Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

1 Samuel 3;1-21

3  Ndien eyen oro Samuel asan̄a utom+ ọnọ Jehovah ke iso Eli, ndien ikọ Jehovah+ ikawakke ke eyo oro;+ n̄kukụt+ ikonyụn̄ iwakke.  Edikem ke usen oro, Eli ana ke ubet esie, ndien enyịn ama ọtọn̄ọ ndikịm enye;+ enye inyụn̄ ikemeke ndikụt usụn̄.  Edi utuenikan̄ Abasi ikenịmeke kan̄a, Samuel onyụn̄ ana ke temple+ Jehovah, ke ebiet emi ekebe ediomi Abasi odude.  Ndien Jehovah okot Samuel. Enye onyụn̄ eyere ete: “Se mi mi.”+  Ndien enye efehe ebịne Eli, ọkọdọhọ ete: “Se mi mi, n̄kọm afo okot mi.” Edi enye ọbọrọ ete: “N̄kotke fi. Fiak kanana.” Ntre enye aka akanana.  Ndien Jehovah ọtọn̄ọ ntak okot: “Samuel!”+ Ntem Samuel adaha ebịne Eli, ọkọdọhọ ete: “Se mi mi, n̄kọm afo okot mi.” Edi enye ọbọrọ ete: “N̄kotke fi, eyen mi.+ Fiak kanana.”  (Ndien Samuel ikọfiọkke Jehovah kan̄a, Jehovah ikonyụn̄ iyarakede kan̄a ikọ esie inọ enye.)+  Ndien Jehovah ọtọn̄ọ ntak okot ọyọhọ utịm ikata: “Samuel!” Ndien enye adaha ebịne Eli, ọkọdọhọ ete: “Se mi mi, anaedi afo okot mi.” Ndien Eli edifiọk ke edi Jehovah okokot eyen oro.  Ntem Eli ọdọhọ Samuel ete: “Ka, kanana, ndien edieke enye ọtọn̄ọde ntak okot fi, dọhọ ete, ‘O Jehovah, tịn̄, koro asan̄autom fo ke akpan̄ utọn̄.’” Ntre Samuel aka akanana ke itie esie. 10  Ekem Jehovah edida do okot enye nte okokotde ke mme ini eken: “Samuel, Samuel!” Ntem Samuel ọbọrọ ete: “Mbọk, tịn̄, koro asan̄autom fo ke akpan̄ utọn̄.”+ 11  Ndien Jehovah ọdọhọ Samuel ete: “Sese! mmọn̄ nnam+ n̄kpọ ke Israel ndien ke ini owo ekededi edikopde, utọn̄ mbiba ẹyeduat enye.+ 12  Ke usen oro, nyanam ye Eli kpukpru se n̄ketịn̄de mban̄a ufọk esie, ọtọn̄ọde ke ntọn̄ọ tutu esịm utịt.+ 13  Afo nyụn̄ dọhọ enye ete ke ami mmọn̄ n̄kpe ikpe nnọ ufọk+ esie ke nsinsi ke ntak idiọkn̄kpọ emi enye ọfiọkde aban̄a,+ koro nditọ esie ẹsụn̄ide Abasi,+ enye inyụn̄ isuaha inọ mmọ.+ 14  Ntak edi oro n̄n̄wọn̄ọde nnọ ufọk Eli nte ke tutu amama ufọk Eli idikemeke ndida uwa m̀mê enọ mbọhọ ufen idiọkn̄kpọ esie.”+ 15  Ndien Samuel osụhọde ana tutu eyo esiere. Ekem enye eberede usụn̄ ufọk Jehovah.+ Ndien ndịk anam Samuel nditịn̄ n̄kukụt oro nnọ Eli.+ 16  Edi Eli okot Samuel onyụn̄ ọdọhọ enye ete: “Samuel, eyen mi!” Ndien enye ọbọrọ ete: “Se mi mi.” 17  Enye onyụn̄ obụp enye ete: “Nso ke enye eketịn̄ ọnọ fi? Mbọk, kûdịp mi.+ Abasi akpakam anam ntem ye afo, onyụn̄ ọdọdiọn̄ anam+ edieke afo edịpde mi baba ikọ kiet ke se enye eketịn̄de ọnọ fi.” 18  Ntre Samuel emen kpukpru ikọ oro etịn̄ ọnọ enye, inyụn̄ idịpke enye baba n̄kpọ kiet. Ndien Eli ọdọhọ enye ete: “Enye edi Jehovah. Yak enye anam se ededi oro ọfọnde enye ke enyịn.”+ 19  Ndien Samuel ọkọri okpon, Jehovah onyụn̄ odu ye enye,+ inyụn̄ iyakke ikọ esie baba kiet etre ndisu.*+ 20  Ofụri Israel, ọtọn̄ọde ke Dan tutu esịm Beer-sheba,+ ẹdifiọk ẹte ke ẹnịm Samuel ndidi prọfet Jehovah.+ 21  Ndien Jehovah ọtọn̄ọ ntak owụt enye idem+ ke Shiloh, koro Jehovah akayararede idemesie ọnọ Samuel ke Shiloh ke uyo Jehovah.+

Mme Ikọ Idakisọn̄

At. Ed., “ọduọ ke isọn̄.”