Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 16;1-14

16  Ke ọyọhọ isua edịp ye efịtekiet oro Asa akarade, Baasha+ edidem Israel ọdọk edi ekọn̄ ye Judah onyụn̄ ọtọn̄ọ ndibọp Ramah,+ man okûyak owo ekededi ọwọrọ m̀mê odụk etiene Asa edidem Judah.+  Ndien Asa osion̄o silver ye gold ke itie ubon n̄kpọuto ufọk Jehovah+ ye ke ufọk edidem+ ọnọ ẹsọk Ben-hadad+ edidem Syria,+ emi odụn̄de ke Damascus,+ onyụn̄ ọdọhọ ete:  “Ediomi odu ke ufọt mi ye afo ye ke ufọt ete mi ye ete fo. Sese mmọnọ silver ye gold ẹsọk fi. Ka kabiat ediomi fo ye Baasha+ edidem Israel, man enye afiak edem ọkpọn̄ mi.”+  Ntre Ben-hadad okop uyo Edidem Asa onyụn̄ ọdọn̄ mme etubom udịmekọn̄ esie ẹte ẹken̄wana ye mme obio Israel, ndien mmọ ẹka ẹkesobo Ijon+ ye Dan+ ye Abel-maim+ ye kpukpru itie ubonn̄kpọ+ ke mme obio Naphtali.+  Edikem ke ndondo oro Baasha okopde n̄kpọ emi, enye ọsọsọp etre ndibọp Ramah onyụn̄ etre utom esie.+  Ndien Edidem Asa ada ofụri Judah+ aka, ndien mmọ ẹketan̄ mme itiat oro ke Ramah+ ye mme eto oro Baasha akadade ọbọp+ n̄kpọ, ndien enye ada mmọ ọbọp Geba+ ye Mizpah.+  Ndien Hanani,+ okụt-n̄kukụt, edi edisobo ye Asa edidem Judah onyụn̄ ọdọhọ enye ete: “Koro afo eberide edem ke edidem Syria+ mûnyụn̄ uberike ke Jehovah Abasi+ fo, ke ntak oro, udịmekọn̄ edidem Syria ọmọbọhọ fi ke ubọk.  Nte mbon Ethiopia+ ye mbon Libya+ ikedịghe ata akwa udịmekọn̄, emi ẹkenyenede ediwak chariot ye ediwak mme awat enan̄-mbakara;+ ndien koro afo ekeberide edem ke Jehovah, nte enye ikadaha mmọ isịn fi ke ubọk?+  Koro enyịn+ Jehovah asan̄ade akanade ofụri isọn̄+ man enye owụt odudu esie ke ufọn mbon oro ẹnamde n̄kpọ ẹnọ enye ke ofụri esịt.+ Afo amanam ndisịme+ ke n̄kpọ emi, koro ọtọn̄ọde ke emi ẹyeda ekọn̄ ẹtiene fi.”+ 10  Ndien Asa ayat esịt ye okụt-n̄kukụt oro onyụn̄ esịn enye ke ufọk ebuka,+ koro okofụtde esịt ye enye aban̄a n̄kpọ emi.+ Ke ukem ini oro, Asa onyụn̄ efịk+ ndusụk ke otu mbio obio. 11  Ndien, sese! ẹwet mme n̄kpọ emi ẹban̄ade Asa, akpa ye akpatre, ẹsịn ke N̄wed+ Ndidem Judah ye Israel. 12  Ndien ke ọyọhọ isua edịp ye efịtenan̄ emi Asa akarade, udọn̄ọ anam enye ke ikpat enye onyụn̄ ọdọn̄ọ etieti;+ ndien idem ke ini udọn̄ọ esie oro enye ikoyomke Jehovah+ edi okoyom mme ọkọkudọn̄ọ.+ 13  Ekem Asa osụhọde ana ye mme ete ete+ esie onyụn̄ akpa ke ọyọhọ isua aba ye kiet emi enye akarade. 14  Ntre mmọ ẹbụk enye ke akwa udi+ oro enye eketịbide ọnọ idemesie ke Obio David;+ ndien mmọ ẹnịm enye ke bed oro ọyọhọde ye aran balsam+ ye nsio nsio orụk edifuọn̄ aran+ oro nta mme anam edifuọn̄ aran ẹbuakde.+ Ekem mmọ ẹfọp n̄kpọ+ etieti ke ini ẹbụkde enye.

Mme Ikọ Idakisọn̄