Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 9;1-27

9  Ndien owo Benjamin kiet ama odu, enye ekekere Kish,+ eyen Abiel, eyen Zeror, eyen Becorath, eyen Aphiah, owo Benjamin,+ owo ediwak inyene.+  Ndien enye ama enyene eyeneren kiet emi ekerede Saul,+ emi ekedide ediye akparawa, ndien ikodụhe owo eke eyede uyai nte enye ke otu nditọ Israel; enye ama ọniọn̄ akan kpukpru owo, ikonyụn̄ idụhe owo eke ọniọn̄de ebe enye afara.+  Ndien mme uman ass+ Kish, ete Saul, ẹsop. Ntre Kish ọdọhọ Saul eyen esie, ete: “Mbọk, daha ke enyọn̄, afo ye kiet ke otu mme asan̄autom mi, ẹka ẹkeyom mme ass oro.”  Ndien enye adaha asan̄a obot obot ikpehe Ephraim+ ebe ke isọn̄ Shalishah,+ edi ikwe mmọ. Mmọ ẹnyụn̄ ẹsan̄a ke isọn̄ Shaalim ẹbe, edi mmọ idụhe do. Ndien enye asan̄a ke isọn̄ mbon Benjamin ebe, edi ikwe mmọ.  Ekem mmọ ẹdisịm ke isọn̄ Zuph; Saul ọdọhọ asan̄autom esie oro odude ye enye ete: “Di, nnyịn ifiak inyọn̄, mbak ete mi edikam ọkpọn̄ mme uman ass oro akabade etịmede esịt aban̄a nnyịn.”+  Edi asan̄autom oro ọdọhọ enye ete: “Mbọk, sese! owo Abasi+ odu mi ke obio emi, enye onyụn̄ edi owo emi ẹkponode. Kpukpru se enye etịn̄de isitreke ndisu.+ Yak ika do idahaemi. Ekeme ndidi enye eyetịn̄ ọnọ nnyịn ebiet emi idikade.”  Ntem Saul ọdọhọ asan̄autom esie ete: “Ndien edieke nnyịn ikade, nso ke nnyịn idida isọk owo emi?+ koro uyo omokụre ke ekpat nnyịn, enọ+ inyụn̄ idụhe nnyịn ke ubọk ndida nsọk owo ata Abasi emi. Nso ke nnyịn inyene?”  Ntem asan̄autom oro afiak ọbọrọ Saul, ete: “Sese! mmenyene ubak shekel+ silver kiet ke itie inan̄, nyada enye nnọ owo ata Abasi emi, ndien enye eyeteme nnyịn usụn̄ oro idikade.”  (Ke eset, ke ini owo akade ndibụp uyo Abasi ke Israel, ẹkesidọhọ ẹte: “Mbufo ẹdi, nnyịn ika ibịne okụt-n̄kukụt.”+ Koro ke eset ẹkesikot prọfet, okụt-n̄kukụt.) 10  Ntem Saul ọdọhọ asan̄autom esie ete: “Ikọ fo ọfọn.+ Di nnyịn ika.” Ndien mmọ ẹdaha ẹka obio emi owo ata Abasi odude. 11  Adan̄aemi mmọ ẹsan̄ade ke usụn̄ emi ọdọkde aka obio, mmọ ẹkụt nditọiban ẹkade ndikoi mmọn̄.+ Ntre mmọ ẹbụp mmọ ẹte: “Nte okụt-n̄kukụt+ odu mi?” 12  Ndien mmọ ẹbọrọ ẹte: “Ih, enye mi. Sese enye ko ke iso mbufo! Ẹsọsọp ẹka idahaemi, koro enye edi obio mfịn, sia ẹmọn̄ ẹfọp uwa+ mfịn ẹnọ mbio obio ke edikon̄ ebiet.+ 13  Ke ndondo oro mbufo ẹdụkde obio, mbufo ẹyekụt enye kpa idahaoro mbemiso enye ọdọkde aka ndidia udia ke edikon̄ ebiet; koro mbio obio mîdidiaha udia tutu enye edi, koro edi enye esidiọn̄ uwa.+ Ke oro ebede, mmọ emi ẹkekotde ẹyedia udia. Ke emi, mbufo ẹdọk ẹka, koro ẹmọn̄ ẹkụt enye kpa idahaoro.” 14  Ntem mmọ ẹdọk ẹka obio. Ke adan̄aemi mmọ ẹsịmde ufọt obio, sese! Samuel ọwọrọde do edisobo ye mmọ nte enye ọdọkde aka edikon̄ ebiet. 15  Edi Jehovah ama ayarade+ ọnọ Samuel n̄kpọn̄ emi ekebede mbemiso Saul edide, ete: 16  “N̄kpọn̄ ke ukem ini emi, nyọdọn̄ owo oto isọn̄ Benjamin+ edi ebịne fi, afo oyonyụn̄ eyet enye aran+ man edi adausụn̄ ọnọ ikọt mi Israel; enye oyonyụn̄ anyan̄a ikọt mi osio mbon Philistia ke ubọk,+ koro mmokụt ukụt ikọt mi, eseme mmọ omonyụn̄ esịm mi.”+ 17  Ekem Samuel okụt Saul, ndien Jehovah ọdọhọ enye ete: “Sese owo oro n̄kọdọhọde fi mi nte, ‘Owo emi edikara ikọt mi.’”+ 18  Ntem Saul asan̄a edisịm Samuel ke ufọt inuaotop onyụn̄ obụp enye ete: “Mbọk, sian mi, M̀mọ̀n̄ ke ufọk okụt-n̄kukụt odu?” 19  Ndien Samuel ọbọrọ Saul ete: “Ami ndi okụt-n̄kukụt oro. Bem mi iso dọk ka edikon̄ ebiet, koro mbufo ẹyedia udia ye ami mfịn,+ ndien nyanam mbufo ẹnyọn̄ọ ke usenubọk, nyonyụn̄ nsian fi kpukpru se isịnede fi ke esịt.+ 20  Amaedi mme uman ass emi ẹkesopde usen ita emi ẹbede,+ kûfịna idem fo,+ koro ẹmekụt mmọ. Anie enyene kpukpru ndiye n̄kpọ emi ẹdude ke Israel?+ Nte idịghe afo ye ofụri ufọk ete fo?” 21  Ntem Saul ọbọrọ ete: “Nte ami ndịghe owo Benjamin kpa esien emi ekpride akan+ ke Israel,+ nte inyụn̄ idịghe ubon mi osụhọde akan ke otu mme ubon ke esien Benjamin?+ Mmọdo ntak emi afo etịn̄de utọ n̄kpọ emi ye ami?”+ 22  Ndien Samuel ada Saul ye asan̄autom esie aka ufọk udia, akanam enye etie ibuot+ ọnọ mbon oro ẹkekotde; mmọ ẹkedi n̄kpọ nte owo edịp ye duop. 23  Ekem Samuel ọdọhọ etemudia ete: “Nọ mi ubak unam oro n̄kọnọde fi do enịm, emi n̄kọdọhọde nte, ‘Sio enye emi nịm.’” 24  Ntre etemudia osio ukot ye se idianade ke enye, enịm Saul ke iso. Ndien enye ọdọhọ ete: “Se ẹkenịmde edi emi. Men nịm ke iso fo. Ta, koro ẹkenịmde emi ẹnọ fi man afo akpata enye ke edikem ini ye mbon oro ẹkekotde.” Ntre Saul adia udia ye Samuel ke usen oro. 25  Ekem mmọ ẹto edikon̄ ebiet+ ẹsụhọde ẹdụk obio, ndien enye odoro ke enyọn̄ ufọk+ aka iso etịn̄ ikọ ye Saul. 26  Ndien mmọ ẹbak ẹdemede, ndien ke ndondo oro eyo an̄wan̄ade Samuel okot Saul ke enyọn̄ ufọk, ete: “Daha ke enyọn̄, man nnam fi ọnyọn̄.” Ntre Saul adaha ke enyọn̄, ndien mmọ mbiba, enye ye Samuel, ẹsan̄a ntre ẹwọrọ ke enyịnusụn̄. 27  Adan̄aemi mmọ ẹkperede ndiwọrọ ke obio, Samuel ọdọhọ Saul ete: “Dọhọ asan̄autom+ fo ebe nnyịn asan̄ ke iso”—ntre enye ebe asan̄—“edi ke emi, afo tuak da man nnam fi okop se Abasi ọdọhọde.”

Mme Ikọ Idakisọn̄