Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Timothy 1;1-20

1  Ami Paul, emi ndide apostle+ Christ Jesus nte ekemde ye uyo Abasi+ Andinyan̄a+ nnyịn ye eke Christ Jesus, idotenyịn+ nnyịn,  nnọ n̄wed emi ẹsọk Timothy+ ata eyen+ ke mbuọtidem: Mfọnido oro owo mîdotke ye mbọm ye emem emi ẹtode Abasi Ete ye Christ Jesus Ọbọn̄ nnyịn ẹkpekam ẹdu ye afo.+  Kpa nte n̄kesịnde udọn̄ nnọ fi nte odu ke Ephesus ke ini n̄koyomde ndibe n̄ka Macedonia,+ kpa ntre ke nnam idahaemi, man afo okpowụk+ ndusụk owo ete ẹkûkpep isio ukpepn̄kpọ,+  ẹkûnyụn̄ ẹkpan̄ utọn̄ ẹnọ mme nsunsu mbụk+ ye mbụk udịm ubon, emi mînyeneke ufọn,+ edi emi ẹdemerede mme mbụme ndida nnam ndụn̄ọde utu ke ndinọ n̄kpọ ekededi oro otode Abasi emi aban̄ade mbuọtidem.  Ke akpanikọ nnọ ewụhọ emi man inyene ima+ eke otode edisana esịt+ onyụn̄ otode eti ubieresịt+ ye mbuọtidem eke mîsan̄ake ye mbubịk.+  Ndusụk owo ẹma ẹwọn̄ọde+ ẹkpọn̄ mme n̄kpọ emi, ẹnyụn̄ ẹkabade ẹsịn idem ke ikpîkpu ndutịn̄,+  ẹyom ndidi mme ekpep+ ibet,+ edi ifiọkke mme n̄kpọ eke mmọ ẹdọhọde m̀mê mme n̄kpọ eke mmọ ẹsọn̄ọde uyo ẹtịn̄ ẹban̄a.  Edi nnyịn imọfiọk ke Ibet ọfọn,+ ama akam edi owo ada enye anam n̄kpọ nte enende+  sia ifiọkde ite owo inịmke ibet inọ edinen owo, edi ẹnịm ẹnọ mme abiatibet+ ye mbon nsọn̄ibuot,+ mme anana uten̄e Abasi ye mme anamidiọk, mbon emi mînyeneke ima-mfọnido+ ye mmọ eke ẹsabarede se isanade, mbon emi ẹwotde ete ye eka ye mbon en̄wen, 10  mbon use,+ irenowo emi ẹdan̄de ye irenowo, mme omụm owo ke ukat, mme osu nsu, mme ada un̄wọn̄ọ ke nsu,+ ye n̄kpọ efen ekededi oro ọbiọn̄ọde+ eti ukpepn̄kpọ+ 11  emi asan̄ade ekekem ye ubọn̄ ubọn̄ eti mbụk Abasi inemesịt,+ oro ẹkeyakde ẹsịn mi ke ubọk.+ 12  Mmọkọm Christ Jesus Ọbọn̄ nnyịn, emi ọkọnọde mi odudu, koro enye akabatde mi ke owo akpanikọ+ ke ndinọ mi utom nnam,+ 13  okposụkedi n̄kedide osụn̄i isụn̄i ye andikọbọ+ ye owo emiom+ ke mbemiso. Edi, ẹma ẹtua mi mbọm,+ koro n̄kananade ifiọk+ n̄konyụn̄ nnamde n̄kpọ ke unana mbuọtidem. 14  Edi mfọnido Ọbọn̄ nnyịn oro owo mîdotke awak etieti+ ọkọrọ ye mbuọtidem ye ima oro odude ke Christ Jesus.+ 15  Ikọ+ oro edide akpanikọ onyụn̄ odotde ẹbọ ọyọhọ ọyọhọ edi nte ke Christ Jesus ekedi ererimbot ndinyan̄a mme anamidiọk.+ Ami ndi akakan ke otu mmọ emi.+ 16  Edi, ntak emi ẹketuade mi mbọm+ ekedi man Christ Jesus akpada mi nte akakan anamidiọk owụt ofụri anyanime esie nte uwụtn̄kpọ ọnọ mbon oro ẹdibuọtde idem+ ke enye man ẹnyene nsinsi uwem.+ 17  Yak ukpono ye ubọn̄ ẹnyene nsinsi+ Edidem emi mîkemeke ndikpa,+ enyịn mînyụn̄ ikemeke ndikụt,+ kpa Abasi kierakiet,+ ke nsinsi nsinsi.+ Amen. 18  Ewụhọ+ emi ke n̄kemen nnọ fi, eyen mi Timothy, nte ekemde ye se ẹkebemde iso ẹtịn̄+ ẹban̄a fi, man afo akpada mmọ aka iso an̄wana eti en̄wan;+ 19  ọsọn̄ọ omụm mbuọtidem ye eti ubieresịt+ akama, emi ndusụk owo ẹma ẹkekpọnọde ẹnịm+ ẹnyụn̄ ẹyak mbuọtidem mmọ owụre nte nsụn̄ikan̄.+ 20  Hymenaeus+ ye Alexander+ ẹdu ke otu mmọ emi, ndien mma nyak mmọ nnọ Satan+ man ẹkpeda ntụnọ ẹkpep mmọ ẹtre ndisụn̄i Abasi.+

Mme Ikọ Idakisọn̄