Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 17;1-19

17  Ndien Jehoshaphat+ eyen esie akara ke itie esie onyụn̄ anam itie ubọn̄ esie ọsọn̄ọ ada ke Israel.  Ndien enye obon udịmekọn̄ ke kpukpru mme obio ibibene Judah onyụn̄ obon mbonekọn̄ emi ẹdade ẹkpeme ke isọn̄ Judah ye ke mme obio Ephraim emi Asa ete esie akakande ọbọ.+  Ndien Jehovah aka iso odu ye Jehoshaphat,+ koro enye akasan̄ade ke akani usụn̄ oro David ete ete+ esie akasan̄ade, ikonyụn̄ iyomke Baal.+  Koro enye okoyomde+ Abasi ete esie okonyụn̄ asan̄ade ke mme ewụhọ esie,+ mîkonyụn̄ itieneke inam se Israel ẹkenamde.+  Ndien Jehovah anam obio ubọn̄ ọsọn̄ọ ada ke ubọk esie;+ ofụri Judah ẹnyụn̄ ẹnọ Jehoshaphat enọ,+ enye onyụn̄ enyene akpakịp inyene ye ubọn̄.+  Ndien esịt esie ọsọn̄ọ owụhọ ke usụn̄+ Jehovah, tutu enye osion̄o mme edikon̄ ebiet+ ye mme eto utuakibuot+ efep ke Judah.  Ndien ke ọyọhọ isua ita emi enye akarade, enye ọdọn̄ mbọn̄ esie utom, oro edi, Ben-hail ye Obadiah ye Zechariah ye Nethanel ye Micaiah, ete ẹkenọ ukpep ke mme obio Judah,  nditọ Levi ẹnyụn̄ ẹsan̄a ye mmọ, Shemaiah ye Nethaniah ye Zebadiah ye Asahel ye Shemiramoth ye Jehonathan ye Adonijah ye Tobijah ye Tob-adonijah kpa nditọ Levi, ndien Elishama ye Jehoram kpa mme oku+ ẹnyụn̄ ẹsan̄a ye mmọ.  Ndien mmọ ẹnọ ukpep+ ke Judah, n̄wed ibet+ Jehovah onyụn̄ odu ye mmọ; ndien mmọ ẹsan̄a ẹkanade kpukpru mme obio Judah ẹnọ mme owo ukpep. 10  Ndien ndịk+ Jehovah anam kpukpru mme obio ubọn̄ mme idụt oro ẹkedude ẹkanade Judah, mmọ inyụn̄ in̄wanake ye Jehoshaphat.+ 11  Ndien mbon Philistia ẹda mme enọ+ ye okụk nte utomo+ ẹsọk Jehoshaphat. Mbon Arab+ n̄ko ẹda ufene ẹsọk enye, okukịm erọn̄ tọsịn itiaba ikie itiaba ye okpo ebot tọsịn itiaba ikie itiaba.+ 12  Ndien Jehoshaphat aka iso oforo onyụn̄ ọdọdiọn̄ okpon+ ke ata akamba udomo; ndien enye ọbọp mme ebiet ukpeme+ ye mme obio ubonn̄kpọ+ ke Judah. 13  Ndien enye enyene udọn̄ ndinam ediwak n̄kpọ ke mme obio Judah; mbonekọn̄,+ kpa n̄kpọsọn̄ iren uko,+ ẹnyụn̄ ẹdu ke Jerusalem. 14  Ndien mmọ emi ẹkedi mme itieutom mmọ nte ufọk mme ete ete mmọ edide: Eke Judah, Adnah ekedi etubom ọnọ mme etubom mme tọsịn, n̄kpọsọn̄ iren uko, owo tọsịn ikie ita ẹnyụn̄ ẹsan̄a ye enye.+ 15  Ndien Jehohanan kpa etubom odu ke idak esie, owo tọsịn ikie iba ye anan̄ ẹnyụn̄ ẹdu ye enye. 16  Ndien Amasiah eyen Zichri emi akayakde idem ọnọ ke edinyịme esịt+ ndinam utom Jehovah odu ke idak esie, n̄kpọsọn̄ iren uko tọsịn ikie iba ẹnyụn̄ ẹdu ye enye. 17  Ndien ẹsio Eliada, ọkpọsọn̄ owo uko ke Benjamin,+ owo tọsịn ikie iba, emi ẹkamade utịgha ye otuekọn̄+ ẹnyụn̄ ẹsan̄a ye enye. 18  Ndien Jehozabad odu ke idak esie, owo tọsịn ikie ye anan̄ emi ẹkamade n̄kpọekọn̄ ẹben̄e idem ẹnọ ekọn̄ ẹnyụn̄ ẹsan̄a ye enye. 19  Mmọ emi ẹkesan̄a utom ẹnọ edidem, ke ẹsiode mbon emi edidem okobonde ke mme obio ibibene+ ke ofụri Judah ẹfep.

Mme Ikọ Idakisọn̄