Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

2 Chronicle 11;1-23

11  Ke ini Rehoboam esịmde Jerusalem,+ enye ọsọsọp anam ufọk Judah ye Benjamin+ ẹsop idem ọtọkiet, ata nti irenowo emi ẹkopde idem ndika ekọn̄,+ owo tọsịn ikie ye anan̄, man ẹken̄wana ye Israel ẹnyụn̄ ẹda ubọn̄ ẹfiak ẹsọk Rehoboam.  Ekem uyo Jehovah esịm Shemaiah+ owo ata Abasi, ete:  “Dọhọ Rehoboam eyen Solomon edidem Judah ye ofụri Israel emi ẹdude ke Judah+ ye Benjamin, ete,  ‘Ntem ke Jehovah ọdọhọ ete: “Mbufo ẹkûdọk ẹken̄wana ye nditọete+ mbufo. Mbufo ẹfiak ẹnyọn̄ọ ufọk mbufo, koro edi ami nnam n̄kpọ emi etịbe.”’”+ Ntre mmọ ẹkop uyo Jehovah ẹnyụn̄ ẹfiak ẹnyọn̄ọ inyụn̄ ikaha aba ikan̄wana ye Jeroboam.+  Ndien Rehoboam aka iso odụn̄ ke Jerusalem onyụn̄ ọbọp mme obio ibibene ke Judah.  Ntre enye ọtọn̄ọ ntak ọbọp Bethlehem+ ye Etam+ ye Tekoa,+  ye Beth-zur+ ye Soco+ ye Adullam,+  ye Gath+ ye Mareshah+ ye Ziph,+  ye Adoraim ye Lachish+ ye Azekah,+ 10  ye Zorah+ ye Aijalon+ ye Hebron,+ kpa mme obio ibibene emi ẹkedude ke Judah ye Benjamin. 11  Enye onyụn̄ ọsọn̄ọ mme ebiet ukpeme+ emi onyụn̄ obon mme adausụn̄+ do ye ediwak udia ye aran ye wine, 12  onyụn̄ obon ikpọ otuekọn̄+ ye mme eduat+ ke nsio nsio obio; ndien anam mmọ ẹnen̄ede ẹsọn̄ idem. Ndien Judah ye Benjamin ẹka iso ẹdi esie. 13  Ndien mme oku ye nditọ Levi oro ẹdude ke ofụri Israel ẹda ye enye ke ofụri ikpehe obio mmọ. 14  Ndien nditọ Levi ẹkpọn̄ mme in̄wan̄ mbiet ufene+ mmọ ye inyene+ mmọ ẹdi Judah ye Jerusalem,+ koro Jeroboam+ ye nditọ esie ẹkebịnde mmọ ẹsion̄o+ man mmọ ẹkûnam aba utom nte mme oku ẹnọ Jehovah. 15  Ndien enye obon mme oku ke mme edikon̄ ebiet+ ọnọ idemesie ye mme demon emi ebietde ebot+ ye nditọ enan̄ oro enye akanamde.+ 16  Ndien mbon oro ẹkesịnde esịt mmọ ẹyom Jehovah Abasi Israel ẹto ke kpukpru esien Israel ẹtiene mmọ ẹdi Jerusalem+ ndiwa uwa+ nnọ Jehovah Abasi mme ete ete mmọ. 17  Ndien mmọ ẹsọn̄ọ itie edidem Judah+ ẹnyụn̄ ẹbere ye Rehoboam eyen Solomon ke isua ita, koro mmọ ẹkesan̄ade ke usụn̄ David ye eke Solomon ke isua ita.+ 18  Ekem Rehoboam ọdọ Mahalath emi ete esie ekedide Jerimoth eyen David, eka esie okonyụn̄ edide Abihail eyen Eliab,+ eyen Jesse. 19  Ekem enye aman nditọiren ọnọ enye, kpa Jeush ye Shemariah ye Zaham. 20  Enye onyụn̄ ọdọ Maacah +eyeyen Absalom.+ Ndien enye aman Abijah+ ye Attai ye Ziza ye Shelomith ọnọ enye. 21  Ndien Rehoboam ama Maacah eyeyen Absalom an̄wan akan kpukpru iban+ esie ye ibanesa esie eken; koro enye ọkọdọde iban efịteta, ọkọrọ ye ibanesa ata, ntre enye obon nditọiren edịp ye itiaita ye nditọiban ata. 22  Ndien Rehoboam enịm Abijah eyen Maacah ke etubom, nte adausụn̄ ọnọ nditọete esie, koro enye ekekerede ndinam enye edi edidem. 23  Edi enye ada eti ibuot anam n̄kpọ+ onyụn̄ edeme ndusụk ke otu kpukpru nditọiren esie ọdọn̄ ke ofụri isọn̄ Judah ye Benjamin,+ ke kpukpru mme obio ibibene,+ onyụn̄ ọnọ mmọ ediwak udia+ onyụn̄ ọdọ ediwak iban ọnọ mmọ.+

Mme Ikọ Idakisọn̄