Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Thessalonica 1;1-10

1  Ami Paul ye Silvanus+ ye Timothy+ inọ n̄wed emi ẹsọk esop mbon Thessalonica emi ẹbuanade n̄kpọ+ ye Abasi Ete ye Ọbọn̄ Jesus Christ: Mfọnido oro owo mîdotke ye emem ẹkpekam ẹdu ye mbufo.+  Nnyịn imesikọm Abasi kpukpru ini ke ini isiakde kpukpru mbufo enyịn̄ ke akam nnyịn,+  koro nnyịn mîtreke nditi utom mbuọtidem+ mbufo ye utom ima mbufo ye ime mbufo oto ke ntak idotenyịn+ mbufo ke Ọbọn̄ nnyịn Jesus Christ ke iso Abasi ye Ete nnyịn.  Nditọete emi Abasi amade, nnyịn imọfiọk ke enye ama emek mbufo,+  koro eti mbụk oro nnyịn ikwọrọde ikedịghe ke ikọ kpọt ke otu mbufo edi n̄ko akasan̄a ye odudu+ ye edisana spirit ye ọkpọsọn̄ mbuọtidem,+ kpa nte mbufo ẹfiọkde orụk owo eke nnyịn ikedide ke ntak mbufo;+  mbufo ẹma ẹnyụn̄ ẹkabade ẹdi mme andikpebe+ nnyịn ye mme andikpebe Ọbọn̄,+ koro mbufo ẹkebọde ikọ oro ke idak ọkpọsọn̄ ukụt+ ye idatesịt edisana spirit,+  anamde mbufo ẹkabade ẹdi uwụtn̄kpọ ẹnọ kpukpru mme andinịm ke akpanikọ ke Macedonia ye ke Achaia.  Koro idịghe ke Macedonia ye Achaia kpọt ke mbufo ẹkwọrọ ikọ Jehovah,+ edi ẹtop mbuọtidem+ mbufo ke Abasi amasuana ke kpukpru ebiet,+ tutu iyomke nnyịn itịn̄ baba n̄kpọ kiet.  Koro mmọ ẹka iso ẹtịn̄ ẹban̄a nte nnyịn ikebemde iso idụk ke otu mbufo ye nte mbufo ẹkekpọn̄de ndem+ mbufo ẹwọn̄ọde ẹtiene Abasi man ẹdụk ufụn ẹnọ odu-uwem+ ye ata Abasi,+ 10  ẹnyụn̄ ẹtie ẹbet+ Eyen esie oto ke heaven+ edi, emi enye akanamde eset ke n̄kpa,+ oro edi, Jesus, emi anyan̄ade nnyịn osio ke iyatesịt oro edide.+

Mme Ikọ Idakisọn̄