Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

1 Samuel 29;1-11

29  Ndien mbon Philistia+ ẹbon mbonekọn̄ mmọ ọtọkiet ke Aphek, ke adan̄aemi nditọ Israel ẹnamde nna ẹkpere idịm emi odude ke Jezreel.+  Ndien mbọn̄+ Philistia emi ẹdianade kiet ye udịmekọn̄ mmọ ẹsan̄a ke ikie ke ikie, ye ke tọsịn ke tọsịn ẹbe, ekem David ye ikọt esie ẹnyụn̄ ẹsan̄a ye Achish+ ẹbe.  Ekem mbọn̄ Philistia ẹdọhọ ẹte: “Nso ke mme Hebrew+ emi ẹnam mi?” Ntem Achish ọdọhọ mbọn̄ Philistia ete: “Nte emi idịghe David asan̄autom Saul edidem Israel, emi odude ye ami ke n̄kpọ nte isua kiet m̀mê iba idahaemi,+ ndien ami n̄kwe+ enye baba idiọkn̄kpọ kiet ke idem toto ke usen emi enye ekefehede etiene mi tutu esịm mfịn emi?”  Ndien mbọn̄ Philistia ẹyat esịt ye enye etieti; ndien ẹdọhọ enye ẹte: “Nam owo emi afiak ọnyọn̄,+ yak enye ọnyọn̄ ebiet emi afo ọkọnọde enye; kûnyụn̄ uyak enye etiene nnyịn aka ekọn̄, mbak enye ediwọn̄ọde ada ọbiọn̄ọ+ nnyịn ke ekọn̄. Koro nso ke owo emi edida okụt mfọn ke iso ọbọn̄ esie? Nte idịghe ibuot irenowo nnyịn ke enye edida?  Nte idịghe David emi ke mmọ ẹkenek unek, ẹnyụn̄ ẹkwọ ẹban̄a, ẹte, ‘Saul owot mme tọsịn, edi David owot mme tọsịn ke itie duop’?”+  Ekem Achish+ okot David onyụn̄ ọdọhọ enye ete: “Ma uwem Jehovah,+ afo edi edinen owo, afo ndisan̄a ye ami n̄wọrọ nnyụn̄ nsan̄a ye ami ndụk+ ke itienna ekọn̄ ọfọn mi ke enyịn;+ koro ami n̄kwe fi idiọkn̄kpọ ke idem toto ke usen emi afo ekedide ebịne mi tutu esịm mfịn emi.+ Edi ke enyịn mbọn̄+ Philistia emi ẹdianade kiet afo ufọnke.  Ndien, ke emi, fiak nyọn̄ ke emem, mbak afo udunam se idiọkde ke enyịn mbọn̄ Philistia emi.”  Edi David ọdọhọ Achish ete: “Ntak-a, nso ke ami nnam,+ nso ke afo onyụn̄ okụt asan̄autom fo ke idem toto ke usen oro n̄kedide mbịne fi tutu esịm mfịn emi,+ emi mûyakke mi ntiene n̄n̄wana ye mme asua ọbọn̄ mi edidem?”  Ntem Achish ọbọrọ David ete: “Ami mmetịm mfiọk nte afo ọmọfọn ke enyịn mi nte angel Abasi.+ N̄kukụre n̄kpọ edi ke mbọn̄ Philistia ẹdọhọ ẹte, ‘Yak enye okûsan̄a ye nnyịn ọdọk aka ekọn̄.’ 10  Ndien, ke emi, bak demede ke usenubọk, afo ye ikọt ọbọn̄ fo emi ẹsan̄ade ye afo; ndien mbufo ẹbak ẹdemede ke usenubọk ke eyo an̄wan̄ade ẹnyọn̄ọ.”+ 11  Ntem David ye ikọt esie ẹbak ẹdemede, ẹte inyọn̄ ke usenubọk,+ ika idụt mbon Philistia; ndien mbon Philistia ẹdọk ẹka Jezreel.+

Mme Ikọ Idakisọn̄