Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Thessalonica 3;1-13

3  Mmọdo, ke ini nnyịn mîkekemeke ndime aba, nnyịn ima ikere ke ọfọn nnyịn kpọt ndisụhọ ke Athens;+  ndien ima idọn̄ Timothy,+ eyenete nnyịn ye asan̄autom Abasi emi esitan̄ade eti mbụk+ aban̄ade Christ, man anam mbufo ẹsọn̄ọ ẹda onyụn̄ ọdọn̄ mbufo esịt man ọsọn̄ọ mbuọtidem mbufo,  mbak owo ndomokiet ediyok ke ntak ukụt emi.+ Koro mbufo ke idem mbufo ẹmefiọk ẹte ke ẹnịm nnyịn kaban̄a n̄kpọ emi.+  N̄ko, ke ini nnyịn ikodude ye mbufo, nnyịn ima isitịn̄ inọ mbufo+ ite ke nnyịn inyene ndikụt ukụt,+ kpa nte etịbede ke emi, kpa nte mbufo ẹnyụn̄ ẹfiọkde.+  Ntak edi oro, ke ini mmen̄kekemeke ndime aba, mma nsio owo ndọn̄ edi man mfiọk m̀mê mbufo ke ẹnam akpanikọ,+ m̀mê Andidomo+ akam odomo mbufo, ndien ọkpọsọn̄ utom nnyịn akabade edi ikpîkpu.+  Edi Timothy ndisụk nto ke ọtọ mbufo nnyọn̄ mbịne nnyịn+ edi oro onyụn̄ edinọ nnyịn eti mbụk aban̄a edinam akpanikọ ye ima mbufo,+ ye nte ke mbufo ke ẹteti nnyịn mfọn mfọn kpukpru ini, ke onyụn̄ ọdọn̄ mbufo ndikụt nnyịn, kpa nte ọdọn̄de nnyịn n̄ko ndikụt mbufo.+  Ntak edi oro, nditọete, nnyịn ikopde ndọn̄esịt+ iban̄a mbufo ke kpukpru mbaba ye ukụt nnyịn koro mbufo ẹkade iso ẹnam akpanikọ,+  koro nnyịn idude uwem ke emi edieke mbufo ẹsọn̄ọde ẹda ke Ọbọn̄.+  Koro nso ekọm ke nnyịn ikpọnọ Abasi iban̄a mbufo ke usiene ofụri idatesịt emi nnyịn idarade+ ke ntak mbufo ke iso Abasi nnyịn, 10  ke adan̄aemi nnyịn inamde ọkpọsọn̄ n̄kpeubọk+ okoneyo ye uwemeyo man ikụt mbufo iso inyụn̄ inọ se inanade mbufo ke mbuọtidem?+ 11  Ndien Abasi ye Ete nnyịn ye Ọbọn̄ nnyịn Jesus+ ẹkpekam ẹda nnyịn usụn̄ uforo uforo ẹsọk mbufo. 12  Akan oro, Ọbọn̄ akpakam anam mbufo ẹtọt,+ ih, akpakam anam mbufo ẹnen̄ede ẹma+ kiet eken ẹnyụn̄ ẹma kpukpru owo, kpa nte nnyịn n̄ko imade mbufo; 13  man enye akpanam esịt mbufo enyene iwụk, anana ndo+ onyụn̄ asana ke iso Abasi ye Ete nnyịn ke ini edidu+ Ọbọn̄ nnyịn Jesus ye kpukpru ndisana ikọt esie.+

Mme Ikọ Idakisọn̄