koro enye mîsitịn̄ke eti ntịn̄nnịm ikọ iban̄a mi, edi esisụk etịn̄ idiọk kpukpru ini.+ Enye edi Micaiah eyen Imlah.”+ Edi Jehoshaphat ọbọrọ ete: “Yak edidem okûtịn̄ utọ ikọ oro.”+  Ntre edidem Israel okot adaidaha+ kiet ke okụre onyụn̄ ọdọhọ ete: “Wara ka kada Micaiah eyen Imlah di.”+  Ndien edidem Israel ye Jehoshaphat edidem Judah ẹsịne ọfọn̄+ ubọn̄ ẹtie ke ebekpo mmọ kiet kiet, ke ọtọ udịghi wheat ke nto-ndụk inuaotop Samaria; kpukpru mme prọfet ẹnyụn̄ ẹtịn̄ ntịn̄nnịm ikọ ke iso mmọ.+ 10  Ndien Zedekiah eyen Chenaanah anam mme nnụk+ ukwak ọnọ idemesie onyụn̄ ọdọhọ ete: “Jehovah ọdọhọ ete,+ ‘Emi ke afo edida onụk mbon Syria tutu afo ọsọhi mmọ efep.’”+ 11  Kpukpru mme prọfet eken ẹnyụn̄ ẹtịn̄ ukem ntịn̄nnịm ikọ oro, ẹte: “Dọk ka Ramoth-gilead kan̄wana kan,+ ndien Jehovah ayada enye esịn edidem ke ubọk.”+ 12  Ndien isụn̄utom oro akakade ndikot Micaiah ọdọhọ enye ete: “Sese! Kpukpru mme prọfet ẹtịn̄ se ifọnde ye uyo kiet ẹnọ edidem; mbọk, yak ikọ fo etie nte eke owo mmọ kiet,+ afo nyụn̄ tịn̄ se ifọnde.”+ 13  Edi Micaiah ọdọhọ enye ete: “Ma uwem Jehovah,+ se Abasi mi edidọhọde kpa oro ke nditịn̄.”+ 14  Ekem enye odụk okosobo ye edidem, ndien edidem obụp enye ete: “Micaiah, nte nnyịn idọk ika ekọn̄ ye Ramoth-gilead, m̀mê ikûka?” Ndien enye ọsọsọp ọbọrọ enye ete: “Dọk ka kan̄wana kan; ndien ẹyeda mmọ ẹsịn fi ke ubọk.”+ 15  Ntre edidem obụp enye ete: “Ikafan̄ ke ami n̄wụk+ fi nte okûtịn̄ baba n̄kpọ kiet ke enyịn̄ Jehovah unọ mi ke mîbọhọke se idide akpanikọ?”+ 16  Ndien enye ọdọhọ enye ete: “Mmokụt kpukpru nditọ Israel ẹsuanade ke mme obot nte mme erọn̄ eke mînyeneke andikpeme.+ Ndien Jehovah ọdọhọ ete: ‘Mmọ emi inyeneke mme adausụn̄.+ Yak mmọ kiet kiet ẹfiak ẹnyọn̄ọ ufọk mmọ ke emem.’”+ 17  Ndien edidem Israel ọdọhọ Jehoshaphat ete: “Nte n̄kọdọhọke fi, ‘Enye iditịn̄ke eti ntịn̄nnịm ikọ iban̄a mi edi editịn̄ idiọk’?”+ 18  Ndien enye ọdọhọ ete: “Mbufo ẹkop se Jehovah ọdọhọde:+ Mmokụt Jehovah etiede ke ebekpo+ esie, ofụri udịm+ enyọn̄ ẹnyụn̄ ẹda enye ke nnasia ye ke ufien.+ 19  Ndien Jehovah obụp ete: ‘Anie edika akabian̄a Ahab edidem Israel man enye ọdọk akakpa ke Ramoth-gilead?’ Ndien nneme ọtọn̄ọ, enye emi etịn̄ ntem, enye eken onyụn̄ etịn̄ ntem.+ 20  Ekem spirit+ kiet ọwọrọ edida ke iso Jehovah onyụn̄ ọdọhọ ete, ‘Ami nyaka n̄kabian̄a enye.’ Ndien Jehovah obụp enye ete, ‘Edisan̄a didie abian̄a enye?’+ 21  Ndien enye ọbọrọ ete, ‘Nyọwọrọ n̄kakabade ndi spirit abian̄a ke inua kpukpru mme prọfet esie.’+ Ntre enye ọdọhọ ete, ‘Afo ayabian̄a enye, ndien n̄ko afo ayakan enye.+ Wọrọ ka kanam kpa ntre.’+ 22  Ndien, ke emi, sese Jehovah emesịn spirit abian̄a ke inua kpukpru mme prọfet fo emi;+ ndien Jehovah emetịn̄ afanikọn̄ eke edisịmde fi.”+ 23  Ndien Zedekiah+ eyen Chenaanah+ asan̄a akasiak Micaiah+ ufia ke mban̄+ onyụn̄ obụp ete: “Spirit Jehovah akasan̄a didie ọkpọn̄ mi ebe editịn̄ ikọ ye afo?”+ 24  Ndien Micaiah ọbọrọ ete: “Sese! Afo ọyọfiọk ke usen+ oro nte akasan̄ade ke ini emi afo edidụkde ata esịt esịt ubet ekedịbe.”+ 25  Ndien edidem Israel ọdọhọ ete: “Mbufo ẹda Micaiah ẹkeyak ẹnọ Amon etubom obio ye Joash eyen edidem.+ 26  Ndien mbufo ẹdọhọ ẹte, ‘Edidem ọdọhọ ntem ete: “Mbufo ẹsịn owo emi ke ufọk n̄kọbi-ntem+ ẹnyụn̄ ẹnọ enye esisịt uyo+ ye esisịt mmọn̄ tutu ami nnyọn̄ ndi ke emem.”’”+ 27  Ndien Micaiah ọdọhọ ete: “Edieke afo ọnyọn̄de edi ke emem, fiọk ete ke idịghe Jehovah eketịn̄ ikọ ye ami.”+ Enye onyụn̄ adian do ete: “Kpukpru mbufo ẹkop ikọ emi.”+ 28  Ndien edidem Israel ye Jehoshaphat edidem Judah ẹdọk ẹka Ramoth-gilead.+ 29  Ekem edidem Israel ọdọhọ Jehoshaphat ete: “Ami mmọn̄ n̄kpụhọ idem+ nnam nte ndi owo efen ndien ndụk ekọn̄, edi afo sịne ọfọn̄ ubọn̄+ fo.” Ntem edidem Israel okpụhọ idem anam nte idi owo efen, ndien mmọ ẹdụk ekọn̄.+ 30  Edi edidem Syria ama ọnọ mme etubom chariot esie uyo ete: “Mbufo ẹkûn̄wana ye n̄kpri m̀mê ye ikpọ, edi ẹn̄wana ye edidem Israel kpọt.”+ 31  Edikem ke ndondo oro mme etubom mme chariot ẹkụtde Jehoshaphat, mmọ ẹkere ke esịt mmọ ẹte: “Edidem Israel edi emi.”+ Ntre mmọ ẹwọn̄ọde ẹda ndin̄wana ye enye; ndien Jehoshaphat ofiori oyom un̄wam,+ Jehovah onyụn̄ an̄wam enye,+ inikiet inikiet Abasi atap mmọ anam ẹwọn̄ọde ẹkpọn̄ enye.+ 32  Ndien ke ndondo oro mme etubom mme chariot ẹkụtde ke idịghe edidem Israel edi oro, mmọ ẹfiak edem inikiet inikiet ẹtre ndibịne enye.+ 33  Ndien owo kiet otop utịgha esie, edi ikohokoi, ndien enye atịgha+ edidem Israel ke ọtọ isobo kod ukwak esie, ndien enye ọdọhọ andiwat chariot esie ete:+ “Wọn̄ọde ubọk, men mi wọrọ ke otu mbonekọn̄, koro mmada unan idiọk idiọk.”+ 34  Ndien ekọn̄ ọdọdiọn̄ ọsọn̄ ke usen oro, ẹnyụn̄ ẹnam edidem Israel adada ke chariot asak iso ese mbon Syria tutu esịm mbubreyo; ndien enye akpa etisịm ini emi utịn osopde.+

Mme Ikọ Idakisọn̄