Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Chronicle 12;1-16

12  Edikem ke ndondo oro itie edidem Rehoboam ọsọn̄ọde ada+ ye ke ndondo oro enye okopde odudu, enye ye ofụri Israel+ ẹkpọn̄ ibet Jehovah.+  Ndien ke ọyọhọ isua ition emi Edidem Rehoboam+ akarade, Shishak+ edidem Egypt ọdọk edi ekọn̄ ye Jerusalem, (koro mmọ mîkanamke akpanikọ inọ Jehovah,)+  asan̄a ye chariot tọsịn kiet ikie iba+ ye mme awat enan̄-mbakara tọsịn ata; ndien mme owo emi ẹketode Egypt ẹsan̄a ye enye ẹkedi ananaibat+—mbon Libya+ ye Sukkiim ye mbon Ethiopia.+  Ndien enye an̄wana akan mme obio ibibene emi ẹnyenede Judah+ onyụn̄ edi edisịm Jerusalem.+  Ekem prọfet Shemaiah+ edi edisobo ye Rehoboam ye mbọn̄ Judah oro ẹkesopde idem ke Jerusalem ke ntak Shishak, onyụn̄ ọdọhọ mmọ ete: “Ntem ke Jehovah ọdọhọ ete, ‘Sese, mbufo ẹmekpọn̄ mi,+ ndien ami n̄ko mmayak mbufo+ nsịn Shishak ke ubọk.’”  Ndien mbọn̄ Israel ye edidem ẹsụhọde idem+ ẹnyụn̄ ẹdọhọ ẹte: “Jehovah emenen.”+  Ndien ke ini Jehovah+ okụtde ke mmọ ẹsụhọde idem, uyo Jehovah esịm Shemaiah,+ ete: “Mmọ ẹmesụhọde idem.+ Ndisoboke mmọ mfep, ndien ke esisịt ini ami mmọn̄ nnyan̄a mmọ, ndinyụn̄ ndaha ubọk Shishak+ n̄n̄wan̄a ifiopesịt mi nduọk Jerusalem.  Edi mmọ ẹyekabade ẹdi mme asan̄autom esie,+ man mmọ ẹfiọk ukpụhọde oro odude ke ndinam n̄kpọ nnọ mi+ ye ke ndinam n̄kpọ nnọ obio ubọn̄ mme idụt.”+  Ntre Shishak+ edidem Egypt ọdọk edi ekọn̄ ye Jerusalem onyụn̄ atan̄ mme n̄kpọuto ufọk Jehovah+ ye mme n̄kpọuto ufọk edidem.+ Enye atan̄ kpukpru n̄kpọ; onyụn̄ atan̄ mme otuekọn̄ gold oro Solomon akanamde.+ 10  Ntem Edidem Rehoboam anam mme otuekọn̄ okpoho obon ke itie mmọ, onyụn̄ ayak mmọ esịn mme etubom mbonitọk+ ke ubọk, kpa mme andikpeme+ inuaotop ufọk edidem.+ 11  Ndien adan̄a nte edidem ededi ufọk Jehovah, mbonitọk ẹyetan̄ mme n̄kpọ emi ẹdi, ẹnyụn̄ ẹfiak ẹtan̄ mmọ ẹkebon ke ubet mbonitọk, kpa ubet mbon ukpeme.+ 12  Ndien sia enye okosụhọrede idem, iyatesịt Jehovah ọwọn̄ọde ọkpọn̄ enye,+ ndien enye okpụhọde ekikere, isoboke mmọ ofụri ofụri ifep.+ Akan oro, nti n̄kpọ ẹma ẹdu ke Judah.+ 13  Ndien Edidem Rehoboam anam itie ubọn̄ esie ọsọn̄ọ ada ke Jerusalem+ onyụn̄ aka iso akara; koro Rehoboam ekedi isua aba ye kiet ke ini enye ọtọn̄ọde ndikara, enye onyụn̄ akara isua efịteba ke Jerusalem, kpa obio+ emi Jehovah ekemekde ke otu kpukpru esien Israel man enịm enyịn̄ esie do.+ Ndien eka esie ekekere Naamah,+ okonyụn̄ oto Ammon.+ 14  Edi edidem anam se idiọkde,+ koro enye mîkọsọn̄ọke iwụk esịt esie iyom Jehovah.+ 15  Amaedi mme n̄kpọ emi ẹban̄ade Rehoboam, akpa ye akpatre,+ nte owo iwetke mmọ isịn ke otu ikọ prọfet Shemaiah+ ye eke Iddo+ okụt-n̄kukụt ke n̄wed udịm ubon? Ndien ekọn̄ ẹma ẹsidu ke ufọt Rehoboam+ ye Jeroboam+ kpukpru ini. 16  Ke akpatre, Rehoboam osụhọde ana ye mme ete ete+ esie ẹnyụn̄ ẹbụk enye ke Obio David;+ ndien Abijah+ eyen esie akara ke itie esie.

Mme Ikọ Idakisọn̄