Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Samuel 7;1-17

7  Ekem mbon Kiriath-jearim+ ẹsụhọde ẹdimen ekebe Jehovah ẹdọk ẹkenịm ke ufọk Abinadab+ ke obot, ndien mmọ ẹnam Eleazar eyen esie asana, ẹnyụn̄ ẹnịm enye ẹte ekpeme ekebe Jehovah.  Ndien Ekebe oro odu ke Kiriath-jearim enen̄ede ebịghi, tutu esịm isua edịp, ndien ofụri ufọk Israel ẹseme ẹyom Jehovah.+  Ndien Samuel ọdọhọ ofụri ufọk Israel ete: “Edieke edide mbufo ẹfiak ẹtiene Jehovah ke ofụri esịt,+ ẹsion̄o kpukpru isen abasi ke otu mbufo ẹduọn̄ọ,+ ọkọrọ ye mme mbiet Ashtoreth,+ ẹnyụn̄ ẹyak ofụri esịt mbufo ẹnọ Jehovah, ẹkûnyụn̄ ẹsehede, ẹnyụn̄ ẹnam n̄kpọ ẹnọ enye ikpọn̄-ikpọn̄,+ ndien enye ayanyan̄a mbufo osio mbon Philistia ke ubọk.”+  Ntem nditọ Israel ẹsion̄o mme mbiet Baal+ ye mbiet Ashtoreth+ ẹduọn̄ọ, ẹnyụn̄ ẹnam n̄kpọ ẹnọ Jehovah ikpọn̄-ikpọn̄.  Ekem Samuel ọdọhọ ete: “Ẹnam ofụri Israel+ ẹsop idem ọtọkiet ke Mizpah,+ man mbọn̄ akam+ ke ibuot mbufo nnọ Jehovah.”  Ntre, mmọ ẹsop idem ọtọkiet ke Mizpah, ndien mmọ ẹkoi mmọn̄ ẹn̄wan̄a ẹduọk ke iso Jehovah ẹnyụn̄ ẹtie utreudia ke usen oro.+ Ndien mmọ ẹtie do ẹdọhọ ẹte: “Nnyịn imanam idiọkn̄kpọ idue Jehovah.”+ Ndien Samuel ọtọn̄ọ ndikpe ikpe+ Israel ke Mizpah.  Ndien mbon Philistia ẹkop ke nditọ Israel ẹma ẹsop idem ọtọkiet ke Mizpah, ndien mbọn̄+ Philistia emi ẹdianade kiet ẹdọk ẹka ndin̄wana ye Israel. Ke ini nditọ Israel ẹkopde n̄kpọ emi, ndịk anam mmọ aban̄a mbon Philistia.+  Ntre nditọ Israel ẹdọhọ Samuel ẹte: “Kûtre ndiseme nnọ Jehovah Abasi nnyịn mben̄e un̄wam nnọ nnyịn,+ man enye akpanyan̄a nnyịn osio mbon Philistia ke ubọk.”  Ekem Samuel ada eyenerọn̄ eke awapde eba, ọfọp enye ofụri ke edifọp uwa,+ ọnọ Jehovah; ndien Samuel eseme ọnọ Jehovah eben̄e un̄wam ọnọ Israel,+ Jehovah onyụn̄ eyere enye.+ 10  Edikem ke adan̄aemi Samuel osụk ọfọpde edifọp uwa oro, mbon Philistia ẹsan̄a ẹkpere ndin̄wana ekọn̄ ye Israel. Ndien Jehovah anam ọkpọsọn̄ obuma+ otop ke usen oro, emi onyụn̄ esịn mbon Philistia ke ndutịme;+ ndien Israel ẹkan mmọ.+ 11  Ntem mbon Israel ẹbụmede ẹwọrọ ke Mizpah ẹbịne mbon Philistia, ẹnyụn̄ ẹwot mmọ tutu esịm usụk Beth-car. 12  Ndien Samuel ada itiat+ owụk ke ufọt Mizpah ye Jeshanah onyụn̄ osio itiat oro enyịn̄ Ebenezer. Enye onyụn̄ ọdọhọ ete: “Jehovah aman̄wam nnyịn tutu esịm emi.”+ 13  Ntem ke ẹkekan mbon Philistia, mmọ inyụn̄ idụkke aba isọn̄ Israel;+ ubọk Jehovah onyụn̄ odoro mbon Philistia ke ofụri eyouwem Samuel.+ 14  Ndien mbon Philistia ẹyak mme obio emi mmọ ẹkebọde Israel ẹnọ Israel, ọtọn̄ọde ke Ekron tutu esịm Gath, Israel onyụn̄ afiak ọbọ mbon Philistia mme obio emi ẹkedude ke idak mmọ. Ndien Israel ẹdu ke emem ye mme Amorite.+ 15  Ndien Samuel ekpe ikpe Israel ke ofụri eyouwem esie.+ 16  Enye onyụn̄ anam isan̄ ke isua ke isua akanade Bethel,+ Gilgal,+ ye Mizpah,+ ekpe ikpe Israel+ ke kpukpru mme itie emi. 17  Ekem enye ọnyọn̄ aka Ramah,+ koro ufọk esie okodude do, enye onyụn̄ ekpe ikpe Israel do. Ndien enye ọbọp itieuwa do ọnọ Jehovah.+

Mme Ikọ Idakisọn̄