Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

2 Chronicle 1;1-17

1  Ndien Solomon eyen David aka iso ndinam itie edidem esie ọsọn̄ọ ada,+ Jehovah Abasi esie onyụn̄ odu ye enye+ onyụn̄ anam enye enen̄ede okpon.+  Ndien Solomon okot ofụri Israel, ye mme etubom mme tọsịn+ ye eke ikie+ ye mme ebiereikpe+ ye kpukpru mbọn̄ ofụri Israel+ kpa mme etubom ke mme ufọk mme ete mmọ.+  Ekem Solomon ye ofụri esop ẹdọk ẹka edikon̄ ebiet emi odude ke Gibeon;+ koro tent usopidem+ ata Abasi, emi Moses asan̄autom+ Jehovah akanamde ke wilderness, okodude do.  Edi David ama emen ekebe+ ata Abasi ke Kiriath-jearim+ ọdọk aka ebiet emi David eketịmde ọnọ enye,+ koro enye okowụkde tent ọnọ ekebe oro ke Jerusalem.+  Ndien itieuwa okpoho+ emi Bezalel+ eyen Uri eyen Hur+ akanamde odu ke iso tent utuakibuot Jehovah; ndien Solomon ye ofụri esop ẹsika do ẹkebụp uyo Abasi.  Ndien Solomon awa uwa do ke iso Jehovah ke itieuwa okpoho ke tent usopidem, enye onyụn̄ awa tọsịn edifọp uwa ke esịt.+  Ke okoneyo oro Abasi owụt Solomon idem onyụn̄ ọdọhọ enye ete: “Ben̄e! Nso ke oyom nnọ fi?”+  Ntem Solomon ọbọrọ Abasi, ete: “Afo edi Enye emi okowụtde David ete mi+ akwa ima-mfọnido, afo omonyụn̄ enịm mi ke edidem ke itie esie.+  O Jehovah Abasi yak un̄wọn̄ọ emi afo ọkọn̄wọn̄ọde ọnọ David ete mi osu,+ koro afo amanam mi ndi edidem+ nnọ mbon emi ẹwakde nte ntan isọn̄.+ 10  Mbọk nọ mi ọniọn̄ ye ifiọk+ man ndiọn̄ọ nte n̄kemede ndidụk nnyụn̄ n̄wọrọ ke iso mbon emi,+ koro anie ekeme ndikpe ikpe akwa ikọt fo emi?”+ 11  Ndien Abasi ọdọhọ Solomon ete: “Sia n̄kpọ emi odude fi ke esịt,+ afo mûnyụn̄ uben̄eke inyene ye ukpono mûnyụn̄ uben̄eke ukpọn̄ mbon emi ẹsuade fi m̀mê ndiben̄e ediwak usen,+ edi eben̄ede ọniọn̄ ye ifiọk man ekpe ikpe ikọt mi emi ami nnịmde fi ke edidem mmọ,+ 12  mmọn̄ nnọ fi ọniọn̄ ye ifiọk oro;+ nyonyụn̄ nnọ fi inyene ye ukpono, orụk emi akanam ndidem emi ẹkebemde fi iso ẹdu mînyeneke,+ ye orụk eke baba owo kiet eke editienede fi edem mîdinyeneke.”+ 13  Ntre Solomon oto edikon̄ ebiet emi odude ke Gibeon,+ ke iso tent usopidem+ edi Jerusalem, ndien aka iso ndikara Israel.+ 14  Ndien Solomon ọkọ mme chariot ye mme enan̄-mbakara ekọn̄ tutu enye enyene chariot tọsịn kiet ikie inan̄ ye enan̄-mbakara ekọn̄ tọsịn duopeba,+ enye onyụn̄ atan̄ mmọ obon ke mme obio chariot+ onyụn̄ obon ekpere edidem ke Jerusalem. 15  Ndien edidem anam silver ye gold ẹwak ke Jerusalem nte itiat;+ enye onyụn̄ anam eto cedar enen̄ede awak nte eto sycamore+ emi ẹdude ke Shephelah.+ 16  Ndien mme enan̄-mbakara oro Solomon ekenyenede ẹketo Egypt,+ otu mbonurua edidem ẹkenyụn̄ ẹdep udịm enan̄-mbakara emi.+ 17  Ndien ẹkesidep chariot ẹto Egypt ke mbak silver ikie itiokiet ẹnyụn̄ ẹdep enan̄-mbakara ke mbak silver ikie ye aba ye duop; ntem ke ekedi ye kpukpru ndidem Hittite ye ndidem Syria.+ Ẹkesibọ mmọ n̄kpọ ẹdep.

Mme Ikọ Idakisọn̄