Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Thessalonica 2;1-20

2  Nditọete, ke akpanikọ, mbufo ẹmefiọk ke nnyịn ndikedi ndise+ mbufo ikọwọrọke ikpîkpu,+  ye nte nnyịn, ke ima ikebem iso ikụt ukụt+ inyụn̄ ibọ emiom+ (kpa nte mbufo ẹfiọkde) ke Philippi,+ ikadade uko ke Abasi nnyịn itan̄a+ eti mbụk Abasi inọ mbufo ye ọkpọsọn̄ en̄wan.  Koro item oro nnyịn inọde itoho ke ndudue m̀mê ke mbubiam ido+ m̀mê abian̄a,  edi, kpa nte Abasi okodomode nnyịn okụt ete odot ndiyak eti mbụk nsịn nnyịn ke ubọk,+ ntre ke nnyịn itịn̄, nte enemde+ Abasi emi odomode nnyịn esịt ese idịghe owo.+  Ke akpanikọ, akananam nnyịn idaha nneminua+ itiene mbufo, (kpa nte mbufo ẹfiọkde) m̀mê ndisan̄a ke abian̄a+ nsịn esịt ke n̄kpọ owo,+ Abasi edi ntiense!  Nnyịn inyụn̄ iyomke ubọn̄ ito mme owo,+ baba, iyomke ito mbufo m̀mê mbon en̄wen, okposụkedi nnyịn ikpedide ndodobi mbiomo+ nte mme apostle Christ.  Utu ke oro, nnyịn iketie sụn̄sụn̄ ke otu mbufo, nte emi eka ọbọkde+ nditọ esiemmọ.  Ntre, sia inyenede esịt ima inọ mbufo,+ nnyịn ima inen̄ede ikop inemesịt, idịghe ke edinọ mbufo eti mbụk Abasi kpọt, edi n̄ko ke edinọ mbufo ukpọn̄+ nnyịn, sia nnyịn inen̄erede ima+ mbufo.  Nditọete, mbufo ẹmeti ọkpọsọn̄ utom oro nnyịn ikanamde ye nte nnyịn ikan̄wanade idem. Nnyịn ima inam utom+ okoneyo ye uwemeyo, man ikûdori owo mbufo ekededi ndodobi mbiomo ke idem,+ ke ini ikọkwọrọde eti mbụk Abasi inọ mbufo. 10  Mbufo ẹdi ntiense, Abasi etiene edi n̄ko, ẹban̄a nte nnyịn ikọsọn̄ọde ida inyụn̄ inamde se inende mînyụn̄ inyeneke nduduọhọ+ ke otu mbufo emi ẹnịmde ke akpanikọ. 11  Kpasụk ntre mbufo ẹmetịm ẹfiọk ẹte, nnyịn ima ika iso iteme+ mbufo owo kiet kiet, inyụn̄ isọn̄ọ mbufo esịt inyụn̄ itịn̄ ikọ ntiense inọ mbufo, kpa nte ete+ anamde ye nditọ esie, 12  man mbufo ẹkpeka iso ẹsan̄a+ nte odotde ye Abasi emi okotde+ mbufo esịn ke obio ubọn̄+ ye ubọn̄ esie. 13  Ntak edi oro nnyịn n̄ko mîtreke ndikọm Abasi,+ koro ke ini mbufo ẹkebọde ikọ Abasi,+ emi mbufo ẹkekopde ẹto nnyịn, mbufo idaha enye nte ikọ owo,+ edi, ẹda enye ke se enye ke akpanikọ edide, kpa ikọ Abasi, emi anamde utom ke idem mbufo mme andinịm ke akpanikọ.+ 14  Koro mbufo, nditọete, ẹma ẹkabade ẹdi mme andikpebe mme esop Abasi emi ẹdude ke Judea ke Christ Jesus, koro mbufo n̄ko ẹma ẹtọn̄ọ ndikụt ukụt+ ke ubọk mbio obio mbufo kpa nte mmọ n̄ko ẹkụtde ukụt ke ubọk mme Jew, 15  emi ẹkewotde Ọbọn̄ Jesus+ ye mme prọfet+ ẹnyụn̄ ẹkọbọde nnyịn.+ N̄ko-n̄ko, mmọ inemke Abasi esịt, edi ẹbọbiọn̄ọ ufọn kpukpru owo, 16  nte mmọ ẹdomode ndikpan+ nnyịn nditịn̄ ikọ nnọ mbon idụt man ẹkpenyan̄a+ mmọ emi, man mmọ ẹnam udomo+ idiọkn̄kpọ mmọ ọyọhọ kpukpru ini. Edi iyatesịt esie odoro mmọ ke idem ke akpatre.+ 17  Amaedi nnyịn, nditọete, ke ini ẹkedian̄arede nnyịn ẹkpọn̄ mbufo ke esisịt ini, ke obụkidem, idịghe ke esịt, nnyịn ima inen̄ede isịn ukeme iyom ndikụt mbufo iso sia itọn̄ mbufo ekenen̄erede ọdọn̄ nnyịn.+ 18  Ke ntak emi nnyịn ima iyom ndidi ke ọtọ mbufo, ih, ami Paul mma nyom ndidi akpa ini ye ọyọhọ utịm ikaba, edi Satan ama ọbiọn̄ọ nnyịn. 19  Koro nso idi idotenyịn m̀mê idatesịt m̀mê anyanya+ idatesịt nnyịn—kamse, nte idịghe mbufo?—ke iso Ọbọn̄ nnyịn Jesus ke ini edidu esie?+ 20  Mbufo ke akpanikọ ẹdi ubọn̄ ye idatesịt nnyịn.

Mme Ikọ Idakisọn̄