Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Samuel 31;1-13

31  Ekem mbon Philistia ẹn̄wana ekọn̄ ye Israel,+ ndien mbon Israel ẹfen̄e ke iso mbon Philistia, ndien mmọ ẹkpan̄a afai+ ke Obot Gilboa.+  Ndien mbon Philistia ẹta ẹdiana Saul ye nditọiren esie; ndien ke akpatre, mbon Philistia ẹwot Jonathan+ ye Abinadab+ ye Malchi-shua,+ nditọiren Saul.  Ndien ekọn̄ ọsọn̄ akan Saul, ke akpatre mbon utịgha ẹkụt enye, ẹnyụn̄ ẹtịgha enye ẹnọ unan idiọk idiọk.+  Ndien Saul ọdọhọ akama-n̄kpọekọn̄ esie ete: “Sio akan̄kan̄+ fo kịm mi wot mbak mbon edụt+ emi ẹdidi ẹdikịm mi ẹwot ẹnyụn̄ ẹsuene mi.” Edi akama-n̄kpọekọn̄ esie inyịmeke,+ koro ndịk anamde enye etieti. Ntre Saul osio akan̄kan̄ esie ọduọ ke esịt akpa.+  Ke ini akama-n̄kpọekọn̄ Saul okụtde ke enye akpa,+ enye n̄ko ọduọ ke akan̄kan̄ esie akpa ye enye.+  Ntem ke Saul ye nditọiren esie ita ye akama-n̄kpọekọn̄ esie, ye kpukpru ikọt esie ẹkpan̄a ọtọkiet ke usen oro.+  Ke ini nditọ Israel emi ẹkedude ke n̄kan̄ unaisọn̄ itịghede ye mbon oro ẹkedude ke n̄kan̄ Jordan ẹkụtde ke mbon Israel ẹfen̄e, ye nte ke Saul ye nditọiren esie ẹkpan̄a, mmọ ẹwọn̄ọ ẹkpọn̄ mme obio oro ẹfen̄e,+ ekem mbon Philistia ẹdi ẹdidụn̄ ke esịt.+  Ndien ke ndan̄nsiere, ke ini mbon Philistia ẹdide ndision̄o mbon oro ẹkewotde+ se mmọ ẹkesịnede, mmọ ẹkụt Saul ye nditọiren esie ita oro ẹma ẹkeduọn̄ọ ẹkpan̄a ke Obot Gilboa.+  Ndien mmọ ẹbịghi enye ibuot+ ẹnyụn̄ ẹsion̄o enye n̄kpọekọn̄ ke idem, ndien ẹdọn̄ ẹka ofụri isọn̄ mbon Philistia man ẹketọt+ mme ufọk ndem+ mmọ ye mbio obio. 10  Ke akpatre mmọ ẹmen n̄kpọekọn̄+ esie ẹkenịm ke ufọk mbiet Ashtoreth,+ ẹnyụn̄ ẹkọn̄ okpo esie ẹdian ke ibibene Beth-shan.+ 11  Ndien ekem mme andidụn̄ Jabesh-gilead+ ẹkop se mbon Philistia ẹkenamde Saul. 12  Inikiet inikiet kpukpru mbon uko ẹdaha ke enyọn̄ ẹsan̄a ofụri okoneyo, ẹka ẹkekọn̄ọde okpo Saul ye okpo nditọiren esie ke ibibene Beth-shan ẹnyọn̄ ẹdi Jabesh ẹdifọp ke ikan̄.+ 13  Ekem ẹtan̄ ọkpọ+ mmọ ẹkebụk+ ke idak eto tamarisk+ ke Jabesh, ẹnyụn̄ ẹtre udia usen itiaba.+

Mme Ikọ Idakisọn̄