Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Timothy 6;1-21

6  Yak kpukpru ifịn* ẹka iso ẹbat ẹte mme andinyene mmimọ ẹdot ndibọ ọyọhọ ukpono,+ mbak ẹditịn̄ n̄kpọ ẹbiat enyịn̄ Abasi ye ukpepn̄kpọ esie.+  Akan oro, yak mmọ eke ẹnyenede mme eteufọk+ oro ẹnịmde ke akpanikọ ẹkûse mmọ+ ke usụhọde, ke ntak emi mmọ ẹdide nditọete.+ Utu ke oro, yak mmọ ẹtetịm ẹdụk ufụn ẹkan, koro mmọ oro ẹbọde ufọn utom mmọ ẹdi mme andinịm ke akpanikọ ye ndima nditọete. Ka iso kpep mme n̄kpọ+ emi nyụn̄ nọ mme item emi.  Edieke owo ekededi ekpepde ukpepn̄kpọ+ en̄wen mînyụn̄ inyịmeke nti+ ikọ Ọbọn̄ nnyịn Jesus Christ, m̀mê ukpepn̄kpọ oro asan̄ade ekekem ye uten̄e+ Abasi,  enye okohode idem,+ ifiọkke n̄kpọ ndomokiet,+ edi ọdọn̄ọ ke ekikere+ ke mbụme ye eneni emi ẹban̄ade ikọ.+ Mme n̄kpọ emi ẹda isịnenyịn+ ẹdi, ye utọk ye ikọ isụn̄i+ ye idiọk eyịghe  ye n̄kpọsọn̄ eneni ke n̄kpri n̄kpọ ke otu mbon oro ekikere+ mmọ ama akabiara, emi ẹnyụn̄ ẹtabade akpanikọ,+ ẹkerede ẹte ke uten̄e Abasi edi usụn̄ udia udori.+  Ke akpanikọ, uten̄e+ Abasi emi edi usụn̄ akwa udori+ ke ini asan̄ade ye ediyụhọ ye se owo enyenede.+  Koro nnyịn ikadaha baba n̄kpọ kiet idụk ererimbot, idinyụn̄ ikemeke ndida baba n̄kpọ kiet n̄wọrọ.+  Ntre, ke inyenede se idiade ye se isịnede ye itie udakibuot, nnyịn iyoyụhọ ye mme n̄kpọ emi.+  Nte ededi, mbon oro ẹbierede ndinyene inyene ẹduọ ẹdụk idomo+ ye ekpọ ye ediwak ndisịme ye ndiọi udọn̄,+ emi ẹdụride mme owo ẹsịn ke nsobo ye nditaha.+ 10  Koro ima+ okụk edi orụn̄+ kpukpru orụk idiọkn̄kpọ,+ ndien ke edinyanade mbịne ima emi, ndusụk owo ẹma ẹyo ẹkpọn̄ mbuọtidem ẹnyụn̄ ẹda ediwak ubiak ẹnọmọ idemmọ.+ 11  Edi, afo, O owo Abasi, fehe kpọn̄ mme n̄kpọ emi.+ Edi bịne edinen ido, uten̄e Abasi, mbuọtidem, ima, ime, ye ifụre ifụre ido.+ 12  N̄wana eti en̄wan mbuọtidem,+ sọn̄ọ mụm nsinsi uwem kama, emi ẹkekotde fi edida enyene, afo okonyụn̄ etịn̄de+ eti ikọ mbuọtidem an̄wan̄wa ke iso ediwak ntiense. 13  Ke iso Abasi, emi enịmde kpukpru n̄kpọ uwem, ye ke iso Christ Jesus, emi ọkọnọde eti ikọ ntiense+ ke iso Pontius Pilate,+ mmowụk+ fi 14  nte enịm ewụhọ oro ke usụn̄ oro ananade ntọi mînyụn̄ inyeneke se ẹtịn̄de ẹdian fi tutu esịm ini emi Ọbọn̄ nnyịn Jesus Christ ediyararede+ idem. 15  Ediyarade emi ke n̄kukụre Andinyene Akwa Odudu+ emi okopde inemesịt ediwụt ke edikem ini+ esie, enye emi edide Edidem+ mbon oro ẹkarade nte ndidem ye Ọbọn̄ mbon+ oro ẹkarade nte mbọn̄, 16  emi enye ikpọn̄ mîkemeke ndikpa,+ emi odụn̄de ke un̄wana+ eke owo mîkemeke ndisan̄a n̄kpere, emi akanam baba owo kiet mîkwe mîdinyụn̄ ikemeke ndikụt.+ Yak ukpono+ ye nsinsi odudu ẹnyene enye. Amen. 17  Nọ mbon oro ẹnyenede inyene+ ke editịm n̄kpọ emi uyo ete ẹkûkohode idem,+ ẹkûnyụn̄ ẹdori enyịn ke inyene oro mînyeneke iwụk,+ edi ẹdori enyịn ke Abasi, emi ọnọde nnyịn kpukpru n̄kpọ uwak uwak ete ida ikop inemesịt;+ 18  dọhọ mmọ ete ẹfọn ido,+ ẹyọhọ ye nti utom,+ ẹtat ubọk, ẹnyịme ndibuana se mmọ ẹnyenede,+ 19  ẹsịn eti itiat idakisọn̄+ nte n̄kpọuto ẹnịm+ ẹnọ idemmọ kaban̄a ini iso, man mmọ ẹkpesọn̄ọ ẹmụm ata uwem ẹkama.+ 20  O Timothy, kpeme se ẹkeyakde ẹsịn fi ke ubọk,+ wọn̄ọde kpọn̄ ikpîkpu ndutịn̄ oro ẹsabarede se isanade ye mme ntuaha oro ẹdude ke se ẹkotde ke nsu ẹte “ifiọk.”+ 21  Koro ndusụk owo ẹma ẹwọn̄ọde ẹkpọn̄ mbuọtidem ke ndikada utọ ifiọk oro n̄wụt idem.+ Mfọnido oro owo mîdotke akpakam odu ye mbufo.

Mme Ikọ Idakisọn̄

At. Ed., “ifịn emi ẹdude ke idak ọkpọnọ.”